[1] Hâ-poi he Ngò-pâ-tí-â só khon-tó ke yi-siong, he Chṳ-kô ke Song-chú lun Yî-tûng ke fa. Song-chú chhâi-phai sṳ́-chá to lie̍t-koet hi; ngài-têu thâng-tó sṳ́-chá só-chhòn ke sin-sit. Kì kóng: Hong hí-lòi ô! Ên-têu oi lâu Yî-tûng siông-chhṳ̀!
[2] Song-chú tui Yî-tûng kóng: Ngài oi sṳ́ ngì chhai lie̍t-koet chûng sàng-cho chui-ngio̍k ke, pûn-ngìn thai-thai khon-khiâng.
[3] Ngì kiêu-ngau ke sîm khî-phien chhṳ-kâ. Ngì ke kîn-sàng he ngàm-sa̍k hí ke sàng-pó; ngì he̍t chhai kô-sân táng, só-yî ngì chhiu tui chhṳ-kâ kóng: “Má-ngìn yû phan-fap chiông ngài lâi hâ-lòi?”
[4] Ngì sûi-yèn chhiong thai yeu-phò pî chhin-kô, cho-teu chhai sên-sṳ̀n kiên, Ngài ya oi chiông ngì lâi hâ-lòi.
[5] Chhe̍t-é lòi, ya-he khiòng-tho am-pû-thèu lòi, kì-têu voi nâ-chéu só-oi ke tûng-sî thin-thin; lòi chak phù-thò ke ngìn, kì-têu hàn-voi liù têu-é; chúng-he ngì ke sù-thi̍t voi chiông ngì chhióng-to chhiang-chhiang.
[6] Yî-so ke chṳ́-sûn â, ngì khong ke chhòi-pó yí-kîn pûn-ngìn sêu chhut-lòi chhióng-chéu!
[7] Lâu ngì kiet-yok ke chhiòn-phu chhut-mai ngì, chiông ngì kiuk-chhut chhṳ-kâ ke koet-kâ; lâu ngì siông-hó ke, liá-ha chṳ̂n-fu̍k ngì; sṳ̍t ngiâ fan ke ngìn, sat kî-koân ham-hoi ngì. Kì-têu chhṳ́-seu ngì kóng: “Ngì ke chhûng-mìn chhai nai-vi?”
[8] Song-chú kóng: Ngài chit-fa̍t Yî-tûng ke-ngit, Ngài oi chhù-thet kì-têu ke chhûng-mìn-ngìn, tui Yî-so-sân sêu-me̍t kì-têu ke chṳ-fi-ngìn.
[9] Thì-man ke chan-sṳ voi kiâng-to voi sí, Yî-so-sân ke ngìn chhiòn-phu voi pûn-ngìn chhṳ̀ chhiang-chhiang.
[10] Yîn-vi ngì tui ngì ke hiûng-thi Ngâ-kok án chhàn-ngiûn, ngì voi pûn siû-yu̍k châ-tén, yún-yén pûn-ngìn sêu-me̍t.
[11] Thi̍t-ngìn ngi̍p Ngâ-kok ke sàng-mùn lòi chhióng kì ke sṳ̀, ngì khî chhai sùn-thèu khon nau-ngie̍t; ngoi-chhu̍k-ngìn ngiâm-khiêu lòi pûn tui Yâ-lu-sat-lâng chhióng-tó ke chhòi-pó sṳ̀, ngì tông-chhiong he lâu kì-têu khiung-tóng ke ngìn.
[12] Ngì ke hiûng-thi tù-tó châi-nan ke-ngit, ngì mò yin-kôi muk-chû kîm-kîm khon-tén kì-têu. Yù-thai-ngìn me̍t-mòng ke-ngit, ngì mò yin-kôi chhiong tông fôn-hí. Kì-têu tù-tó châi-nan ke-ngit, ngì mò yin-kôi kóng sâu-nat ke fa.
[13] Ngài ke chṳ́-mìn tù-tó châi-nan ke-ngit, ngì mò yin-kôi ngi̍p kì-têu ke sàng-mùn. Kì-têu tù-tó châi-nan ke-ngit, ngì mò yin-kôi muk kîm-kîm khon kì-têu su-khú. Kì-têu tù-tó châi-nan ke-ngit, ngì mò yin-kôi chhióng kì-têu ke chhòi-sán.
[14] Ngì mò yin-kôi khî chhai chhâ-lu-héu, chok ke-têu thò-nan ke ngìn. Ngì mò yin-kôi chhai kì-têu tù-tó châi-nan ke-ngit, chiông chhûn-tó ke ngìn kâu-pûn sù-thi̍t.
[15] Ngài — Song-chú sṳ́m-phan van-koet ke ngit-è voi to lé. Yî-tûng â, ngì voi cheu ngì só-cho ke tet-tó po-yin; ngì só-cho ke, yit-thin voi kûi-to ngì ke thèu-nà-táng.
[16] Chhiong Ngài ke chṳ́-mìn chhai Ngài ke sṳn-sân lîm khú-pî, van-koet oi lîm hàn-kha khú ke pî; kì-têu oi lîm-liáu yu lîm, lîm-to châu-châu, yèn-heu kì-têu chhiu sêu-sṳt thet.
[17] Chúng-he Siak-ôn sân-táng yit-thin voi yû-ngìn thò-nan chhut-lòi; liá-sân voi sàng-cho sṳn-sân. Ngâ-kok-kâ voi chhùng-sîn tet-tó ngièn-lòi ke sán-ngia̍p.
[18] Ngâ-kok-kâ voi sàng-cho thai-fó, Yok-sit-kâ voi sàng-cho fó-yam, kì-têu oi chiông Yî-so-kâ sêu-thet, chhiong fó sêu vò-kón. Yî-so ke heu-thoi mò liù pan-sà. Ngài he Song-chú, Ngài án-ngiòng siên-pu lé.
[19] Yù-thai nàm-phién ke ngìn oi cham-liâng Yî-so-sân; sî-phién sân-kiok hâ ke ngìn oi kûng-chhí Fî-li-sṳ. Yî-set-lie̍t-ngìn oi cham-liâng Yî-fap-lièn lâu Sat-mâ-li-â ke thú-thi; Phien-ngâ-mén-ngìn oi tet-tó Kî-lie̍t.
[20] Pet-koet Yî-set-lie̍t ke liù-mòng kiûn-chhui, oi chón-lòi chṳ̂n-fu̍k Fî-nì-kî, chhṳ̍t-to Sat-le̍t-fap; tui Yâ-lu-sat-lâng liù-mòng to Sat-thi̍t-sṳ̂ ke ngìn, oi cham-liâng Yù-thai nàm-phu ke sàng-sṳ.
[21] Ke-têu tá-yàng ke ngìn oi sông-hi Siak-ôn-sân, thúng-chhṳ Yî-so-sân. Song-chú chhṳ-kâ oi cho vòng.