[1] ᑖᐯᐧ ᓇᒪᐃᐧᔭ ᑭᐟ ᐃᔨᓂᓯᓈᐋᐧᐤ ᑲᓬᐁᓯᔭᓂᑎᐠ, ᐊᐁᐧᓇ ᑳ ᑭᐢᑫᐧᐃᑯᔦᐠ, ᑭᔭᐋᐧᐤ ᒧᓯᐢ ᑭᐢᑭᓱᑯᐋᐧᕽ ᑳ ᑭ ᐋᐧᐸᐦᑕᐃᑲᐃᐧᔦᐠ ᒋᓴᐢ ᙭ ᐁ ᑭ ᒋᐢᑕᐦᐋᐢᑳᐧᑎᐦᐟ?
[2] ᐅᒪ ᐱᑯ ᑭ ᓇᑕᐁᐧᔨᒥᑎᓈᐋᐧᐤ ᑭᑕ ᑭᐢᑫᔨᑕᒧᐃᔦᐠ, ᑭ ᑭ ᒥᔨᑯᐃᐧᓯᓈᐋᐧᐤ ᒋ ᐊᐦᒑᕽ ᐊᑐᐢᑫᐃᐧᓇ ᐅᔭᓱᐁᐧᐃᐧᓂᕽ ᐅᐦᒋ, ᐊᐦᐳ ᒋ ᐁ ᐯᐦᑕᒣᐠ ᑖᐯᐧᔦᔨᑕᒧᐃᐧᐣ?
[3] ᐁᑯᓯ ᒋ ᐁᓯ ᐁᑳ ᐃᔨᓂᓯᔦᐠ? ᐁ ᑭ ᒫᒋ ᐊᔮᔦᐠ ᐊᐦᒑᐦᑯᕽ, ᐁᑲᐧ ᒋ ᑭ ᑭᓯᐃᑯᐃᐧᓯᓈᐋᐧᐤ ᐃᐧᔮᓯᕽ?
[4] ᐱᑯᓇᑕ ᒋ ᒥᐢᑕᐦᐃ ᑳ ᑭ ᑯᑕᑭᑖᔦᐠ? ᑭᐢᐱᐣ ᐅᑎ ᐱᑯᓇᑕ.
[5] ᐊᓇ ᒫᑲ ᑳ ᐅᐦᒋᐢᑕᒫᑯᔦᐠ ᐊᐦᒑᐦᑲᐧ, ᒥᓇ ᑳ ᐊᑐᐢᑳᑕᕽ ᒪᒫᑖᐃᐧ ᐃᓯᐦᒋᑫᐃᐧᓇ ᐃᑕ ᑳ ᐊᔮᔦᐠ, ᐃᑐᑕᑦ ᒋ ᐊᑐᐢᑫᐃᐧᓇ ᐅᔭᓱᐁᐧᐃᐧᓂᕽ ᐅᐦᒋ, ᐊᐦᐳ ᐁ ᐯᑕᒥᕽ ᑖᐯᐧᔦᔨᑕᒧᐃᐧᐣ?
[6] ᑖᐱᐢᑯᐨ ᐁᑊᕒᐁᐊᑦ ᑳ ᑭ ᐃᓯ ᑖᐯᐧᑕᐋᐧᐟ ᑭᓭᒪᓂᑐᐊᐧ ᐁᑯᓯ ᑲᐧᔭᐢᑳᐧᑎᓯᐃᐧᐣ ᑳ ᑭ ᐃᑕᑭᑕᒫᐦᐟ.
[7] ᑭᐢᑫᔨᑕᒧᐠ ᒫᑲ ᐊᓂᑭ ᑖᐯᐧᔦᔨᑕᒧᐃᐧᓂᕽ ᑳ ᐊᔮᒋᐠ, ᐁᐊᐧᑯᓂᐠ ᐅᑯᓯᓴ ᐁᑊᕒᐁᐊᑦ.
[8] ᑭᐦᒋ ᒪᓯᓇᐦᐃᑫᐃᐧᐣ ᒫᑲ, ᓂᔮᐠ ᐁ ᑭᐢᑫᔨᑖᑲᐧᕽ ᑭᓭᒪᓂᑐ ᑭᑕ ᑲᐧᔭᐢᑳᐧᑎᓯᐊᐧᑭᒫᐟ ᒉᐣᑕᐃᓬᐊ ᑖᐯᐧᔦᔨᑕᒧᐃᐧᐣ ᐅᐦᒋ, ᑭ ᐃᐧᐦᑕᒪᐁᐧᐤ ᒥᔮᐧᒋᒧᐃᐧᐣ ᓂᔮᐠ ᐁᑊᕒᐁᐊᒪ, ᐁ ᐃᑖᐟ, ᑭᔭ ᐅᐦᒋ ᑲᐦᑭᔭᐤ ᐁ ᐃᑕᑐᐢᑳᓀᓯᒋᐠ ᐊᔨᓯᔨᓂᐊᐧᐠ ᑭᑕ ᓴᐁᐧᔨᑖᑯᓯᐊᐧᐠ.
[9] ᐁᑯᓯ ᒫᑲ ᐊᓂᑭ ᑖᐯᐧᔦᔨᑕᒧᐃᐧᓂᕽ ᑳ ᐊᔮᒋᐠ ᓴᐁᐧᔨᑖᑯᓯᐊᐧᐠ ᑭᑭ ᐊᓇ ᐅᑖᐯᐧᔦᔨᑕᒧ ᐁᑊᕒᐁᐊᑦ.
[10] ᒋᑫᒫ ᑕᐦᑐ ᑳ ᑎᐯᔨᑖᑯᓯᒋᐠ ᐅᔭᓱᐁᐧᐃᐧᓂ ᐊᑐᐢᑫᐃᐧᓂᕽ ᓇᓂᐳᒥᑯᐃᐧᓂᕽ ᐊᔮᐊᐧᐠ: ᐃᐧᔭ ᐁ ᐃᑕᓯᓇᐦᐃᑳᑌᐠ, ᓈᓂᐳᒫᐤ ᑲᐦᑭᔭᐤ ᐊᐃᐧᔭᐠ ᐁᑳ ᑳ ᑎᐱᑐᑕᕽ ᑲᐦᑭᔭᐤ ᑫᑲᐧᐩ ᑳ ᒪᓯᓇᐃᑳᑌᐠ ᐅᔭᓱᐁᐧᐃᐧ ᒪᓯᓇᐦᐃᑲᓂᕽ, ᑭᑕ ᐃᑐᑕᕽ.
[11] ᒫᑲ ᐁᑳ ᐊᐃᐧᔭᐠ ᐊᔨᓯᔨᓂᐤ ᐁ ᑲᐧᔭᐢᑳᐧᑎᓯᐊᐧᑭᒥᐦᐟ ᐅᔭᓱᐁᐧᐃᐧᐣ ᐅᐦᒋ ᐁ ᐃᓯ ᑭᑖᐸᑕᕽ ᑭᓭᒪᓂᑐ, ᓂᓯᑕᐃᐧᓈᑲᐧᐣ: ᒋᑫᒫ, ᐅᑲᐧᔭᐢᑳᐧᑎᓯᐤ ᑭᑕ ᐱᒫᑎᓯᐤ ᑖᐯᐧᔦᔨᑕᒧᐃᐧᐣ ᐅᐦᒋ;
[12] ᐁᑯᓯ ᐅᔭᓱᐁᐧᐃᐧᐣ ᓇᒪᐃᐧᔭ ᑖᐯᐧᔦᔨᑕᒧᐃᐧᐣ ᐅᐦᒋ; ᐊᓇ ᑳ ᐃᑐᑕᕽ ᐁᐊᐧᑯᓂ ᐁᑯᑕ ᑭᑕ ᐱᒫᑎᓯᐤ.
[13] ᙭ ᑭ ᑭ ᑎᐸᐦᐃᑫᐢᑕᒫᑯᓇᐤ ᑳ ᓈᓂᐳᒥᑯᔭᕽ ᐅᔭᓱᐁᐧᐃᐧᐣ, ᐁ ᑭ ᐅᑎᓇᕽ ᑭᑕ ᓈᓂᐳᒥᑯᐃᐧᓂᐃᐧᐟ ᑭᔮᓇᐤ ᐅᐦᒋ: ᒋᑫᒫ ᐃᑕᓯᓇᐦᐃᑳᑌᐤ, ᓈᓂᐳᒋᑳᓱ ᑲᐦᑭᔭᐤ ᐊᐃᐧᔭᐠ ᑳ ᐊᑯᒋᕽ ᒥᐢᑎᑯᕽ:
[14] ᒉᐣᑕᐃᓬᐊᐠ ᑭᑕ ᐅᑎᐦᑎᑯᒋᐠ ᐅ ᓴᐁᐧᔨᑖᑯᓯᐃᐧᓂᔨᐤ ᐁᑊᕒᐁᐊᒪ ᙭ ᒋᓴᐢ ᐅᐦᒋ; ᑭᔮᓇᐤ ᑭᑕ ᒥᔨᑲᐃᐧᔭᕽ ᐊᐦᒑᕽ ᑳ ᐊᓱᑕᒫᑫᕽ ᑖᐯᐧᔦᔨᑕᒧᐃᐧᐣ ᐅᐦᒋ.
[15] ᓂᒋᐋᐧᒥᑎᐠ, ᓂ ᐱᑭᐢᑳᐧᐣ ᐊᔨᓯᔨᓂᐊᐧᐠ ᑳ ᐃᓯ ᐱᑭᐢᑫᐧᒋᐠ: ᑭᐢᐱᐣ ᐋᑕ ᐱᑯ ᐊᔨᓯᔨᓂᐤ ᐅᐟ ᐊᓱᑕᒫᑫᐃᐧᐣ, ᐁᔨᐁᐧᕽ ᐃᐢᐱ ᑳ ᐋᔮᑕᐢᑖᑭ, ᓇᒪᐃᐧᔭ ᐊᐃᐧᔭᐠ ᑕᐃᐧᓇᑦ, ᐊᐦᐳ ᑕᑯᑖᐤ ᐁᑯᑕ.
[16] ᐁᑊᕒᐁᐊᑦ ᒫᑲ ᐊᓱᑕᒫᑫᐃᐧᓇ ᑭ ᐃᐧᐦᑕᒪᐋᐧᐤ, ᒥᓇ ᐅᐟ ᐊᐋᐧᓯᒥᓴ. ᓇᒪᐃᐧᔭ ᐃᑌᐧᐤ, ᑭᐟ ᐊᐋᐧᓯᒥᓴᐠ, ᑖᐱᐢᑯᐨ ᒥᐦᒉᐟ ᐁ ᐃᑖᐟ; ᒫᑲ ᑖᐱᐢᑯᐨ ᐯᔭᐠ, ᑭᐟ ᐊᐋᐧᓯᒥᐢ ᒫᑲ, ᐁᐊᐧᑯ ᙭.
[17] ᐁᑯᓯ ᐅᒪ ᓂᐟ ᐃᑖᐧᐣ; ᐊᓱᑕᒫᑫᐃᐧᐣ ᑳ ᑭ ᐋᔮᑕᐢᑖᐟ ᓂᔮᐠ ᑭᓭᒪᓂᑐ, ᐊᓂᒪ ᐅᔭᓱᐁᐧᐃᐧᐣ ᓀᐋᐧᐤ ᒥᑖᑕᐦᑐᒥᑕᓇᐤ ᓂᐢᑐᒥᑕᓇᐤ ᐊᔨᐋᐧᐠ ᑕᐦᑐ ᐊᐢᑭ ᒣᐧᐢᑕᐢ ᐃᔨᑯᕽ, ᓇᒪᐃᐧᔭ ᑭᑕ ᑭ ᐱᑯᓇᒧᒪᑲᕽ, ᐁᑯᓯ ᐊᓱᑕᒫᑫᐃᐧᐣ ᐁᑳ ᓈᐣᑕᐤ ᑭᑕ ᐃᑖᐸᑕᕽ.
[18] ᒋᑫᒫ ᑭᐢᐱᐣ ᐊᓂᒪ ᐊᔮᐃᐧᐣ ᐅᔭᓱᐁᐧᐃᐧᓂᕽ ᑭ ᐅᐦᒋᐠ, ᓇᒪᐃᐧᔭ ᐊᓱᑕᒫᑫᐃᐧᓂᕽ ᑭ ᐅᐦᒋ ᐊᔮᐤ: ᒫᑲ ᑭᓭᒪᓂᑐ ᑭ ᐸᑭᑌᔨᑕᒧᐁᐧᐤ ᐁᑊᕒᐁᐊᒪ ᐊᓱᑕᒫᑫᐃᐧᐣ ᐅᐦᒋ.
[19] ᑖᓂᓯ ᒫᑲ ᐁᑖᐸᑕᕽ ᐊᓂᒪ ᐅᔭᓱᐁᐧᐃᐧᐣ? ᑭ ᑕᑯ ᐸᑭᑎᓂᑳᑌᐤ ᒪᒋᐃᑎᐃᐧᓇ ᐅᐦᒋ, ᐃᐢᑯ ᑭᑕ ᑕᑯᓯᕽ ᐊᓇ ᑳ ᑭ ᐅᓯᑕᒫᐦᐟ ᐊᓂᒪ ᐊᓱᑕᒫᑫᐃᐧᐣ; ᐁᑯᓯ ᑭ ᐅᔭᑭᒋᑳᑌᐤ ᐅᑭᓯᑯᐊᐧᐠ ᐅᐦᒋ ᐅᒋᐦᒋᕽ ᐅᓇᑐᑌᐢᑕᒫᑫᐤ.
[20] ᐅᓇᑐᑌᐢᑕᒫᑫᐤ ᒫᑲ ᓇᒪᐃᐧᔭ ᐁ ᐯᔭᑯᐟ ᐊᐃᐧᔭᐠ ᑭ ᓇᑐᑌᐢᑕᒫᑫᐃᐧᐤ; ᒫᑲ ᑭᓭᒪᓂᑐ ᐁᐊᐧᑯ ᐯᔭᐠ.
[21] ᓇᐢᐹᐨ ᒋ ᒫᑲ ᐃᑕᐢᑌᐤ ᐅᔭᓱᐁᐧᐃᐧᐣ ᐁ ᐃᑕᐢᑌᔨᑭ ᐅᐟ ᐊᓱᑕᒫᑫᐃᐧᓇ ᑭᓭᒪᓂᑐ? ᓇᒪᐃᐧᔭ ᑭᑕ ᑭ ᐃᐦᑭᐣ: ᒋᑫᒫ ᑭᐢᐱᐣ ᑭ ᐃᐦᑕᑲᐧᕽ ᐅᔭᓱᐁᐧᐃᐧᐣ ᑭᑕ ᑭ ᐱᒫᒋᐦᐃᐁᐧᐠ, ᑖᐯᐧ ᑲᐧᔭᐢᑭᑖᑎᓯᐃᐧᐣ ᐅᔭᓱᐁᐧᐃᐧᓂᕽ ᑭᑕ ᐅᐦᒋᐸᔨᐤ.
[22] ᒫᑲ ᑭᐦᒋ ᒪᓯᓇᐦᐃᑫᐃᐧᐣ ᑭ ᑭᐸᐅᐠ ᑲᐦᑭᔭᐤ ᒪᒋᐃᑎᐃᐧᓂᕽ, ᐊᓂᒪ ᐊᓱᑕᒫᑫᐃᐧᐣ ᐁ ᑖᐯᐧᔦᔨᒥᐦᐟ ᒋᓴᐢ ᙭ ᑭᑕ ᒥᔨᐦᒋᐠ ᐊᓂᑭ ᑳ ᑖᐯᐧᑕᐦᑭᐠ.
[23] ᒫᑲ ᒪᐧᔦᐢ ᑕᑯᓯᓄᒪᑲᕽ ᑖᐯᐧᔦᔨᑕᒧᐃᐧᐣ, ᑭ ᑭ ᑲᓇᐁᐧᔨᒥᑲᐃᐧᓈᓇᐤ ᐅᔭᓱᐁᐧᐃᐧᓂᕽ, ᐁ ᑭᐸᐃᑳᓱᔭᕽ ᐃᐢᑯ ᐊᓂᒪ ᑖᐯᐧᔦᔨᑕᒧᐃᐧᐣ ᒣᐧᐢᑕᐢ ᐃᔨᑯᕽ ᑫ ᑭᐢᑫᔨᑖᑯᑖᓂᐊᐧᕽ.
[24] ᐁᑯᓯ ᐅᔭᓱᐁᐧᐃᐧᐣ ᐁᐊᐧᑯ ᑯᑭᐢᑭᓄᐊᒫᑫᒥᓇᐤ ᑭᑕ ᐃᑐᑕᐃᑯᔭᕽ ᑭᑕ ᐅᑎᑖᔭᕽ ᙭, ᑭᑕ ᑲᐧᔭᐢᑳᐧᑎᓯᐊᐧᑭᒥᑲᐃᐧᔭᕽ ᑖᐯᐧᔦᔨᑕᒧᐃᐧᐣ ᐅᐦᒋ.
[25] ᒫᑲ ᐁᑲᐧ ᑖᐯᐧᔦᔨᑕᒧᐃᐧᐣ ᐁ ᑭ ᑕᑯᓯᓄᒪᑲᕽ, ᓇᒪᐃᐧᔭ ᐊᐊᐧᓯᒣ ᑭ ᑎᐯᔨᒥᑯᓇᐤ ᐅᑭᐢᑭᓄᐦᐊᒫᑫᐤ.
[26] ᒋᑫᒫ ᑲᐦᑭᔭᐤ ᑭ ᑭᓭᒪᓂᑐᐃᐧᑯᓯᓵᓂᐃᐧᓈᐋᐧᐤ, ᐁ ᑖᐯᐧᔦᔨᒫᔦᐠ ᙭ ᒋᓴᐢ ᐅᐦᒋ.
[27] ᐃᐧᔭ ᑕᐦᑐ ᑳ ᑭ ᐹᑊᑕᐃᓯᐃᐧᐃᑲᐃᐧᔦᐠ ᙭ ᐃᓯ ᑭ ᑭ ᐳᓯᐢᑲᐋᐧᐋᐧᐤ ᙭.
[28] ᓇᒪᐃᐧᔭ ᑭᑕ ᑭ ᐃᑖᐤ ᒍ ᐊᐦᐳ ᑲᕒᐃᐠ, ᓇᒪᐃᐧᔭ ᑭᑕ ᑭ ᐃᑖᐤ ᑎᐯᔨᒫᑲᐣ ᐊᐦᐳ ᐅᑎᐯᔨᒥᓱ, ᓇᒪᐃᐧᔭ ᑭᑕ ᑭ ᐃᑖᐤ ᓈᐯᐤ ᒥᓇ ᐃᐢᑫᐧᐤ: ᒋᑫᒫ ᑲᐦᑭᔭᐤ ᑭ ᐯᔭᑯᓈᐋᐧᐤ ᐁ ᑭᑭᐢᑳᑯᔦᐠ ᙭ ᒋᓴᐢ.
[29] ᑭᐢᐱᐣ ᒫᑲ ᑭᐟ ᐊᔮᐃᐧᑯᐋᐧᐤ ᙭, ᐁᑲᐧ ᒥᓇ ᑭᔭᐋᐧᐤ ᐁᑊᕒᐁᐊᑦ ᐅᐟ ᐊᐋᐧᓯᒥᓴ, ᐅᑎᐯᔨᑕᒧᐊᐧᐠ ᐁ ᐃᑕᐢᑌᐠ ᐊᓱᑕᒫᑫᐃᐧᐣ.