[1] داوود اوره‌یئنده دوشوندو: «بئر گون شاعولون اَلئنده اؤله‌جیم. منئم اوچون فئلئسطلی‌لرئن اؤلکه‌سئنه قاچماقدان یاخشی چاره یوخدور. شاعول دا منی بوتون ائسرایئل تورپاغیندا آختارماق فئکرئندن اَل چَکَر و من اونون اَلئندن قورتارارام.»
[2] داوود دوروب یانینداکی آلتی یوز کئشی ائله گَت پادشاهی ماعوک اوغلو آکئشئن طرفئنه کچدی.
[3] داوود هم اؤزو، هم ده آداملارینین هر بئری اِو اهلی ائله، داوودون ائکی آروادی یِزرِعِللی اَخئنوعَم و کَرمِل‌لی نابالین دول آروادی اَبئگائلله بئرلئکده گَتده، آکئشئن یانیندا قالدی.
[4] داوودون گَته قاچدیغینی شاعولا خبر وردئلر و او دا بئر داها اونو آختارمادی.
[5] داوود آکئشه ددی: «اگر ائندی سنئن گؤزونده لوطف تاپمیشام، قوی اطراف شهرلرئن بئرئنده منه یر ورئلسئن و من ده اورادا قالیم. آخی نه اوچون بو قولون پادشاه شهرئنده سنئن یانیندا قالسین؟»
[6] او گون آکئش اونا صئقلَگ شهرئنی وردی. بو گونه قدر صئقلَگ یهودا پادشاهلارینا عاییددیر.
[7] داوودون فئلئسطلی‌لرئن اؤلکه‌سئنده قالدیغی مودّت بئر ائل دؤرد آی ائدی.
[8] داوودلا آداملاری گلئب گِشورلولارا، گئرزلی‌لره و عَمالِقلی‌لره هوجوم اتدئلر. بو خالقلار قدئم زامانلاردان بَری شورا چاتاناجاق، مئصئر اؤلکه‌سئنه قدر اولان اَراضئده مسکن سالمیشدیلار.
[9] داوود بو یره هوجوم اتدی و اورادا هچ آرواد یا کئشئنی دئری بوراخمادی. اونلارین قویون-کچئلرئنی، اؤکوزلرئنی، اِششَکلرئنی، دوه‌لرئنی و پالتارلارینی گؤتوروب آکئشئن یانینا قاییتدی.
[10] آکئش اوندان سوروشدو: «بو گون هارایا هوجوم اتدئنئز؟» داوود جاواب وردی: «یهودانین، یِرَخمِه‌اِللی‌لرئن و قِنلی‌لرئن جنوب بؤلگه‌سئنه هوجوم اتدئک.»
[11] داوود هچ کئشی و آروادی صاغ بوراخمادی کی، گَته خبر گتئرسئنلر و دیئردی: «یوخسا بئزئم حاقّیمیزدا خبر ورئب دئیَرلر: ”فئلئسط بؤلگه‌سئنده یاشایاندان داوود بله ادئب و بله یاشاییب.“»
[12] آکئش داوودا ائنانیب ددی: «آرتیق او اؤز خالقی ائسرایئلئن گؤزوندن کامئل دوشوب و بوندان سونرا همئشه‌لئک قولوم اولاجاق.»