[1] اؤلو مئلچکلر عطّارین یاغینی قوخودوب خاراب اِدَر، بئر آز عاغیلسیزلیق حئکمت و حؤرمت صاحئبئنه ده بله اِدَر.
[2] حئکمتلی آدامین اوره‌یی دوزلویه طرف یؤنه‌لر، لاکئن سَفِهئن اوره‌یی اَیرئلئیه.
[3] عاغیلسیز بئر آدام، حتّا گتدئیی یولدا دا عاغلی آزدیر و هامییا عاغیلسیز اولدوغونو گؤرسه‌در.
[4] اگر حاکئمئن قضبی سنئن اوستونه قالخسا، یرئندن تَرپَنمه؛ چونکی ساکئتلئک، بؤیوک گوناهلارین اوستونو اؤرتَر.
[5] گون آلتیندا گؤردویوم بئر پئسلئک وار، او دا حؤکمدارین اَلئندن چیخان سهودئر؛
[6] عاغیلسیز چوخ اوجا مقاملارا قویولور، حال بو کی، وارلی‌لار آشاغیدا اوتورورلار.
[7] گؤردوم کی، نجه قوللار آتلار اوستونده گدئرلر و ریئسلر قول کئمی یرده یِرئیئرلر.
[8] قویو قازان اؤزو اونا دوشَر، دوواری سؤکَنی ده ائلان سانجار.
[9] داش کَسَنی داشلار یارالار، اودون یارانی دا، اودون خطره سالار.
[10] اگر بالتا کوت اولسا، اونون آغزینی دا ائتئلمَیه ورمسه‌لر، داها چوخ گوج صرف اولونمالی‌دیر؛ لاکئن حئکمت آداما مووفّقئیّت گتئرر.
[11] اگر ائلان سِحر اولونماقدان قاباق سانجسا، او زامان سِحربازدان دا فایدا یوخ.
[12] حئکمتلی آدامین آغزینین سؤزلری فیضلی‌دئر، لاکئن سَفِهئن دوداقلاری اونون هلاکینا یول آچار؛
[13] آغزینین سؤزلری عاغیلسیزلیقلا باشلانار، سؤزلرئنئن آخیری دا یامان دَلئلئکدئر.
[14] عاغیلسیز آدام سؤزو چوخالدار. نه اولاجاغینی هچ کس بئلمز؛ اوندان سونرا نه اولاجاغینی اونا کئم دئیه بئلر؟
[15] سَفِهلرئن چکدئیی زحمت اونلارین اؤزلرئنی یورار، اونلار شهره نجه گده‌جکلرئنی ده بئلمزلر.
[16] وای سنه، ای مملکت، اگر پادشاهین بئر اوشاقدیر، و ریئسلرئن ضئیافته سحر اِرکَن باشلاییرلار.
[17] خوش حالینا، ای مملکت، اگر پادشاهین بئر نجئبزاده‌دئر، و ریئسلرئن واختیندا، کِفلَنمک اوچون یوخ، قووّت اوچون یِیئرلر.
[18] تنبل‌لئکدن اِوئن دامی ییخیلار، اَللرئن تنبلئیئندن ده اِو دامار.
[19] شادلیق اوچون ضئیافت وِرَرلر و شراب حیاتی کِفله دولدورار؛ آمّا هر شیه جاواب اولان پولدور.
[20] پادشاهی حتّا فئکرئنده ده سؤیمه؛ وارلی آدامی حتّا یاتاق اوتاغیندا دا سؤیمه؛ چونکی گؤیون بئر قوشو سنئن سَسئنی آپارار، و گؤیده اوچان قوشلارین بئری مطلبی خبر وِرَر.