[1] آغساقّالدان، حقئقتده سودئیئم سوگئلی غایوسا.
[2] ای عزئز، دوعا ادئرم کی، جانین کامینا چاتدیغی کئمی، سن ده هر باخیمدان کامینا چاتیب صاغ-سالامات اولاسان.
[3] چوخ سوئندئم او زامان کی، بعضی قارداشلار گلئب، سنئن حقئقته باغلی اولدوغون باره‌ده شهادت وردئلر. یعنی، نجه حقئقتده رفتار ادئرسن.
[4] من اوچون بوندان داها بؤیوک شادلیق یوخدور کی، اؤولادلاریمین حقئقتده یاشادیغینی اشئدئم.
[5] ای عزئز، قارداشلار اوچون، هم ده قرئب اولانلار اوچون نه ادئرسن، وفالی عمل ادئرسن.
[6] اونلار دا کئلئسانین حوضوروندا سنئن محبّتئن حاقّیندا شهادت ورئبلر. اگر اونلاری تارییا لایئق بئر شکئلده یولا سالاسان، یاخشی ائش گؤررسن.
[7] چونکی اونلار اونون آدی خاطئرئنه یولا چیخدیلار و قیری‌‌یهودئلردن هچ بئر شی قبول اتمه‌دئلر.
[8] بونا گؤره، بئز بله آداملارا کؤمک اتمه‌لی‌یئک کی، حقئقته همکار اولاق.
[9] کئلئسایا بئر شی یازدیم، لاکئن آرالاریندا ریئس اولماغی سِوَن دئیوترِفِس بئزئم ددئیئمئزی قبول اتمئر.
[10] بو سببدن، اگر گلسم، اونون اتدئیی ائشلرئنی اوزه چیخارداجاغام. او، بئزه، ناحاق یره، پئس سؤزلر‌له ائتّئهام وورور و بونا دا قانع اولماییب اؤزو قارداشلاری قبول اتمئر، و بونو اتمک ائسته‌ینلره ده مانع اولور و اونلاری کئلئسادان قووور.
[11] ای عزئز، پئسلئیه یوخ، یاخشیلیغا اوخشار اول. یاخشیلیق ادن تاریداندیر. پئسلئک ادن تارینی گؤرمه‌یئب.
[12] دئمئترئیوس حاقّیندا هامی، هم ده حقئقتئن اؤزو یاخشی بئر شهادت ورئر. بئز ده بونا شهادتئمئزی علاوه ادئرئک و بئلئرسن کی، بئزئم شهادتئمئز دوغرودور.
[13] سنه یازمالی چوخ شیلرئم وار، لاکئن ائسته‌مئرم کی، اونلاری قلم و مورکّبله یازیم.
[14] آمّا اومئدئم وار کی، تزلئکله سنی گؤروم و اوز-اوزه دانیشاق.
[15] باریش سنئنله اولسون. دوستلار سنه سالام گؤندَ‌رئرلر. دوستلارا آدباآد سالام یتئر.