[1] དེ་ཡང་ཟླ་བ་བདུན་པའི་ཉིན་དང་པོར། ཁྱོད་ཅག་ལ་འདུ་འཛོམས་དམ་པ་ཡོད་དགོས་ལ། རྒྱུན་ལྡན་གྱི་ལས་ཀ་གང་ཡང་བྱེད་མི་རུང་། དེ་ནི་ཁྱོད་ཅག་གིས་དུང་འབུད་པའི་ཉིན་མོ་ཡིན་ནོ། །
[2] ཁྱོད་ཅག་གིས་སྦྱིན་སྲེག་ནི་གཙོ་བོ་ཡ་ཝཱེ་ལ་དྲི་བཟང་གི་མཆོད་པ་རུ་དབུལ་དགོས་ཏེ། གླང་ཐུག་གཅིག་དང་། ལུག་ཐུག་གཅིག་དང་། སྐྱོན་མེད་པའི་ལུ་གུ་ལོ་གཅིག་ཅན་བདུན་བཅས་ཡིན་ནོ། །
[3] དེ་དང་མཉམ་དུ་འབུལ་བའི་འབྲུ་རིགས་ཀྱི་མཆོད་པ་ནི་ཕྱེ་བཟང་པོ་སྣུམ་བསྲེས་མ་ཡིན་ལ། གླང་ཐུག་རེའི་ཕྱིར་དུ་ཨེ་ཕཱ་བཅུ་ཆ་གསུམ་རེ་དང་། ལུག་ཐུག་རེའི་ཕྱིར་དུ་ཨེ་ཕཱ་བཅུ་ཆ་གཉིས་རེ་དང་།
[4] ལུ་གུ་བདུན་པོ་དེ་རེ་རེའི་ཕྱིར་དུ་ཨེ་ཕཱ་བཅུ་ཆ་གཅིག་རེ་དབུལ་དགོས།
[5] ཡང་ར་ཕོ་གཅིག་སྡིག་བཤགས་མཆོད་པར་ཕུལ་ནས་ཁྱོད་ཅག་གི་སྡིག་པ་བཤགས་དགོས།
[6] ཚེས་མགོའི་སྦྱིན་སྲེག་དང་དེའི་འབྲུ་རིགས་ཀྱི་མཆོད་པ་དང་། དུས་རྒྱུན་གྱི་སྦྱིན་སྲེག་དང་དེའི་འབྲུ་རིགས་ཀྱི་མཆོད་པ་དང་། ཁྲིམས་སྲོལ་ལྟར་དེ་དང་མཉམ་དུ་ཕུལ་བའི་སྐྱེམས་མཆོད་བཅས་ཀྱི་ཕན་ཆོད་ནས། དེ་རྣམས་གཙོ་བོ་ཡ་ཝཱེ་ལ་དྲི་བཟང་གི་མེ་མཆོད་དུ་འབུལ་བར་བྱའོ། །
[7] ཟླ་བ་བདུན་པའི་ཚེས་བཅུ་པར་ཁྱོད་ཅག་གིས་རང་ཉིད་ཁྱད་དུ་བསད་ནས་འདུ་འཛོམས་དམ་པ་རོལ་དགོས་ལ། ལས་ཀ་གང་ཡང་བྱེད་མི་རུང་།
[8] འོན་ཀྱང་སྦྱིན་སྲེག་ནི་གཙོ་བོ་ཡ་ཝཱེ་ལ་དྲི་བཟང་གི་མཆོད་པར་དབུལ་དགོས་པ་སྟེ། གླང་ཐུག་གཅིག་དང་། ལུག་ཐུག་གཅིག་དང་། སྐྱོན་མེད་པའི་ལུ་གུ་ལོ་གཅིག་ཅན་བདུན་བཅས་ཡིན་ནོ། །
[9] དེ་དང་མཉམ་དུ་འབུལ་བའི་འབྲུ་རིགས་ཀྱི་མཆོད་པ་ནི་ཕྱེ་བཟང་པོ་སྣུམ་བསྲེས་མ་ཡིན་ལ། གླང་ཐུག་རེའི་ཕྱིར་དུ་ཨེ་ཕཱ་བཅུ་ཆ་གསུམ་རེ་དང་། ལུག་ཐུག་རེའི་ཕྱིར་དུ་ཨེ་ཕཱ་བཅུ་ཆ་གཉིས་རེ་དང་།
[10] ལུ་གུ་བདུན་པོ་དེ་རེ་རེའི་ཕྱིར་དུ་ཨེ་ཕཱ་བཅུ་ཆ་གཅིག་རེ་དབུལ་དགོས།
[11] སྡིག་པའི་ཕྱིར་དུ་ཕུལ་བའི་སྡིག་བཤགས་མཆོད་པ་དང་། དུས་རྒྱུན་གྱི་སྦྱིན་སྲེག་དང་དེའི་འབྲུ་རིགས་ཀྱི་མཆོད་པ་དང་། དེ་དག་གི་སྐྱེམས་མཆོད་བཅས་ཀྱི་ཕན་ཆོད་ནས། ཡང་ར་ཕོ་གཅིག་སྡིག་བཤགས་མཆོད་པ་རུ་དབུལ་དགོས་སོ། །
[12] ཡང་ཟླ་བ་བདུན་པའི་ཚེས་བཅོ་ལྔའི་ཉིན་ཁྱོད་ཅག་ལ་འདུ་འཛོམས་དམ་པ་ཡོད་དགོས་ཤིང་། རྒྱུན་ལྡན་གྱི་ལས་ཀ་གང་ཡང་བྱེད་མི་རུང་ལ། གཙོ་བོ་ཡ་ཝཱེའི་ཕྱིར་ཉིན་བདུན་ལ་དུས་ཆེན་གཏོང་དགོས།
[13] ཁྱོད་ཅག་གིས་གཙོ་བོ་ཡ་ཝཱེ་ལ་དྲི་བཟང་གི་མེ་མཆོད་དུ་སྦྱིན་སྲེག་དབུལ་དགོས་པ་སྟེ། གླང་ཐུག་བཅུ་གསུམ་དང་། ལུག་ཐུག་གཉིས་དང་། སྐྱོན་མེད་པའི་ལུ་གུ་ལོ་གཅིག་ཅན་བཅུ་བཞི་བཅས་སོ། །
[14] དེ་དག་དང་མཉམ་དུ་འབུལ་བའི་འབྲུ་རིགས་ཀྱི་མཆོད་པ་ནི་ཕྱེ་བཟང་པོ་སྣུམ་བསྲེས་མ་ཡིན་ལ། གླང་ཐུག་བཅུ་གསུམ་པོ་དེ་རེ་རེའི་ཕྱིར་དུ་ཨེ་ཕཱ་བཅུ་ཆ་གསུམ་རེ་དང་། ལུག་ཐུག་གཉིས་པོ་དེ་རེ་རེའི་ཕྱིར་དུ་ཨེ་ཕཱ་བཅུ་ཆ་གཉིས་རེ་དང་།
[15] ལུ་གུ་བཅུ་བཞི་པོ་དེ་རེ་རེའི་ཕྱིར་དུ་ཨེ་ཕཱ་བཅུ་ཆ་གཅིག་རེ་དབུལ་དགོས།
[16] དུས་རྒྱུན་གྱི་སྦྱིན་སྲེག་དང་དེའི་འབྲུ་རིགས་ཀྱི་མཆོད་པ་དང་། དེ་དག་གི་སྐྱེམས་མཆོད་བཅས་ཀྱི་ཕན་ཆོད་ནས། ཡང་ར་ཕོ་གཅིག་སྡིག་བཤགས་མཆོད་པར་དབུལ་དགོས་སོ། །
[17] ཉིན་གཉིས་པར་གླང་ཐུག་བཅུ་གཉིས་དང། ལུག་ཐུག་གཉིས། སྐྱོན་མེད་པའི་ལུ་གུ་ལོ་གཅིག་ཅན་བཅུ་བཞི་བཅས་དབུལ་དགོས་པར་མ་ཟད།
[18] གླང་ཐུག་དང་ལུག་ཐུག་དང་ལུ་གུ་བཅས་ཀྱི་ཕྱིར་དུ་དེ་དག་གི་གྲངས་ཀ་དང་ཁྲིམས་སྲོལ་བཞིན་དུ། དེ་དག་དང་མཉམ་དུ་འབུལ་བའི་འབྲུ་རིགས་ཀྱི་མཆོད་པ་དང་སྐྱེམས་མཆོད་དབུལ་དགོས།
[19] དུས་རྒྱུན་གྱི་སྦྱིན་སྲེག་དང་དེའི་འབྲུ་རིགས་ཀྱི་མཆོད་པ་དང་། དེ་དག་གི་སྐྱེམས་མཆོད་བཅས་ཀྱི་ཕན་ཆོད་ནས། ཡང་ར་ཕོ་གཅིག་སྡིག་བཤགས་མཆོད་པར་དབུལ་དགོས་སོ། །
[20] ཉིན་གསུམ་པར་གླང་ཐུག་བཅུ་གཅིག་དང་། ལུག་ཐུག་གཉིས། སྐྱོན་མེད་པའི་ལུ་གུ་ལོ་གཅིག་ཅན་བཅུ་བཞི་བཅས་དབུལ་དགོས་པར་མ་ཟད།
[21] གླང་ཐུག་དང་ལུག་ཐུག་དང་ལུ་གུ་བཅས་ཀྱི་ཕྱིར་དུ་དེ་དག་གི་གྲངས་ཀ་དང་ཁྲིམས་སྲོལ་བཞིན་དུ། དེ་དག་དང་མཉམ་དུ་འབུལ་བའི་འབྲུ་རིགས་ཀྱི་མཆོད་པ་དང་སྐྱེམས་མཆོད་དབུལ་དགོས།
[22] དུས་རྒྱུན་གྱི་སྦྱིན་སྲེག་དང་དེའི་འབྲུ་རིགས་ཀྱི་མཆོད་པ་དང་། དེ་དག་གི་སྐྱེམས་མཆོད་བཅས་ཀྱི་ཕན་ཆོད་ནས། ཡང་ར་ཕོ་གཅིག་སྡིག་བཤགས་མཆོད་པར་དབུལ་དགོས་སོ། །
[23] ཉིན་བཞི་པར་གླང་ཐུག་བཅུ་དང་། ལུག་ཐུག་གཉིས། སྐྱོན་མེད་པའི་ལུ་གུ་ལོ་གཅིག་ཅན་བཅུ་བཞི་བཅས་དབུལ་དགོས་པར་མ་ཟད།
[24] གླང་ཐུག་དང་ལུག་ཐུག་དང་ལུ་གུ་བཅས་ཀྱི་ཕྱིར་དུ་དེ་དག་གི་གྲངས་ཀ་དང་ཁྲིམས་སྲོལ་བཞིན་དུ། དེ་དག་དང་མཉམ་དུ་འབུལ་བའི་འབྲུ་རིགས་ཀྱི་མཆོད་པ་དང་སྐྱེམས་མཆོད་དབུལ་དགོས།
[25] དུས་རྒྱུན་གྱི་སྦྱིན་སྲེག་དང་དེའི་འབྲུ་རིགས་ཀྱི་མཆོད་པ་དང་། དེ་དག་གི་སྐྱེམས་མཆོད་བཅས་ཀྱི་ཕན་ཆོད་ནས། ཡང་ར་ཕོ་གཅིག་སྡིག་བཤགས་མཆོད་པར་དབུལ་དགོས་སོ། །
[26] ཉིན་ལྔ་པར་གླང་ཐུག་དགུ་དང་། ལུག་ཐུག་གཉིས། སྐྱོན་མེད་པའི་ལུ་གུ་ལོ་གཅིག་ཅན་བཅུ་བཞི་བཅས་དབུལ་དགོས་པར་མ་ཟད།
[27] གླང་ཐུག་དང་ལུག་ཐུག་དང་ལུ་གུ་བཅས་ཀྱི་ཕྱིར་དུ་དེ་དག་གི་གྲངས་ཀ་དང་ཁྲིམས་སྲོལ་བཞིན་དུ། དེ་དག་དང་མཉམ་དུ་འབུལ་བའི་འབྲུ་རིགས་ཀྱི་མཆོད་པ་དང་སྐྱེམས་མཆོད་དབུལ་དགོས།
[28] དུས་རྒྱུན་གྱི་སྦྱིན་སྲེག་དང་དེའི་འབྲུ་རིགས་ཀྱི་མཆོད་པ་དང་། དེ་དག་གི་སྐྱེམས་མཆོད་བཅས་ཀྱི་ཕན་ཆོད་ནས། ཡང་ར་ཕོ་གཅིག་སྡིག་བཤགས་མཆོད་པར་དབུལ་དགོས་སོ། །
[29] ཉིན་དྲུག་པར་གླང་ཐུག་བརྒྱད་དང་། ལུག་ཐུག་གཉིས། སྐྱོན་མེད་པའི་ལུ་གུ་ལོ་གཅིག་ཅན་བཅུ་བཞི་བཅས་དབུལ་དགོས་པར་མ་ཟད།
[30] གླང་ཐུག་དང་ལུག་ཐུག་དང་ལུ་གུ་བཅས་ཀྱི་ཕྱིར་དུ་དེ་དག་གི་གྲངས་ཀ་དང་ཁྲིམས་སྲོལ་བཞིན་དུ། དེ་དག་དང་མཉམ་དུ་འབུལ་བའི་འབྲུ་རིགས་ཀྱི་མཆོད་པ་དང་སྐྱེམས་མཆོད་དབུལ་དགོས།
[31] དུས་རྒྱུན་གྱི་སྦྱིན་སྲེག་དང་དེའི་འབྲུ་རིགས་ཀྱི་མཆོད་པ་དང་། དེ་དག་གི་སྐྱེམས་མཆོད་བཅས་ཀྱི་ཕན་ཆོད་ནས། ཡང་ར་ཕོ་གཅིག་སྡིག་བཤགས་མཆོད་པར་དབུལ་དགོས་སོ། །
[32] ཉིན་བདུན་པར་གླང་ཐུག་བདུན་དང་། ལུག་ཐུག་གཉིས། སྐྱོན་མེད་པའི་ལུ་གུ་ལོ་གཅིག་ཅན་བཅུ་བཞི་བཅས་དབུལ་དགོས་པར་མ་ཟད།
[33] གླང་ཐུག་དང་ལུག་ཐུག་དང་ལུ་གུ་བཅས་ཀྱི་ཕྱིར་དུ་དེ་དག་གི་གྲངས་ཀ་དང་ཁྲིམས་སྲོལ་བཞིན་དུ། དེ་དག་དང་མཉམ་དུ་འབུལ་བའི་འབྲུ་རིགས་ཀྱི་མཆོད་པ་དང་སྐྱེམས་མཆོད་དབུལ་དགོས།
[34] དུས་རྒྱུན་གྱི་སྦྱིན་སྲེག་དང་དེའི་འབྲུ་རིགས་ཀྱི་མཆོད་པ་དང་། དེ་དག་གི་སྐྱེམས་མཆོད་བཅས་ཀྱི་ཕན་ཆོད་ནས། ཡང་ར་ཕོ་གཅིག་སྡིག་བཤགས་མཆོད་པར་དབུལ་དགོས་སོ། །
[35] ཉིན་བརྒྱད་པར་ཁྱོད་ཅག་ལ་འདུ་འཛོམས་གཟབ་རྒྱས་ཤིག་ཡོད་དགོས་ལ། རྒྱུན་ལྡན་གྱི་ལས་ཀ་གང་ཡང་བྱེད་མི་རུང་།
[36] གཙོ་བོ་ཡ་ཝཱེ་ལ་དྲི་བཟང་གི་མེ་མཆོད་དུ་སྦྱིན་སྲེག་དབུལ་དགོས་པ་སྟེ། གླང་ཐུག་གཅིག་དང་ལུག་ཐུག་གཅིག་དང་། སྐྱོན་མེད་པའི་ལུ་གུ་ལོ་གཅིག་ཅན་བདུན་བཅས་དབུལ་དགོས་པར་མ་ཟད།
[37] གླང་ཐུག་དང་ལུག་ཐུག་དང་ལུ་གུ་བཅས་ཀྱི་ཕྱིར་དུ་དེ་དག་གི་གྲངས་ཀ་དང་ཁྲིམས་སྲོལ་བཞིན་དུ། དེ་དག་དང་མཉམ་དུ་འབུལ་བའི་འབྲུ་རིགས་ཀྱི་མཆོད་པ་དང་སྐྱེམས་མཆོད་དབུལ་དགོས།
[38] དུས་རྒྱུན་གྱི་སྦྱིན་སྲེག་དང་དེའི་འབྲུ་རིགས་ཀྱི་མཆོད་པ་དང་། དེ་དག་གི་སྐྱེམས་མཆོད་བཅས་ཀྱི་ཕན་ཆོད་ནས། ཡང་ར་ཕོ་གཅིག་སྡིག་བཤགས་མཆོད་པར་དབུལ་དགོས་སོ། །
[39] མཆོད་པ་འདི་དག་ནི་ཁྱོད་ཅག་གི་དུས་ཆེན་གྱི་སྐབས་སུ་གཙོ་བོ་ཡ་ཝཱེ་ལ་དབུལ་དགོས་པ་སྟེ། དམ་བཅའི་མཆོད་པ་དང་ཡིད་མོས་ཀྱི་མཆོད་པ་དང་། སྦྱིན་སྲེག་གི་མཆོད་པ་དང་འབྲུ་རིགས་ཀྱི་མཆོད་པ་དང་། སྐྱེམས་མཆོད་དང་། ཞི་བདེའི་མཆོད་པ་བཅས་ཀྱི་ཕན་ཆོད་ནས་ཕུལ་བ་ཡིན་ཞེས་གསུངས་སོ། །
[40] དེ་ནས་མོ་ཤེ་ཡིས་གཙོ་བོ་ཡ་ཝཱེས་གནང་བའི་བཀའ་ཐམས་ཅད་བཞིན་དུ་ཡེས་ར་ཨེལ་པ་རྣམས་ལ་སྨྲས་སོ། །