[1] Ana misil nuwwaar al-gechch // fi sahalat Chaaruun wa misil zahra jamiile // fi l-waadi.
[2] Habiibti fi ust al-banaat misil zahra jamiile fi lubb al-chook.
[3] Habiibi fi ust al-subyaan misil chadarat al-tuffaah // fi lubb chadar al-khaaba. Fi dullah, niriid ninjamma wa hu halu leyi misil fawaakih // fi lisaani.
[4] Hu waddaani fi beet al-aazuuma wa khattaani be hubbah.
[5] Akkuluuni be kaʼak al-inab wa azguuni be asiir al-tuffaah achaan ana miridt // min katarat al-chahwa.
[6] Iidah al-isra gaaʼide tihit raasi wa iidah al-zeene hadanatni.
[7] Ya banaat Madiinat al-Khudus, nihallifkan be jamaal al-khuzlaan wa araayil al-kadaade kadar ma tigawwiman wa la tiwaʼʼan al-hubb gabul waktah.
[8] Asmaʼan, daahu habiibi jaayi. Yunutt min jabal le jabal wa min hajar le hajar.
[9] Habiibi misil al-khazaal wa misil jidi al-aryal. Daahu waagif wara durdurna. Yichiifni be l-chubbaak wa yitaawigni be l-guduud.
[10] Hu chaal al-kalaam wa gaal leyi : «Gummi, ya habiibti al-jamiile, wa taʼaali leyi.
[11] Achaan wakt al-seef kammal wa l-matar bada wa l-khariif ja.
[12] Wa fi kulla l-balad, al-nuwwaar baan wa wakt al-khine ja. Wa hiss al-gimri ansamaʼ fi kulla l-balad.
[13] Chadar al-tiin rama iyaalah wa nuwwaar al-inab anchamma. Gummi, ya habiibti al-jamiile, wa taʼaali leyi.
[14] «Ya hamaamti, al-mullabbide fi karaakiir al-jibaal wa fi juruuf al-hujaar. Wassifi leyi wijihki wa khalli nasmaʼ hissiki achaan hissiki halu wa wijihki jamiil.
[15] «Aturdu leena al-baʼaachiim, aywa, al-baʼaachiim // al-yitallufu al-inab achaan chadar inabna nawwar.»
[16] Habiibi, ana leyah hu wa hu leyi ana. Wa hu saarih be khanamah // fi l-nuwwaar.
[17] Wa gabul buruudit al-leel wa wakit al-dalaam yisidd, gabbil, ya habiibi, wa taʼaal leyi. Abga misil al-khazaal wa misil jidi al-aryal fi juruuf al-jibaal.