[1] اؤزونو عئسا مسئحه قول اتمئش و یعقوبون قارداشی یهودادان، آتا تاری طرفئندن سوئلئب عئسا مسئح اوچون ساخلانیلان دعوتلئلره:
[2] مرحمت و باریش و محبّت سئزه بول-بول احسان اولسون.
[3] عزئزلر، سئزه موشترک نئجات باره‌ده یازماغا چالیشدیغیم حالدا، بونو یازماغی لازیم گؤردوم کی، سئزی او ائمان اوچون جهد اتمه‌یه تشوئق ادئم کی، بئر دفه همئشه‌لئک موقدّسلره تسلئم ادئلدی.
[4] چونکی بعضی آداملار گئزلئجه آرانیزا سیزیلیبلار کی، اله قدئم زامانلاردان بری بو محکومئیّت اوچون تعیئن اولونوبلار؛ رذئل آداملار کی، تاریمیزین فیضئنی شهوتپرستلئیه دؤندَرئبلر و بئزئم یگانه آغا و ربّئمئز عئسا مسئحی ائنکار ادئرلر.
[5] گرچی سئز بوتون شیلری باشدان باشا بئلئرسئنئز، لاکئن سئزه بونو خاطیرلاماق ائسته‌یئرم کی، رب، اؤز خالقینی مئصئر دئیاریندان نئجات وردئیئندن سونرا، ائمان گتئرمه‌ینلری نهایت هلاک اتدی.
[6] ریاستلرئنی ساخلاماییب منصبلرئنی ترک ادن ملکلری ده ضولمت آلتیندا ابدی زنجئرلرده او بؤیوک موحاکئمه گونو اوچون ساخلاییب.
[7] اِله سودوم و گومورا و اطرافینداکی شهرلر کئمی، اونلار دا جئنسی عئفّتسئزلئیه دوشدولر و یاد بدن دالینجا گتدئلر و بونا گؤره ابدی اودلا جزالانیب، نومونه اولدولار.
[8] لاکئن گئنه ده همن شکئلده بو آداملار خیالبافلیقلا بدنلرئنی نجئس ادئرلر و ائقتئداری هچ ساییب، شؤوکتلئیی ده سؤیورلر.
[9] آمّا باش ملک اولان مئکایئل ائبلئسله موناقئشه ادئب موسانین جسدی اوچون موباحئثه ادنده، جورعت اتمه‌دی کی، اونو سؤیوب، اونا بئر حؤکم اتسئن. لاکئن ددی: «قوی سنی رب تنبه اتسئن.»
[10] آمّا بو آداملار آنلامادیقلارینی سؤیورلر و ائدراکسیز حیوانلار کئمی قرئزه‌یه اساسن آنلادیقلاری شیلرله اؤزلرئنی هلاک ادئرلر.
[11] وای اونلارین حالینا! چونکی اونلار قایِنئن یولونا گدئبلر و پول اوچون بلعامین خاطاسینا دوشوبلر و قوراخین عوصیانیندا هلاک اولوبلار.
[12] بو آداملار اونلاردیرلار کی، سئزئن محبّتلی ضئیافلرئنئزده لکه‌لردئرلر کی، سئزئنله قورخوسوز سوفره‌یه اوتوروب آنجاق اؤزلرئنئن قیدئنده‌دئرلر؛ یاغیشسیز بولودلار کی، یل‌له گدئرلر، میوه‌سئز پاییز آغاجلاری کی، ائکی قات اؤلوب رئشه‌دن چیخاردیلیبلار.
[13] دهنزئن تلاطوملو شپه‌لری کئمی کی، اؤز عاییبلارینی کؤپوک کئمی ساچیرلار. آوارا اولدوزلار کی، اونلار اوچون درئن ظولمت ابده کئمی ساخلانیب.
[14] بونلار حاقّیندا آدمئن یدّئنجی نسئلی اولان خنوخ دا نبئلئک ادئب دیئر: «باخ، رب اؤز مئنلرجه مئنلر موقدّسلری ائله گلدی کی،
[15] هامییا حؤکم اتسئن و رذئل یوللا یرئنه یتئرمئش بوتون رذئل آداملارین بوتون رذئل عملرئنی و رذئل گوناهکارلارین اونون ضئدّئنه دانیشدیغی بوتون پئس شیلری محکوم اتسئن.»
[16] بونلار دِیئنَن، ائراد توتان، و اؤز شهوتلرئنئن دالینجا قاچاندیرلار. تکبّورلو دانیشیرلار، آداملاری دا منفعت اوچون آلدادیرلار.
[17] آمّا سئز، عزئزلر، گرک ربّئمئز عئسا مسئحئن حوارئلرئنئن قاباقجا ددئیی سؤزلری خاطیرلایاسینیز.
[18] اونلار سئزه دیئردئلر کی، آخیر زاماندا ائستهزا ادنلر اولاجاقلار کی، اؤز رذئل شهوتلرئنئن دالینجا گده‌جکلر.
[19] آیریلیق سالان بونلاردیرلار، آنجاق نفسانئدئرلر، موقدّس روحدان دا بهره‌سئز.
[20] لاکئن سئز، عزئزلر، اؤزونوزو لاپ موقدّس ائمانلا بئنا ادئب، موقدّس روحدا دوعا ادئن.
[21] اؤزونوزو تارینین محبّتئنده ساخلایین، سئزی ابدی حیاتا آپاران ربّئمئز عئسا مسئحئن مرحمتئنی ائشتئیاقلا گؤزله‌یئن.
[22] شک ادنلره مرحمتلی اولون
[23] قالانلاری اوددان قاپیب نئجات ورئن و بعضئلرئنه ده قورخو ائله مرحمت گؤرسه‌دئن، حتّا جئسمدن لکه‌لنن پالتاردان دا نئفرت ادئن.
[24] ائندی او تارییا کی، سئزی بودره‌مکدن ساخلاماغا و اؤز شؤوکتئنئن حوضوروندا بؤیوک شادلیقلا ائرادسیز دایاندیرماغا قادئردئر.
[25] ربّئمئز عئسا مسئحئن وسئله‌سئله ازلدن و ائندی و ابده‌جک یگانه قورتاریجیمیز تارییا شؤوکت، عظمت، ریاست، و ائقتئدار اولسون. آمئن.