[1] روم ایمپِراطُری تیبِریوسینگ حُکومدارلیغینینگ اُن بَشینجی ییلیندا، پُنتیوس پیلاتُس یهودیه‌نینگ حاکیمی زاماندا هیرودیس – جلیلی، اُنونگ دُغانی فیلیپُس – ایتوریه بیلِن تراخونیتیس وِلایاتینی، لیسانیوس-دا آبلیه دُلاندیریاردی.
[2] حَنّا بیلِن قیافا هِم باش کاهیندی. شُندا زِکِریانینگ اُغلی یحیایا خودایینگ سُزی گِلدی. اُل بیاباندا یاشایاردی.
[3] یحیی اُردُن آرناسینینگ تُوِرِگیندَکی هِمّه یِرلِره آیلانیپ، آداملارا گونَه‌لِرینینگ باغیشلانماغی اوچین توبا اِدیپ، تَعمید آلماقلارینی واغیظ اِدیَردی.
[4] اِشعیا پیغامبارینگ کیتابیندا شِیله یازیلاندیر: «بیاباندا قیغیریانینگ سِسی: ”خودایینگ یُلونی تاییارلانگ! اُنونگ یُل‍لارینی دُغرولانگ!
[5] هِمّه دِره‌لِر دُلدوریلار، هِمّه داغ-دِپه‌لِر پِسِلدیلِر، اِگرِم-بوغرام یُل‍لار دُغرولانار، بودور-سودور یُلجاغازلار تِکیزلِنِر.
[6] شُندا هِمّه اینسانلار خودایینگ نِجات بِرشینی گُرِرلِر.“»
[7] بیر اولی جِماغات تَعمید آلماق اوچین، یحیانینگ یانینا گِلدیلِر. یحیی اُلارا شِیله یوزلِندی: «اِی ییلانینگ نِسلی! گِلجِک غاضابدان قاچماغی سیزه کیم بیلدیردی؟
[8] موندان بِیلَک اِدِن توبانگیزا میناسیپ میوه بِرینگ. اُز یانینگیزدان: ”بیزینگ آتامیز ابراهیمدیر“ دییّپ فیکر اِتمَنگ. مِن سیزه شونی آیدایین: خودای ابراهیم اوچین شو داشلاردان هِم فِرزِنت یارادیپ بیلیَندیر.
[9] و شو زامان پالتا باغلارینگ دویبونده یاتیر: قاوی میوه بِرمِیَن هِر بیر باغ چاپیلیپ، اُدا آتیلار.»
[10] خالق اُندان: «اِیسِم، بیز نَمه اِتمِلی؟» دییّپ سُرادیلار.
[11] اُل: «ایکی کُینِکلی بیرینی کُینِکسیزه بِرسین. اییمیتی بُلان هِم شُنونگ یالی اِتسین» دییّپ جُغاپ بِردی.
[12] مالییات آلیانچیلار-دا تَعمید آلماق اوچین اُنونگ یانینا گِلیپ: «اُستاد، بیز نَمه اِتمِلی؟» دییّپ سُرادیلار.
[13] یحیی اُلارا: «اُزونگیزه بِرلِن دِستوردان کَن مالییات آلمانگ» دییدی.
[14] سُنگرا سِربازلار-دا: «بیز نَمه اِتمِلی؟» دییّپ سُرادیلار. اُلارا: «هیچ کیمدِن زُرلوق بیلِن پول آلمانگ، ناحاق یِره تُهمِت اورمانگ، اُز حاقینگیزا راضی بُلونگ» دییدی.
[15] خالق مسیحه اومید بیلِن قاراشیاردی و هِمّه‌لِر یحیی حاقدا یورِکلِرینده: «یحیی شُل مسیح دَلمیکَه؟» دییّپ فیکر اِدیَردیلِر.
[16] یحیی اُلارا: «مِن سیزی سووا تَعمید بِریَرین، اِمّا مِندِن سُنگرا گِلجِک مِندِن-ده خاص گویچلیدیر. مِن اُنونگ کُووشینینگ باغینی چُزمَگه-ده میناسیپ دَلدیرین. اُل سیزی مُقادِّس روحا هِم-ده اُدا تَعمید بِرِر.
[17] اُنونگ خارمان آراسّالایان چارشاخی اِلیندِدیر. اُل خارمان یِرینی سوپوریپ، بوغدایی آمّارینا اویشورِر، سامانی بُلسا سُنمِز اُددا یاقار» دییدی.
[18] اُل باشغا-دا کَن ناصیحات اِدیپ، خالقا خوش خاباری واغیظ اِدیَردی.
[19] اِمّا باش حاکیم هیرودیس اُز دُغانینینگ آیالی هیرودیا اُیلِنِنی اوچین و باشغا-دا کَن تِلِکه ایشلِری اِدِنی اوچین، یحیانینگ کَیینجینه سِزاوار بُلدی.
[20] اُل یحیانی زیندانا سالماق بیلِن اُوالقی اِدِن هِمّه تِلِکه‌لیکلِرینینگ اوستونه یِنه بیر تِلِکه‌لیک قُشدی.
[21] هِمّه خالق تَعمید بِرلیپ چیقاریلاندان سُنگ، عیسی-دا تَعمید بِرلیپ چیقاریلدی. اُل خودایا دُغا اِدیَرکَه، آسمان آچیلیپ،
[22] مُقادِّس روح کِپدِره مِنگزِش اُنونگ اوستونه ایندی. آسماندان: «سِن مِنینگ عزیز اُغلومسینگ. مِن سِندِن کَن راضیدیرین» دییِن سِس گِلدی.
[23] عیسی اُز خیدماتینا باشلان واقتی اُتوز یاشلاریندادی. اُل یوسفینگ اُغلی حاساپلانیاردی. یوسف هالییّنگ اُغلی،
[24] هالی ماتّاتینگ، ماتّات لاوینینگ، لاوی مَلکینینگ، مَلکی یانّانینگ، یانّا یوسفینگ،
[25] یوسف مِتّاتیانینگ، مِتّاتیا عاموسینگ، عاموس ناحومینگ، ناحوم حسلینینگ، حسلی نَجینینگ،
[26] نَجی ماتینگ، مات مِتّاتیانینگ، مِتّاتیا شِمعینینگ، شِمعی یوسفینگ، یوسف یهودانینگ،
[27] یهودا یوحنانینگ، یوحنا ریسانینگ، ریسا زِروبابِلینگ، زِروبابِل سالتیئیلینگ، سالتیئیل نِرینینگ،
[28] نِری مَلکینینگ، مَلکی اَدّینینگ، اَدّی قوسامینگ، قوسام ایلمودامینگ، ایلمودام عیرینگ،
[29] عیر یوسانینگ، یوسا الیعازَرینگ، الیعازَر یوریمینگ، یوریم ماتّاتینگ، ماتّات لاوینینگ،
[30] لاوی شمعونینگ، شمعون یهودانینگ، یهودا یوسفینگ، یوسف یونامینگ، یونام ایلیاقیمینگ،
[31] ایلیاقیم مَلیانینگ، مَلیا مینانینگ، مینان ماتّاتانینگ، ماتّاتا ناتانینگ، ناتان داوودینگ،
[32] داوود یَسانینگ، یَسا عوبیدینگ، عوبید بوعَزینگ، بوعَز شالمونینگ، شالمون نَحشونینگ،
[33] نَحشون عمینادابینگ، عمیناداب آرامینگ، آرام حِصرونینگ، حِصرون فارِصینگ، فارِص یهودانینگ،
[34] یهودا یعقوبینگ، یعقوب اسحاقینگ، اسحاق ابراهیمینگ، ابراهیم تارَح‌ینگ، تارَح ناحورینگ،
[35] ناحور سِروج‌ینگ، سِروج رَعونینگ، رَعو فالاجینگ، فالاج عابِرینگ، عابِر صالَح‌ینگ،
[36] صالَح قِینان‌ینگ، قِینان اَرفَکشادینگ، اَرفَکشاد سامینگ، سام نوحونگ، نوح لاماکینگ،
[37] لاماک ماتُشالاح‌ینگ، ماتُشالاح خَنوخینگ، خَنوخ یارِدینگ، یارِد مَهَلَلیلینگ، مَهَلَلیل قِینان‌ینگ،
[38] قِینان آنوشینگ، آنوش شیث‌ینگ، شیث آدامینگ اُغلودی، آدام بُلسا خودایینگ اُغلودی.