[1] Wa l-naas al-khatto khitimhum fi waragat al-istifaag di, humman al-waali Nahamya wileed Hakalya wa Sidkhiiya
[2] wa Saraaya wa Azarya wa Irmiya
[3] wa Fachhuur wa Amarya wa Malkiiya
[4] wa Hattuuch wa Chabanya wa Malluuk
[5] wa Hariim wa Marimuut wa Ubadya
[6] wa Danyaal wa Ginnatuun wa Baruuk
[7] wa Machullam wa Abiiya wa Miyaamiin
[8] wa Maʼazya wa Bilgaay wa Chamaʼya. Wa humman kulluhum rujaal al-diin.
[9] Wa l-Laawiyiin al-sajjalo asaameehum, humman Yachuuʼ wileed Azanya wa Binuuwi min iyaal Hinadaad wa Khadmiyiil
[10] wa l-naas al-maʼaahum Chabanya wa Huudiiya wa Khaliita wa Falaaya wa Hanaan
[11] wa Miika wa Rahuub wa Hachabya
[12] wa Zakkuur wa Charabya wa Chabanya
[13] wa Huudiiya wa Baani wa Baniinu.
[14] Wa kubaaraat al-chaʼab al-sajjalo asaameehum, humman Farʼuuch wa Fahat Muwaab wa Ilaam wa Zattu wa Baani
[15] wa Bunni wa Azgad wa Babaay
[16] wa Aduniiya wa Bigwaay wa Adiin
[17] wa Atiir wa Hizkhiiya wa Azzuur
[18] wa Huudiiya wa Hachum wa Bisaay
[19] wa Hariif wa Anatuut wa Niibaay
[20] wa Magfiiʼach wa Machullam wa Hiziir
[21] wa Machizabiil wa Saduukh wa Yaduuʼ
[22] wa Falatya wa Hanaan wa Anaaya
[23] wa Huuchaʼ wa Hananya wa Hachuub
[24] wa Haluuhiich wa Filha wa Chubiikh
[25] wa Rahuum wa Hachabna wa Maʼasiiya
[26] wa Akhiiya wa Hanaan wa Anaan
[27] wa Malluuk wa Hariim wa Baʼana.
[28] Wa misil da, aniina al-baagyiin min al-chaʼab, rujaal al-diin al-Laawiyiin wa hurraas al-biibaan hana beet Allah wa l-khannaayiin wa l-khaddaamiin hana beet Allah wa kulla naas al-anʼazalo min al-umam al-aakhariin achaan yitabbugu Tawraat Allah, be awiinhum wa awlaadhum wa banaathum wa kulla naas al-yagdaro yafhamo,
[29] kullina ke lammeena maʼa akhwaanna wa naasna al-kubaar. Lammeena achaan nistafugu wa nahalfu kadar nitabbugu Tawraat Allah al-hu nazzalah be waasitat Muusa abdah. Nahalfu achaan nasmaʼo wa nisawwu hasab al-wasaaya wa l-gawaaniin wa l-churuut hana Allah Rabbina.
[30] Wa fi chaan da, aniina chilna niiye achaan ma nijawwuzu banaatna le siyaad al-balad di wa le awlaadna kula ma nijawwuzuuhum le banaathum.
[31] Wa kan siyaad al-balad jaabo ayyi cheyy hana beeʼ fi yoom al-sabt aw fi yoom aakhar hana ibaada kula, ma nachruuh minhum. Wa battaan chilna niiye achaan fi l-sana al-saabʼe, nikhallu ziraaʼitna ma nahartuuhum wa kan naadum addayyan minnina kula, nisaamuhu leyah deenah.
[32] Wa aniina be nufuusna sawweena gaanuun achaan ayyi waahid yanti kulla sana tilit hana hajar fudda le khidmit beet Allah.
[33] Al-khidme al-yisawwuuha fi beet Allah di, yigaddumu al-khubza le Allah wa yantu al-hadiiye hana dagiig al-yoomiiye wa l-dahiiye al-muharraga al-yoomiiye, wa yigaddumu al-dahaaya al-muharragiin fi kulli yoom sabt wa awwal yoom fi kulli chahar wa kulli iid, wa yigaddumu al-dahaaya al-mukhassasiin le Allah wa l-dahaaya le kaffaarat al-zanib hana Bani Israaʼiil, wa yisawwu ayyi khidme aakhara al-fi beet Allah.
[34] Aniina al-chaʼab wa rujaal al-diin al-Laawiyiin chilna niiye wa sawweena amʼiyeedaat achaan nigassumu ambeen aayilaatna al-wakit fi l-sana al-waajib niwaddu foogah al-hatab fi beet Allah Ilaahna. Misil da, niwaddu al-hatab al-yutuchchu beyah al-dahaaya fi l-madbah hana Allah Ilaahna misil maktuub fi l-Tawraat.
[35] Wa battaan kula chilna niiye achaan ayyi sana nigaddumu fi beet Allah awwal intaaj al-nagtaʼooh min ziraaʼitna wa min kulla iyaal chadarna.
[36] Wa misil maktuub fi l-Tawraat, nigaddumu awlaad al-bikir min awlaadna wa awlaad al-bikir min bahaayimna fi beet Allah Ilaahna. Nantu wald al-bikir hana bagarna wa khanamna le rujaal al-diin al-gaaʼidiin yakhdumu fi beet Allah Ilaahna.
[37] Wa battaan nantu leehum min awwal dagiigna wa min al-fawaakih hana ayyi chadar al-baakuluuh wa min al-khamar al-jadiid wa min al-dihin al-jadiid. Wa nijiibu kulla l-hadaaya dool fi l-makhaazin al-fi beet Allah Ilaahna. Wa le l-Laawiyiin kamaan, nantuuhum al-uchur min intaaj ziraaʼitna wa l-Laawiyiin zaathum yamchu fi l-hillaal al-aniina nahartu fooghum wa yichiilu al-uchur da.
[38] Wa wakit al-Laawiyiin yamchu yichiilu al-uchur da, waahid min rujaal al-diin al-min zurriiyit Haaruun yamchi maʼaahum. Wa l-Laawiyiin zaathum yichiilu uchur min al-uchur al-chaalooh da wa yukhuttuuh fi l-makhaazin al-fi beet Allah.
[39] Wa misil da, al-chaʼab wa l-Laawiyiin yijiibu hadaaya hana gameh wa khamar wa dihin fi l-makhaazin dool. Wa fi l-makhaazin dool, bukhuttu kulla cheyy al-yakhdumu beyah khidmit Allah. Wa rujaal al-diin wa hurraas al-biibaan hana beet Allah wa l-khannaayiin kula, kulluhum bunuumu fi l-makhaazin dool fi yoom khidmithum. Misil da aniina abadan ma nikhallu beet Allah Ilaahna.