<1 Peter ᓂᐢᑕᑦ ᐱᑕᕒ 2

[1] ᐅᐱᒣ ᒫᑲ ᐁ ᐊᐢᑖᔦᐠ ᑲᐦᑭᔭᐤ ᒪᒋ ᐱᒫᑎᓯᐃᐧᐣ ᒥᓇ ᑲᐦᑭᔭᐤ ᑲᑲᔦᔨᓯᐃᐧᐣ ᒥᓇ ᐊᔭᒥᐁᑳᓱᐃᐧᓇ ᒥᓇ ᐃᓴᐋᐧᓇᑫᔨᒧᐃᐧᓇ ᒥᓇ ᒪᒋ ᐱᑭᐢᑫᐧᐃᐧᓇ,

[2] ᑖᐱᐢᑯᐨ ᐅᐢᑲᐋᐧᓯᓴᐠ ᓄᑌ ᐊᔮᐠ ᐊᓂᒪ ᐊhᒑᐦᑯᐃᐧ ᑐᑐᓵᐳ ᐁᑳ ᑳ ᑲᔦᓴᕽ ᑭᑕ ᑭ ᔭᑭᑭᐃᑯᔦᐠ ᐁᐊᐧᑯ ᐱᒫᒋᐦᐅᐃᐧᓂᕽ;

[3] ᑭᐢᐱᐣ ᑳ ᑯᒋᐢᑕᒧᐁᐧᑫᐧ ᑳ ᑎᐯᔨᐦᒋᑫᐟ ᐁ ᑭᓭᐋᐧᑎᓯᐟ;

[4] ᐁᐊᐧᑯ ᐁ ᐯ ᓈᑖᔦᐠ, ᐁ ᐱᒫᑎᓯᐟ ᐊᓯᓂ, ᐊᔨᓯᔨᓂᐊᐧ ᐃᐧᔭ ᐁ ᑭ ᐋᑕᐁᐧᔨᒥᑯᐟ, ᒫᑲ ᐃᐧᔭ ᑭᓭᒪᓂᑐᐊᐧ ᐁ ᑭ ᓇᐊᐧᓱᓂᑯᐟ, ᐁ ᑭᐢᑕᑭᒋᑳᓱᐟ,

[5] ᑭᔭᐋᐧᐤ ᒥᓇ, ᑖᐱᐢᑯᐨ ᐁ ᐱᒫᑎᓯᒋᐠ ᐊᓯᓂᔭᐠ, ᑭ ᐋᐧᐢᑳᐦᐃᑲᓂᑳᑎᑲᐃᐧᓈᐋᐧᐤ ᐊhᒑᐦᑯᐃᐧ ᐋᐧᐢᑳᐦᐃᑲᐣ, ᑭᑕ ᐊᔮᐠ ᑲᓈᒋ ᐊᔭᒥᐦᐁᐃᐧᔨᓂᐃᐧᐃᐧᐣ, ᑭᑕ ᐸᑭᑎᓇᒥᕽ ᐊhᒑᐦᑯᐃᐧ ᐸᑭᑎᓈᓱᐃᐧᓇ, ᐁ ᒥᔪᔭᐁᐧᐃᑯᐟ ᑭᓭᒪᓂᑐ ᐃᐧᔭ ᐅᐦᒋ ᒋᓴᐢ ᙭.

[6] ᒋᑫᒫ ᐃᑕᓯᓇᐦᐃᑳᑌᐤ ᑭᐦᒋ ᒪᓯᓇᐦᐃᑫᐃᐧᓂᕽ, ᒫᑎᑲ, ᓄᔭᔮᐤ ᓵᔭᓂᕽ ᑭᐦᒋ ᑭᑫᑕᑳᐊᐧᓯᓂ, ᐁ ᓇᐊᐧᓱᓂᐦᐟ, ᐁ ᑭᐢᑕᑭᓱᐟ; ᐊᓇ ᒫᑲ ᑳ ᑖᐯᐧᑕᐋᐧᐟ ᓇᒪᐃᐧᔭ ᑭᑕ ᓇᓀᐯᐃᐧᐋᐤ.

[7] ᑭᔭᐋᐧᐤ ᒫᑲ ᑳ ᑖᐯᐧᑕᒣᐠ ᑭ ᑭᐢᑕᑭᑕᒫᑲᐃᐧᓈᐋᐧᐤ; ᒫᑲ ᐊᓂᑭ ᐁᑳ ᑳ ᑖᐯᐧᑕᐦᑭᐠ, ᐊᓯᓂᔭ ᐅᐋᐧᐢᑳᐃᑲᓂᑫᐊᐧᐠ ᑳ ᑭ ᐋᑕᐁᐧᔨᒫᒋᐠ, ᐁᐊᐧᑯ ᑭᐢᑕᔮᐤ ᑭᑫᑕᑳᕽ;

[8] ᒥᓇ, ᐱᓱᑫᓯᓄᐃᐧ ᐊᓯᓂ, ᒥᓇ ᑭᐢᑖᐱᐢᐠ ᑫ ᓇᔦᑖᐁᐧᔨᒥᐦᐟ; ᒋᑫᒫ ᐱᓱᑫᓯᓇᐧᐠ ᐃᑌᐧᐃᐧᓂᕽ ᐃᐧᔭ ᐁ ᓴᓯᐱᑕᑭᐠ; ᐃᑕ ᒥᓇ ᑳ ᑭ ᐅᔭᑭᒥᐦᒋᐠᐧ

[9] ᒫᑲ ᑭᔭᐋᐧᐤ ᓇᐊᐧᓱ ᐊᔨᓯᔨᓂᐋᐧᐠ, ᑭᐦᒋ ᐅᑭᒫᐃᐧ ᐊᔭᒥᐦᐁᐃᐧᔨᓂᐃᐧᐃᐧᐣ, ᑲᓈᑕᐢᑳᓀᓯᐃᐧᐃᐧᐣ, ᐊᔨᓯᔨᓂᐊᐧᐠ ᑭᓭᒪᓂᑐ ᐃᐧᔭ ᑭᑕ ᐊᔮᐋᐧᐟ, ᑭᑕ ᐋᐧᐸᐦᑕᐦᐃᐁᐧᔦᐠ ᐊᔨᐋᐧᐠ ᐅ ᒥᔮᐧᑎᓯᐃᐧᓇ ᐊᓇ ᑳ ᑭ ᓇᑐᒥᑯᔦᐠ ᐊᐧᓂᑎᐱᐢᑳᕽ ᐅᐦᒋ ᒫᒪᐢᑳᐨ ᐅ ᐋᐧᐢᑌᕽ;

[10] ᑲᔮᐢ ᐁᑳ ᑳ ᑭ ᐅᐟ ᐃᔨᓂᒥᑳᐃᐧᓂᑐᑖᑲᐃᐧᔦᐠ, ᒫᑲ ᐁᑲᐧ ᑭᔭᐋᐧᐤ ᑭᓭᒪᓂᑐ ᑳ ᐅᐟ ᐃᔨᓂᒥᐟ; ᐁᑳ ᑳ ᑭ ᐅᐦᒋ ᑭᑎᒫᑭᓈᑲᐃᐧᔦᐠ ᒫᑲ ᐁᑲᐧ ᑳ ᑭᑎᒫᑭᓈᑲᐃᐧᔦᐠ.

[11] ᑳ ᓵᑭᐦᐃᑕᑯᐠ, ᑭ ᑳᑭᓯᒧᑐᑖᑎᓈᐋᐧᐤ ᑖᐱᐢᑯᐨ ᐅᑲᐯᓯᐊᐧᐠ ᒥᓇ ᐅᐱᒧᑌᐅᐊᐧᐠ ᑭᑕ ᓇᑭᐢᑕᒣᐠ ᐃᐧᔮᓯᐃᐧ ᒧᐢᑕᐁᐧᔨᑕᒧᐃᐧᓇ ᑳ ᓄᑎᓂᑯᐟ ᐊhᒑᕽ;

[12] ᐁ ᐊᔨᓯᒋᑫᔦᐠ ᑭᑕ ᒥᔪ ᐋᐧᐸᐦᑕᐋᔦᑯᐠ ᒉᐣᑕᐃᓬᐊᐠ; ᐁᑯᓯ ᐃᑕ ᐁ ᒫᔮᒋᒥᑯᔦᑯᐠ ᑖᐱᐢᑯᐨ ᐅᐊᐧᓂᑐᑕᒧᐊᐧᐠ, ᑭ ᒥᔪ ᐊᑐᐢᑫᐃᐧᓂᐋᐧᐊᐧ ᐅᐦᒋ ᐁ ᐋᐧᐸᐦᑕᐦᑭᐠ ᑭᑕ ᑭᐢᑕᑭᒫᒋᐠ ᑭᓭᒪᓂᑐᐊᐧ ᐊᓂᒪ ᑭᓯᑳᐤ ᐅᑎᐦᑎᑯᐃᐧᓯᑖᐧᐃᐧ.

[13] ᐸᑕᐱᐢᑕᒧᐠ ᑲᐦᑭᔭᐤ ᑳ ᐃᓯ ᐅᔭᑭᒥᐁᐧᐟ ᐊᔨᓯᔨᓂᐤ ᑳ ᑎᐯᔨᐦᒋᑫᐟ ᐅᐦᒋ; ᑭᐢᐱᐣ ᑭᐦᒋ ᐅᑭᒫᐤ ᑳ ᒫᐊᐧᒋ ᓂᑳᓀᔨᑖᑯᓯᐟ;

[14] ᐊᐦᐳ ᐅᔭᓱᐁᐧᐃᐧᑭᒫᐊᐧᐠ ᑳ ᐃᓯᑎᓴᐅᑯᒋᐠ ᑭᑕ ᑲᑫᐢᑭᒧᐋᒋᐠ ᑳ ᒪᒋᑐᑕᒥᔨᐟ ᒥᓇ ᑭᑕ ᒪᒥᒋᒫᒋᐠ ᐊᓂᐦᐃ ᑳ ᒥᔪ ᑐᑕᒥᔨᐟ.

[15] ᒋᑫᒫ ᐁᐊᐧᑫᐧᔨᐤ ᑳ ᐃᓯ ᓇᑕᐁᐧᔨᑕᕽ ᑭᓭᒪᓂᑐ, ᒥᔪ ᑐᑕᒧᐃᐧᐣ ᑭᑕ ᐅᐦᒋ ᐳᓀᐧᐁᐧᒥᑯᔦᑯᐠ ᐁᑳ ᑳ ᐅ ᑭᐢᑫᔨᑕᒧᐃᐧᓂᒋᐠ ᑲᑫᐸᒋ ᐊᔨᓯᔨᓂᐊᐧᐠ;

[16] ᐁ ᑎᐯᔨᒥᓱᔦᐠ, ᒫᑲ ᐁᑳ ᐁ ᐋᐸᒋᑖᔦᐠ ᑭ ᑎᐯᔨᒥᓱᐃᐧᓂᐋᐧᐤ ᑭᑕ ᐅᐦᒋ ᐊᑲᐧᓇᐊᒣᐠ ᒪᒋᐃᑎᐃᐧᐣ, ᒫᑲ ᑖᐱᐢᑯᐨ ᑭᓭᒪᓂᑐ ᐅᐟ ᐊᑐᐢᑫᔮᑲᓇ.

[17] ᑯᓯᑫᐧᔨᒥᑯᐠ ᑲᐦᑭᔭᐤ ᐊᔨᓯᔨᓂᐊᐧᐠ. ᓵᑭᐦᐃᐦᑯᐠ ᐅᒋᐋᐧᒥᒫᐊᐧᐠ. ᑯᐢᑎᕽ ᑭᓭᒪᓂᑐ. ᑯᓯᑫᐧᔨᒥᕽ ᑭᐦᒋ ᐅᑭᒫᐤ.

[18] ᐊᑐᐢᑫᔮᑲᓂᑎᐠ ᓇᓇᐃᑖᑯᐠ ᑭᐟ ᐅᑭᒫᒥᐋᐧᐊᐧᐠ ᒥᓯᐁᐧ ᐊᐢᑖᓯᐃᐧᓂᕽ; ᓇᒪᐃᐧᔭ ᐱᑯ ᑳ ᒥᔮᐧᑎᓯᒋᐠ ᒥᓇ ᑳ ᔪᐢᑳᑎᓯᒋᐠ ᒫᑲ ᒥᓇ ᑳ ᐋᑳᐧᑎᓯᒋᐠ.

[19] ᒋᑫᒫ ᐁᐊᐧᑯ ᐅᒪ ᒥᔪ ᐅᑎᓂᑳᑌᐤ ᑭᐢᐱᐣ ᐊᔨᓯᔨᓂᐤ ᐅ ᑭᐢᑫᔨᒥᓱᐃᐧᓂᕽ ᐁ ᒥᑐᓀᔨᒫᐟ ᑭᓭᒪᓂᑐᐊᐧ ᓴᓯᐯᔨᑕᑭ ᒥᑯᐢᑳᑌᔨᑕᒧᐃᐧᐣ ᐁᑳ ᑲᐧᔭᐢᐠ ᐁ ᑯᑕᑭᐦᐃᐦᐟ.

[20] ᒋᑫᒫ ᑖᓂᑕ ᐃᐧᔭ ᑫ ᑭ ᑭᐢᑕᑭᑌᐠ ᑭᐢᐱᐣ ᐊᐧᓂᑐᑕᒣᑯ ᐁᑯᓯ ᒫᑲ ᐸᑲᒪᐅᑲᐃᐧᔦᑯ ᐁᐊᐧᑯ ᐅᐦᒋ, ᓯᐯᔨᑕᒧᐃᐧᓂᕽ ᑯᑎᓀᓈᐋᐧᐤ? ᒫᑲ ᑭᐢᐱᐣ ᐁ ᒥᔪ ᐃᑐᑕᒣᐠ ᑭ ᑯᑕᑭᐦᐃᑲᐃᐧᓈᐋᐧᐤ ᐁᑯᓯ ᐁᐊᐧᑯ ᓯᐯᔨᑕᒧᐃᐧᓂᕽ ᑯᑎᓀᓈᐋᐧᐤ, ᐁᐊᐧᑯ ᒥᔪ ᐅᑎᓇᑦ ᑭᓭᒪᓂᑐ.

[21] ᒋᑫᒫ ᐁᑯᑕ ᐅᒪ ᑭ ᑭ ᐃᓯ ᓇᑐᒥᑲᐃᐧᓈᐋᐧᐤ; ᐃᐧᔭ ᙭ ᒥᓇ ᐁ ᑭ ᑯᑕᑭᑖᐟ ᑭᔭᐋᐧᐤ ᐅᐦᒋ, ᐁ ᓇᑲᑕᒫᑯᔦᐠ ᐋᐧᐸᐦᑕᐦᐃᐁᐧᐃᐧᐣ ᑭᑕ ᐱᒥᑎᓴᐋᐧᔦᐠ ᐃᑕ ᑳ ᑭ ᐊᑎ ᑕᑯᐢᑫᐟ;

[22] ᐁᑳ ᑳ ᑭ ᐅᐦᒋ ᐊᐧᓂᑐᑕᕽ ᒥᓇ ᐁᑳ ᑲᑲᔦᔨᓯᐃᐧᐣ ᐅᑐᓂᕽ ᑳ ᑭ ᒥᐢᑭᑳᑌᔨᐠ;

[23] ᐁᐊᐧᑯ, ᐃᐢᐱ ᐁ ᑭᑳᒥᐦᐟ ᐁᑳ ᑳᐃᐧ ᑳ ᑭ ᑭᑳᐃᐧᑕᕽ; ᐃᐢᐱ ᐁ ᑯᑕᑭᐦᐃᐦᐟ ᐁᑳ ᑳ ᑭ ᐊᓱᒥᐁᐧᐟ; ᒫᑲ ᑳ ᑭ ᐸᑭᑌᔨᑕᒪᐋᐧᐟ ᐊᓂᐦᐃ ᑲᐧᔭᐢᐠ ᑳ ᐅᔭᓱᐁᐧᔨᐟ;

[24] ᐃᐧᔭ ᑫᐦᒋᐋᐧᐠ ᑳ ᑭ ᓇᔭᑕᕽ ᑭ ᒪᒋᑎᐃᐧᓂᓇᐊᐧ ᒥᐢᑎᑯᕽ, ᑭᔮᓇᐤ ᐁ ᓂᐱᔭᕽ ᒪᒋᑎᐃᐧᓂᕽ ᐃᓯ ᑭᑕ ᐱᒫᑎᓯᔭᕽ ᑲᐧᔭᐢᑭᑖᑎᓯᐃᐧᓂᕽ ᐃᓯ; ᐅ ᐸᐸᓴᐢᑌᐅᑯᐃᐧᓇ ᑳ ᐅᐦᒋ ᐃᔨᓂᑲᐃᑲᐃᐧᔦᐠ.

[25] ᒋᑫᒫ ᑖᐱᐢᑯᐨ ᒫᔭᑎᐦᑯᓴᐠ ᑭ ᑭ ᐊᐧᓂᓯᓂᓈᐋᐧᐤ; ᒫᑲ ᐁᑲᐧ ᑳᐃᐧ ᑭ ᓈᑖᐋᐧᐤ ᐊᓇ ᑳ ᐅᑲᓇᐃᐧᒫᔭᑎᐦᑫᐧᒥᒋᐠ ᒥᓇ ᑳ ᐅ ᑭᐦᒋ ᐊᔭᒥᐦᐁᐃᐧᔨᓂᒥᒋᐠ ᑭᐟ ᐊᐦᒑᐦᑯᐋᐧᐊᐧᐠ.