[1] Ya Allah, fakkir fi l-bigi foogna wa asmaʼ wa chiif eebna.
[2] Al-aakhariin chaalo warasat juduudna wa ajnabiyiin sakano fi buyuutna.
[3] Wa bigiina ataama bala abbahaat wa ammahaatna bigo araamil.
[4] Wa be gurus, nachru almi charaabna wa l-hatab kula, nikaffu tamanah.
[5] Wa l-yidaayuguuna taʼʼaboona wa gaaʼidiin yitaaruduuna. Iyiina wa jumma ma indina.
[6] Le l-Masriyiin wa l-Achuuriyiin, maddeena iideenna wa dawwarna minhum maʼaachna.
[7] Wa abbahaatna al-aznabo kulluhum bigo ma fiihum wa laakin aniina chilna himil khataahum.
[8] Al-abiid malako foogna wa min iideehum, ma fi naadum al-yamrugna.
[9] Le nifattuchu al-akil, nadkhulu fi l-khutuura maʼa rabbaatiin al-duruub // fi l-sahara.
[10] Wa min chiddit al-juuʼ, wiridna. Jilidna bigi haami misil al-furun.
[11] Udwaanna ragado be gu maʼa awiin madiinat Sahyuun. Wa fi hillaal balad Yahuuza, banno al-banaat be gu.
[12] Wa humman allago masaaʼiilna // min iideehum wa ma ahtaramo al-chuyuukh.
[13] Wa l-chabaab chaalo al-murhaaka al-tagiile wa l-subyaan attartaʼo min tagalat al-hatab.
[14] Wa l-chuyuukh ma macho le l-majlas wa l-chabaab khallo khineehum.
[15] Wa l-farah waddar min guluubna wa liʼibna albaddal be hizin.
[16] Wa taajna wagaʼ min raasna. Ya khasaaritna, da achaan aznabna.
[17] Wa fi chaan da bas, guluubna wajaʼoona wa uyuunna ma bichiifu adiil.
[18] Aywa, jabal Sahyuun khirib wa baʼaachiim saakniin foogah.
[19] Ya Allah ! Inta maalik ila l-abad wa archak kula gaaʼid min zurriiye le zurriiye.
[20] Maala inta nisiitna daayman ? Wa maala khalleetna tuul al-wakit ?
[21] Ya Allah, akhbalna wa aniina nigabbulu leek wa jaddid gudritna misil fi l-zaman al-faat.
[22] Maala khidibt leena ziyaada wa rafadtina marra waahid ?