[1] མཱལ་ཨ་ཀེ་བརྒྱུད་དེ་ཡ་ཝཱེས་ཡེས་ར་ཨེལ་ལ་འདི་སྐད་དུ་གསུངས་སོ།།
[2] གཙོ་བོ་ཡ་ཝཱེས་འདི་སྐད་དུ། ངས་ཁྱོད་རྣམས་ལ་ཤིན་ཏུ་གཅེས་ཞེས་གསུངས་ཀྱང་། ཁྱོད་ཅག་གིས་ན་རེ། ཁྱེད་ཀྱིས་ངེད་རྣམས་ལ་ཅི་ལྟར་གཅེས་པ་ཡིན་ནམ་ཞེས་ཟེར་ཞིང་། དེ་ནས་གཙོ་བོ་ཡ་ཝཱེས་འདི་སྐད་དུ། ཨེ་སཱབ་ནི་ཡ་ཀོབ་ཀྱི་ཕུ་བོ་མ་ཡིན་ནམ། ཡིན་ཡང་ངས་ཡ་ཀོབ་ལ་བྱམས་ཤིང་།
[3] ཨེ་སཱབ་ལ་ང་སྡང་སྟེ། ངས་ཨེ་སཱབ་ཀྱི་རི་ཁུལ་རྣམས་སྟོངས་སུ་བཅུག་ནས་དེའི་ནོར་སྐལ་དག་དབེན་སྟོང་གི་ཁྱི་སྤྱང་ལ་བྱིན་ནོ།།
[4] ཇི་སྟེ་ཨེ་དོམ་གྱིས་ངེད་རྣམས་བཤིག་པར་གྱུར་ཡང་གྱང་རོ་ཡང་བསྐྱར་བརྩིག་པར་འགྱུར་ཞེས་ཟེར་ཡང་། དཔུང་ཚོགས་ཀྱི་ཡ་ཝཱེས་འདི་སྐད་དུ། དེ་དག་ལ་བརྩིག་པར་གྱུར་དང་། ངས་ཡང་བསྐྱར་བཤིག་པར་འགྱུར་ཏེ། མི་རྣམས་ཀྱིས་དེ་དག་ལ་སྡིག་པའི་གནས་ཡུལ་དང་། དུས་གཏན་དུ་ཡ་ཝཱེ་ཡིས་སྡང་པའི་མི་རྣམས་ཞེས་འབོད་པར་འགྱུར།
[5] ཡང་ཁྱོད་རྣམས་ཀྱིས་དངོས་སུ་དེ་མཐོང་ནས། ཡེས་ར་ཨེལ་ཡུལ་གྱི་ཕ་རོལ་ནས་ཀྱང་གཙོ་བོ་ཡ་ཝཱེ་ནི་ཆེན་པོ་ལགས་ཞེས་ཁྱོད་རྣམས་ཀྱིས་དངོས་སུ་བརྗོད་པར་འགྱུར་རོ་ཞེས་གསུངས་སོ།།
[6] དཔུང་ཚོགས་ཀྱི་ཡ་ཝཱེས་ཁྱོད་རྣམས་ལ་འདི་སྐད་དུ། ཀྱེ་ངའི་མཚན་ལ་མཐོང་ཆུང་བྱེད་པའི་མཆོད་དཔོན་རྣམས། བུ་ཡིས་ཕ་ལ་གུས་ཤིང་། གཡོག་པོས་བདག་པོར་གུས་ཤིང་། གལ་ཏེ་བདག་ཉིད་ཕ་ཡིན་ན་ཁྱོད་ཀྱིས་གུས་པ་གང་ན་ཡོད་དམ། གལ་ཏེ་བདག་ཉིད་བདག་པོ་ཡིན་ན་ཐོབ་པར་འོས་པའི་དད་གུས་གང་ན་ཡོད་དམ། ཁྱོད་རྣམས་ཀྱིས་ན་རེ། ངེད་ཅག་གིས་ཁྱོད་ཀྱི་མཚན་ལ་ཅི་ལྟར་མཐོང་ཆུང་བྱས་སམ་ཞེས་སྨྲས་ཤིང་།
[7] ཁྱོད་རྣམས་ཀྱིས་བཟའ་ཆས་མི་གཙང་བ་ངའི་མཆོད་ཁྲི་སྟེང་དུ་ཕུལ་ནས། ད་དུང་ན་རེ། ངེད་ཅག་གིས་ཁྱེད་ཀྱི་མཆོད་ཁྲིར་ཅི་ལྟར་མི་གཙང་བ་བཟོས་སམ་ཟེར་ཞིང་། དེ་ཅིའི་ཕྱིར་ཞེ་ན། ཁྱོད་ཅག་གིས་གཙོ་བོ་ཡ་ཝཱེའི་གསོལ་ལྕོག་ལ་མཐོང་ཆུང་བྱེད་ཆོག་པར་འདོད་པའི་ཕྱིར་ཞེས་གསུངས་སོ།།
[8] དཔུང་ཚོགས་ཀྱི་ཡ་ཝཱེས་འདི་སྐད་དུ། གལ་ཏེ་ཁྱོད་རྣམས་ཀྱིས་ལོང་བ་མཆོད་པར་ཕུལ་ན་འདི་ངན་པ་མ་ཡིན་ནམ། ཡང་ཁྱོད་རྣམས་ཀྱིས་ཞ་བོ་དང་ནད་པ་མཆོད་པར་ཕུལ་ན་འདི་སྡིག་པ་མ་ཡིན་ནམ། ཁྱོད་ཀྱིས་རང་གི་དཔོན་པོར་ལེགས་སྐྱེས་འདི་འདྲ་ཕུལ་ན། དེ་ཁྱོད་ཀྱི་ལེགས་སྐྱེས་ལ་དགའ་ནས་དང་ལེན་བྱ་བར་འགྱུར་རམ་ཞེས་གསུངས་ཤིང་།
[9] དཀོན་མཆོག་གིས་ཁྱོད་རྣམས་ལ་ཐུགས་རྗེ་ཡིས་གཟིགས་པའི་ཕྱིར་དུ། ཁོང་གི་དྲུང་དུ་དགོངས་དག་ཞུས་ཤིག མཆོད་རྫས་མི་གཙང་བ་འདི་དག་ནི་ཁྱོད་ཀྱི་ལག་པ་བརྒྱུད་ནས་ཕུལ་བས། ཁོང་ཁྱོད་རྣམས་ལ་དགའ་ཞིང་དང་ལེན་བྱའམ་ཞེས་དཔུང་ཚོགས་ཀྱི་ཡ་ཝཱེས་གསུངས་པ་དང་།
[10] ཁྱོད་རྣམས་ཀྱིས་ངའི་མཆོད་ཁྲི་སྟེང་དུ་དོན་མེད་ཀྱི་མེ་མི་སྒྲོན་བི་ཕྱིར་དུ། ཁྱོད་ཀྱི་ནང་དུ་མི་ཞིག་གིས་ཕོ་བྲང་གི་སྒོ་བརྒྱབ་ན་ལེགས་ཤིང་། ང་ཁྱོད་རྣམས་ལ་མི་དགའ་སྟེ། ཁྱོད་ཀྱི་ལག་ཏུ་ཡང་ལེགས་སྐྱེས་མི་ལེན་ནོ་ཞེས་དཔུང་ཚོགས་ཀྱི་ཡ་ཝཱེས་གསུངས་སོ།།
[11] དཔུང་ཚོགས་ཀྱི་ཡ་ཝཱེས་འདི་སྐད་དུ། ཉི་མ་ཤར་བ་ནས་ནུབ་བའི་གནས་སུ་ངའི་མཚན་ནི་རྒྱལ་ཁབ་ཀུན་ཏུ་འཕགས་པར་བརྩིས་ཤིང་། གནས་ཀུན་ཏུ་མི་ཡིས་ངའི་མཚན་གྱི་ཕྱིར་དུ་སྤུས་བདུགས་པ་དང་ཡང་དག་པའི་མཆོད་པ་ཕུལ་ཞིང་། དེ་ཅིའི་ཕྱིར་ཞེ་ན། ངའི་མཚན་ནི་རྒྱལ་ཁབ་ཀུན་གྱི་ནང་དུ་འཕགས་པའི་ཕྱིར་ཞེས་གསུངས།
[12] དཔུང་ཚོགས་ཀྱི་ཡ་ཝཱེས་འདི་སྐད་དུ། ཡིན་ཡང་ཁྱོད་རྣམས་ཀྱིས་ང་ནི་ཁྱད་དུ་བསད་དེ། ཅིའི་ཕྱིར་ཞེ་ན། ཁྱོད་རྣམས་ཀྱིས་གཙོ་བོའི་གསོལ་ལྕོག་ནི་མི་གཙང་བ་དང་། གསོལ་ལྕོག་སྟེང་གི་བཟའ་ཆས་ལ་མཐོང་ཆུང་བྱེད་ཆོག་ཅེས་འདོད་པའི་ཕྱིར་ཞེས་གསུངས་སོ།།
[13] ཡང་ཁྱོད་ཅག་གིས་ན་རེ། ལྟོས་ཤིག སྡུག་བསྔལ་ཇི་ལྟར་ཆེའོ་ཟེར་བཞིན་ཁྲེལ་དགོད་བྱས་ཤིང་། དཔུང་ཚོགས་ཀྱི་ཡ་ཝཱེ་འདི་སྐད་དུ། ཁྱོད་ཚོས་ཕྲོགས་འོངས་པ་དང་། ཞ་བོ་དང་ནད་པ་དག་ཁྱེར་འོང་སྟེ་ལེགས་སྐྱེས་སུ་བྱས་པས། ངས་ཁྱོད་ཚོའི་ལག་ནས་ཅི་ལྟར་ལེན་དགོས་སམ་ཞེས་གསུངས།
[14] དཔུང་ཚོགས་ཀྱི་ཡ་ཝཱེས་འདི་སྐད་དུ། སུ་ཞིག་གིས་ཁྱིམ་ཕྱུགས་ནང་གི་ཕོ་ཡི་དམ་བཅའ་བཞག་ཀྱང་། གཡོ་སྒྱུ་ངང་ནས་གཙོ་བོར་སྐྱོན་ཅན་མཆོད་པར་ཕུལ་ན། མི་དེ་ལ་དམོད་མོ་ཐེབས་འོས་ཤིང་། དེ་ཅིའི་ཕྱིར་ཞེ་ན། ང་ནི་རྒྱལ་པོ་ཆེན་པོ་སྟེ། ངའི་མཚན་ནི་མི་བརྒྱུད་རྣམས་ཀྱི་ཁྲོད་ན་འཇིགས་སུ་རུང་བ་ལགས་ཞེས་གསུངས་སོ།།