[1] Дәнг һәйә кӧ нава wәда бенамуси жи һәйә у әw жи бенамусикә ӧса, wәки нава п’утп’арьстада жи т’ӧнә, кӧ йәк дәст давежә демар’ийа хwә .
[2] У һун жь к’ӧбарийе һ’ьр’ бунә! Нә гәрәке wә шин бькьра у йе хwәйе ви кьри жь нава хwә дәрхьста?
[3] Ле бәле чаwа әз бәдәни нә нава wәда мә, ле р’ӧһ’е хwәда һазьр ьм у чаwа йәки һазьр, мьн иди бона йе ви тьшти дькә qьрара хwә бь наве Хӧдане мә Иса дайә. Гава һун щики дьщьвьн, р’ӧһ’е мьн жи т’әви wә, бь qәwата Хӧдане мә Иса
[5] wи мәрьви бьдьнә дәсте мирещьн, кӧ qальбе wи ӧнда бә у р’ӧһ’е wи хьлаз бә Р’ожа Хӧданда.
[6] Нә qәнщ ә кӧ һун фьр’наq дьбьн! Гәло һун ньзаньн кӧ һьнәк һәвиртьр’шк т’әмамийа шкәве һьлтинә?
[7] Ви һәвиртьр’шке кәвьн жь хwә дур хьн, кӧ һун бьбьнә һәвире нуйи бе һәвиртьр’шк, чаwа һун ӧса нә жи. Чьмки Бәрхе мәйи Щәжьна Дәрбазбуне, аwа готи Мәсиһ бона мә һатә сәржекьрьне.
[8] Дә әм ве щәжьне дәрбаз кьн, нә кӧ бь һәвиртьр’шке кәвьни нәһәqийе у хьрабийе, ле бь нане бе һәвиртьр’шк, бь нане һ’әлалийе у р’астийе .
[9] Мьн wәр’а нә’меда ньвисибу, кӧ т’әви qава нәбьн.
[10] Нә кӧ готьна мьн дәрһәqа qава, тьмак’ара, т’аланкьр йан п’утп’арьстед ве дьнеда бу. Һәгәр ӧса буйа, гәрәке һун лап жь дьне дәрк’әтана.
[11] Ле бәле мьн wәр’а ньвиси, кӧ һун т’әви wи нәбьн, йе кӧ наве хwәденасийе сәр ә, ле qав ә, тьма йә, п’утп’арьст ә, бӧхданбеж ә, сәрхwәш ә, йан жи т’аланкьр ә. Т’әви йе ӧса һ’әта нен жи нәхwьн!
[12] Чи мьнр’а йә әз диwана йед жь щьвине дәр бькьм? Хwәде wе диwана wан бькә. Ле диwана йед щьвинеда дәстед wәда йә. Аwа чаwа ньвисар ә: «Мәрьве хьраб жь нава хwә дәрхьн» .