[1] ربّئن ساندیغی فئلئسطلی‌لرئن دئیاریندا یدّی آی قالدی.
[2] فئلئسطلی‌لر کاهئنلرله فالچیلاری چاغیریب ددئلر: «بو ربّئن ساندیغینی نه اِدَک؟ بئزه دیئن اونو اؤز یرئنه نجه گری گؤندَ‌رَک.»
[3] اونلار ددئلر: «اگر ائسرایئل تاریسینین ساندیغینی گری گؤندَرمک ائسته‌یئرسئنئز، اونو بوش گؤندَ‌رمه‌یئن. اونو حتمن بئر تقصئر تقدئمی‌ائله گؤندَ‌رئن. او زامان صاغالارسینیز و او سئزدن نه اوچون اَل چکمه‌دئیئنی بئلدئرر.»
[4] فئلئسطلی‌لر سوروشدولار: «اونا گؤندَ‌ره‌جیئمئز تقصئر تقدئمی نه اولمالی‌دیر؟» کاهئنلر و فالچیلار بله جاواب وردئلر: «فئلئسطلی‌لرئن آغالارینین سایینا گؤره بش قیزیل شئش صورتی ائله بش قیزیل سئچان صورتی دوزَ‌لدئب گؤندَ‌رئن. چونکی هَمَن بلا هم سئزئن، هم ده آغالارینیزین اوستونده‌دئر.
[5] اونا گؤره ده هم شئشلرئنئزئن، هم ده اؤلکه‌نئزی داغیدان سئچان صورتلرئنی یارادین و ائسرایئلئن تاریسینا عئزّت ورئن. بلکه او سئزئن، آللاهلارینیزین و تورپاغینیزین اوستونده اَلئنی یونگوللَشدئردی.
[6] نه اوچون سئز ده مئصئرلی‌لرله فئرعون کئمی اوره‌یئنئزی عئنادکار ادئرسئنئز؟ تاری اونلارلا شئدّتلی رفتار ادنده، مگر ائسرایئللی‌لری آزاد بوراخمادیلار؟
[7] ائندی تزه بئر عارابا دوزَ‌لدئن و یوغا قوشولمایان ائکی سود ورن ائنه‌یی عارابایا قوشون. لاکئن بالالارینی اونلاردان آییریب اِوه گؤندَ‌رئن.
[8] ربّئن ساندیغینی گؤتوروب عارابایا قویون و تقصئر تقدئمی آدیندا اونا وره‌جیئنئز قیزیل اشیالاری دا بئر موجرو ائچئنده ساندیغین یانینا قویون، سونرا دا یولا سالین، گتسئن.
[9] آمّا باخین، اگر اونلار ساندیغین اولدوغو تورپاغا یعنی بِیت‌شِمِش یولونا گده‌لر، دِمه‌لی اودور کی، بئزه بو بؤیوک بلانی گتئرئب. آمّا اگر اورایا گتمسه‌لر، اوندا بئله‌جیئک کی، بئزی ووران اونون اَلی دیئل و بو قضا باشیمیزا تصادوفَن گلئبدئر.»
[10] آداملار بله ده اتدئلر. ائکی سود ورن ائنَک گتئرئب عارابایا قوشدولار و بالالارینی دا اِوده باغلادیلار.
[11] ربّئن ساندیغینی عارابایا قویدولار و او موجونو ده کی، ائچئنده سئچانلار و شئشلرئن قیزیل صورتلری وار ائدی، عارابایا قویدولار.
[12] ائنَکلر بئرباشا بِیت‌شِمِشه گدن یوللا، صاغا-سولا دؤنمه‌دن، بؤیوره-بؤیوره گتدئلر. فئلئسطلی‌لرئن آغالاری دا اونلاری بِیت شِمِش سرحدئنه قدر اؤتوردولر.
[13] او زامان بِیت‌شِمِشلی‌لر دره‌ده بوغدا بئچئردئلر. اونلار باشلارینی قالدیریب ساندیغی گؤرنده سوئندئلر.
[14] عارابا بِیت‌شِمِشلی یوشَعئن زمئسئنه گئرئب بؤیوک بئر داشین یانیندا دایاندی. بیت‌شِمِشلی‌لر عارابانین آغاجلارینی قیردیلار، ائنَکلری ده ربّه یاندیرما قوربانی تقدئم اتدئلر.
[15] لاوئلی‌لر ربّئن ساندیغینی و اونون یانینداکی قیزیل اشیالار ییغیلمیش موجرونو عارابادان اِندئرئب، او بؤیوک داشین اوستونه قویدولار. او گون بیت‌شِمِشلی‌لر ربّه یاندیرما قوربانی ورئب آیری قوربانلار دا کسدئلر.
[16] فئلئسطلی‌لرئن بش آغاسی بو حادئثه‌نی گؤردوکدن سونرا همئن گون عِقرونا قاییتدیلار.
[17] فئلئسطلی‌لرئن تقصئر تقدئمی اولاراق ربّه قایتاردیغی قیزیل شئشلر بونلاردیرلار: بئری اَشدودا، بئری غَزّه‌یه، بئری اَشقِلونا، بئری گَته، بئری عِقرونا.
[18] قیزیل سئچانلارین دا ساییسی، بش آغایا عایید اولان بوتون فئلئسطلی قالالی شهرلرله اطراف کَندلرئن سایینا گؤره بش دنه ائدی. بِیت‌شِمِشلی یوشَعئن زمئسئنده ربّئن ساندیغی قویولان بؤیوک داش بو گونه قدر شاهئد کئمی قالیر.
[19] تاری بِیت‌شِمِشلی‌لری ده ووردو، چونکی ربّئن ساندیغینین ائچئنه باخمیشدیلار. تاری بوتون خالقدان اَلّی مئن یتمئش نفری ووردو. خالق ربّئن اونلارین باشینا گتئردئیی موصئبته گؤره یاس توتدو.
[20] بیت‌شِمِشلی‌لر ددئلر: «ربّئن قاباغیندا، بو موقدّس تارینین قاباغیندا کئم دایانا بئلر؟ بئزدن سونرا کئمئن یانینا گده‌جک؟»
[21] بونا گؤره ده قئریَت‌یِعه‌رئم اهالئسئنه قاصئدلر گؤندَ‌رئب ددئلر: «فئلئسطلی‌لر ربّئن ساندیغینی گری قایتاردیلار، گلئن اونو آپارین.»