[1] آغساقّالدان حقئقتده سودئیئم سچئلمئش خانیم و اونون اؤولادلارینا؛ و نه آنجاق من، حقئقتی تانییانلارین هامیسی طرفئندن سوئلن.
[2] بئزده ساکئن اولان و بئزئمله همئشه‌لئک قالان حقئقتئن خاطئری اوچون.
[3] آتا تاریدان و آتانین اوغلو عئسا مسئحدن، حقئقت و محبّتده، فیض، رحمت، و باریش بئزئمله اولاجاق.
[4] چوخ سوئندئم کی، سنئن اوشاقلارین آراسیندا، آتادان آلدیغیمیز امره موطابئق، حقئقتده یاشادیقلارینا راست گلدئم.
[5] ائندی ای خانیم، سندن خاهئش ادئرم کی، بئربئرئمئزی سِوَک. سنه یازدیغیم بو، تزه بئر امر دیئل، بو امره بئز اِله او باشلانیشدان مالئکئک.
[6] و محبّت بودور کی، بئز اونون امرلرئنه موطابئق رفتار ادک. بو، باشلانیشدان اشئتدئیئنئز او امردئر کی، اوندا گرک رفتار اده‌سئنئز.
[7] چونکی چوخ آلدادانلار دونیایا یاییلیبلار کی، عئسا مسئحئن جئسمده گلدئیئنی قبول اتمئرلر. بونو ادن، همن او آلدادان و مسئحه ضئدّ اولاندیر.
[8] اؤزونوزدن موواظئب اولون کی، بئزئم عمله یتئشتئردئیئمئزی سئز الدن ورمه‌یئب، کامئل بئر پاداشا نایئل اولاسینیز.
[9] حدّی آشیب مسئحئن تعلئمئنه باغلی قالمایان هچ کئمسه‌ده تاری یوخدور. تعلئمه باغلی قالان هر کسده هم آتا وار هم ده اوغول.
[10] اگر بئر کئمسه یانینیزا گلئب بو تعلئمی گتئرمئر، اونو اِوه قبول اتمه‌یئن، اونونلا دا سالاملاشمایین.
[11] چونکی اونونلا سالاملاشان، اونون شر ائشلرئنده شرئک اولور.
[12] گرچی سئزه یازمالی چوخ سؤزوم وار، آمّا ائسته‌مئرم کی، بونو کاغیذ و مورکّبله ادئم. اومئدئم بودور کی، یانینیزا گلم و اوز-اوزه دانیشام، اله کی، شادلیغیمیز کامئل اولسون.
[13] سنئن سچئلمئش باجینین اؤولادلاری سنه سالام گؤندَ‌رئرلر.