[1] In kanyo mga tanong sa solat kangay wa piyagsagot. In maal sa kaliyakiyan in ayaw wa mamangkit babai.
[2] Kamay panawen asin sa Korinto aronaw in agpanggaraw, na in maal in baatte kaliyakiyan apo babai, osai baatte kagbaiyan apo lalaki.
[3] In lalaki ayaw agpakabwat sa kansiyo bilog, in babai ayaw din agpakabwat sa kansiyo bilog.
[4] Angkataw in babai idwa kapwan sa kansiyo bilog, in lalaki wa in kapwan. Kataw din ina, in lalaki idwa kapwan sa kansiyo bilog, in babai wa in kapwan.
[5] Ayaw dayo. Dayem apo polongan keyen, Ayaw kay, kita agpandalangin kay, no nangkadogay. Kalbas apo wakay, matang yewed malabo sa sokso dimonyo angkataw yewed katiis.
[6] In kangay piyagsabi ako agpatoldo waget sa kanyo. Ako yewed agayaw agpamangkit.
[7] No sa kangay, in maal nges kamo boo agtolad din sa kangay. Kamay in baatte osai apo kabaloyan batang sa Diyos. Yewed tikkatawan in mga kabaloyan.
[8] Sa mga wakay idapo lalaki, idapo babai, kadayo sa mga balo anda in kangay piyagsabi keyen, In maal kay nges ayaw mamangkit, kataw ako.
[9] Kamay no kamo yewed katiis, na pakasal wa. Osai in pakasal, osai in maloba agamag, in maal in pakasal agbangen.
[10] Sa mga apo wa lalaki, apo wa babai anda in kangay bilin, kamay yewed waget kangay, no yewed in Kapwan. In babai ayaw agbaliwan sa kansiyo lalaki.
[11] Kamay no siyo agbaliwan, na ayaw agpamangkit wakay osai, no yewed miskapet wakay sa lalaki. Osai in lalaki ayaw din agpasoway sa kansiyo babai.
[12] Ako wa in agsabi sa mga amat, yewed in kantam Kapwan, keyen no osai ka agpaniwala, in babai yewed agpaniwala, kalbas in babai agkabeet daan sa lalaki, na in agpaniwala agbangen ayaw agpasoway.
[13] No in lalaki yewed agpaniwala, in babai wakay agpaniwala, kalbas in lalaki agkabeet daan sa kansiyo, na in agpaniwala agbangen ayaw agpasoway.
[14] Angkataw in lalaki yewed agpaniwala piyagtanggap din Diyos panawen sa babai agpaniwala. Osai in babai yewed agpaniwala piyagtanggap din Diyos panawen sa lalaki agpaniwala. No yewed kataw ina, na in kansiro mga bodang daeten sa pangkit Diyos. Kamay siro piyagtanggap ngani Diyos, panawen sa lalaki agpaniwala. No yewed kataw ina, na in kansiro mga bodang daeten sa pangkit Diyos. Kamay siro piyagtanggap ngani Diyos, panawen sa osai ka koyay agpaniwala.
[15] Kamay no in taybalang, in yewed agbangen agpaniwala dayo wa sa agpaniwala, na siyo pabaliwan wa. No kataw ina in agpaniwala, kamayba lalaki, kamayba babai, agipalpas wa. Angkataw in beet Diyos kitam apyaan in boway.
[16] Kitam idbatay katawan. No agpaniwala in babai, karam siyo in padalan matang piyaboway in lalaki. No agpaniwala in lalaki, karam siyo in padalan matang piyaboway in babai.
[17] In baatte mangyan, no nangkataw siyo in siyo biyerya Diyos, na ayaw agalisen, angkataw ina in tiyaboy Diyos sa kansiyo. Ina pag bilin in kangay piyagpatoldo sa boo mga barkadaan mga bodang Diyos.
[18] No siyo datiyan toli in siyo biyerya Diyos, na ayaw agalisen. No siyo datiyan yewed toli in siyo biyerya Diyos, na ayaw wa agpatoli.
[19] Idapo kabolowan kamayba tiyoli, kamayba yewed tiyoli. In apo kabolowan in agpaniwala sa mga Batas Diyos.
[20] In baatte osai, no nangkataw siyo in siyo biyerya Diyos, na ayaw agalisen.
[21] No siyo sogowan alapet in siyo biyerya Diyos, na ayaw siyo agpanremrem asin, kamay no siyo batay piyagpalpas, na papalpas wa.
[22] Angkataw no siyo sogowan alapet in siyo biyerya Diyos, na kansiyo abyan piyalpas wa in Kapwan. Dayem no siyo agipalpas in siyo biyerya Kiristo, na siyo sogowan alapet Kiristo.
[23] Kitam biili Diyos, biyayadan wa. Ayaw agpasakop sa mangyan.
[24] Na laki mga belag, no nangkataw in kamo biyerya Diyos, na kamo agaway kay kataw ina, agyanggat sa Diyos.
[25] Panawen sa mga idapo babai, idapo lalaki, ako idapo bilin batang sa Kapwan. Kamay kangay batay piyagsabi in kangay remrem. Kalbas maal ako piyaniwalaan angkataw ako piyangwat maal panawen in Kapwan agpakayawte sa kangay.
[26] Panawen ngona betek aronaw kaidapan, kangay remrem in maal in mangyan, no nangkataw siyo na ayaw agalisen.
[27] No taybalang wa, na ayaw agpalsoway. In idapo babai ayaw agpamangkit babai.
[28] Kamay no siyo mamangkit babai ina yewed daet. No in daraga mamangkit lalaki ina yewed din daet. Kamay siro apo batay kaidapan anda pag boway. In kangay beet kamo ayaw apo kaidapan.
[29] Laki mga belag, in kangay beet siyabi keyen, Bangente wa in kalobosan kobat. Matang ibat ngona in apo babai ayaw agsalagen kansiyo babai sa panawen Diyos.
[30] Ayaw agpanremremen in mga makarongkot. In mga makaanggay ayaw din agpanremremen. Ayaw din agpanremremen in mga sangkap.
[31] Ayaw agkasadapan sa boote atai sa kobat, angkataw in boo kobat osai in boote atai sa kobat agkalobos.
[32] In kangay beet kamo idapo piyagkariyaban atai. In idapo babai yewed aglimbang sa panawen in Kapwan, angkataw siyo beet makaanggay sa Kapwan.
[33] Kamay in apo babai piyaglimbang in mga atai sa kobat, no nakay in batay makaanggay sa kansiyo babai,
[34] matang piyagbaslag in kansiyo remrem. Kataw din in daraga, osai in kagbaiyan idapo lalaki. Siyo maeyat agpanawen sa Kapwan, angkataw siyo beet boo sa Kapwan in panawen, kadayo in kansiyo bilog, kadayo in kansiyo remrem. Kamay in apo lalaki agpanremrem sa mga nakayte atai sa kobat, angkataw in kansiyo beet in lalaki agkaanggay sa kansiyo.
[35] Kaya ina kangay piyagsabi sa kanyo, matang kamo piyagtolong, yewed matang piyagpaidapan. In kangay beet maalen kanyo boway, boo wa gayed sa Kapwan agpanawen.
[36] No apo maypolong keyen batay taybalang, kalbas tagoli wakay maypolong keyen ayaw wa taybalang kita, kadogay miyalis wakay in remrem in kaliyakiyan keyen siyo idwa agpangwat in maal sa kansiyo batay babai, siyo maloba wa agamag, matang kailangan siro taybalang wa, na dali wa, ina yewed daet.
[37] Kamay no in kaliyakiyan sa kansiyo remrem keyen siyo idbatay wa pakasal ina maal, no marigen in kansiyo remrem, no yewed piilit, osai no siyo kabaloy agempet sa kansiyo bilog.
[38] Maal in agpakasal, kamay labi kay maal in agempet sa kansiyo bilog, yewed wa agpakasal.
[39] In babai agiskapet kay sa kansiyo lalaki, anggan yewed kay matay in lalaki. No matay wa in lalaki, na in babai mipalpas wa, maal wa siyo mamangkit wakay lalaki, kamayba nakay in kansiyo beet, kamay ayaw sa yewed agpaniwala sa Kapwan.
[40] Kamay sa kangay remrem siyo labi kay agkaanggay no siyo idwa mamangkit wakay lalaki. Osai in kangay remrem in Abyan Diyos agbalay din sa kangay in ako agsabi kataw ina.