[1] ᐊᐋᐧᓯᓯᑎᐠ, ᓇᓇᐃᑖᑯᐠ ᑭ ᓂᑭᐃᑯᐋᐧᐊᐧᐠ ᑳ ᑌᐯᔨᐦᒋᑫᐟ ᐃᓯ: ᒋᑫᒫ ᐁᐊᐧᑯ ᐅᒪ ᑲᐧᔭᐢᐠ.
[2] ᑭᐢᑌᔨᒥᐠ ᑯᑖᐃᐧ ᒥᓇ ᑭᑳᐃᐧ (ᐁᐊᐧᑯ ᓂᐢᑕᑦ ᐅᔭᓱᐁᐧᐃᐧᐣ ᐁ ᑭᑭ ᐊᔮᐠ ᐊᓱᑕᒪᑫᐃᐧᐣ),
[3] ᑭᑕ ᒥᔪᐸᔨᐃᑯᔭᐣ, ᒥᓇ ᑭᓀᐧᐢ ᑭᑕ ᐱᒫᑎᓯᔭᐣ ᐊᐢᑭᕽ.
[4] ᑭᔭᐋᐧᐤ ᒫᑲ, ᐅᑖᐃᐧᒫᑎᐠ, ᐁᑳᐃᐧᔭ ᓇᔦᑖᐃᐧᔭᐁᐧᐃᑯᐠ ᑭᐟ ᐊᐋᐧᓯᒥᓯᐋᐧᐊᐧᐠ: ᒫᑲ ᐅᐱᑭᐃᑯᐠ ᐅ ᑲᑫᐢᑭᒥᐁᐧᐃᐧᓂᕽ ᒥᓇ ᐅ ᒫᒥᓄᒥᐁᐧᐃᐧᓂᕽ ᑳ ᑎᐯᔨᐦᒋᑫᐟ.
[5] ᐊᑐᐢᑫᔮᑲᓂᑎᐠ, ᓇᓇᐃᑖᑯᐠ ᐊᓂᑭ ᐃᐧᔮᓯᕽ ᐃᓯ ᑳ ᐅ ᐅᑭᒫᒥᔦᐠ, ᐁ ᑯᓯᑫᐧᔨᒫᔦᑯᐠ ᒥᓇ ᐁ ᑯᐢᑖᔦᑯᐠ, ᑭᑕ ᐯᔭᑲᐧᕽ ᐁ ᐃᓯᑌᐁᐢᑕᐋᐧᔦᑯᐠ, ᑖᐱᐢᑯᐨ ᙭ ᐁ ᐊᑐᐢᑲᐋᐧᔦᐠ;
[6] ᓇᒪᐃᐧᔭ ᒥᐢᑭᓯᑯᐃᐧ ᐊᑐᐢᑫᐢᑖᑫᐃᐧᐣ ᐅᐦᒋ, ᑖᐱᐢᑯᐨ ᐊᔨᓯᔨᓂᐊᐧ ᑳ ᓇᐦᐃᔭᐁᐧᐋᒋᐠ; ᒫᑲ ᑖᐱᐢᑯᐨ ᐅᐟ ᐊᑐᐢᑫᔮᑲᓇ ᙭, ᐁ ᐃᑐᑕᒣᐠ ᑳ ᐃᓯ ᓇᑕᐁᐧᔨᑕᕽ ᑭᓭᒪᓂᑐ ᑭ ᑌᐃᐋᐧᕽ ᐅᐦᒋ;
[7] ᒋᑫᔨᑕᒧᐃᐧᓂᕽ ᐁ ᐊᑐᐢᑫᐢᑖᑫᔦᐠ, ᑖᐱᐢᑯᐨ ᑳ ᑌᐯᔨᐦᒋᑫᐟ ᐁ ᐊᑐᐢᑲᐊᐧᔦᐠ, ᓇᒪᐃᐧᔭ ᒫᑲ ᐊᔨᓯᔨᓂᐤ:
[8] ᐁ ᑭᐢᑫᔨᑕᒣᐠ ᐱᑯ ᐊᓂᒫ ᒥᔪ ᑫᑲᐧᐩ ᐊᐃᐧᔭᐠ ᐁ ᐃᑐᑕᕽ, ᐁᐊᐧᑫᐧᔨᐤ ᒥᓇ ᑫ ᒥᔨᑯᐟ ᑳ ᑎᐯᔨᐦᒋᑫᔨᐟ, ᑭᐢᐱᐣ ᐁ ᑎᐯᔨᒥᓱᐟ ᐊᐦᐳ ᐁ ᑎᐯᔨᒥᐦᐟ.
[9] ᑭᔭᐋᐧᐤ ᒫᑲ, ᐅᑭᒫᑎᐠ, ᐁᑯᓯ ᑭᐢᑕᐋᐧᐤ ᒥᓇ ᐃᑐᑖᑯᐠ, ᒥᓇ ᒪᓈ ᐊᔭᓱᒥᐁᐧᐠ: ᐁ ᑭᐢᑫᔨᑕᒣᐠ ᐃᐧᔭᐋᐧᐤ ᒥᓇ ᑭᔭᐋᐧᐤ ᑯᑭᒫᒥᐋᐧᐤ ᑭᐦᒋ ᑭᓯᑯᕽ ᐁ ᐊᔮᐟ, ᐁᑯᓯ ᓇᒪᐃᐧᔭ ᐁ ᐃᑕᑭᒥᒥᐦᐟ ᐊᔨᓯᔨᓂᐊᐧ ᐃᓯ ᑭᑌᔨᒣᐤ.
[10] ᐃᐢᑳᐧᔮᐨ ᒫᑲ, ᐃᐧ ᒪᐢᑲᐃᐧᓯᐠ ᑳ ᑎᐯᔨᐦᒋᑫᐟ ᐁ ᐃᐧᒋᐃᑯᔦᐠ, ᒥᓇ ᐁ ᐃᓯ ᒪᐢᑲᐃᐧᓯᒪᑲᓂᔨᐠ ᐅ ᓱᑳᔭᐃᐧᓯᐃᐧᐣ.
[11] ᐳᓯᐢᑲᒧᐠ ᒫᑲ ᑲᐦᑭᔭᐤ ᐊᓂᒪ ᑭᓭᒪᓂᑐ ᐁ ᐃᓯ ᑭᑭᐢᑲᒧᐃᐁᐧᐟ, ᑭᑕ ᑭ ᓂᐸᐃᐧᐢᑕᒫᐧᔦᐠ ᐅ ᓂᓯᐊᐧᓈᒋᐦᐃᐁᐧᐃᐧᓇ ᒪᒑᔭ.
[12] ᒋᑫᒫ ᓇᒪᐃᐧᔭ ᐃᐧᔮᐢ ᒥᓇ ᒥᐦᑯ ᑳ ᒫᓯᑖᔭᕽ, ᒫᑲ ᑭᐦᒑᔨᐃᐧᓇ ᒥᓇ ᑲᐢᑭᐦᐁᐃᐧᓯᐃᐧᓇ, ᐊᐢᑭᕽ ᑳ ᐅᔭᓱᐋᐧᑕᑭᐠ ᐅᒪ ᐊᐧᓂᑎᐱᐢᑳᐤ, ᑳ ᐊᐦᒑᑯᐃᐧ ᒪᒑᔨᐃᐧᒋᐠ ᑭᓯᑯᐃᐧ ᐊᔨᕽ.
[13] ᐁᑯᓯ ᒫᑲ ᐅᑎᓇᒫᐧᕽ ᑲᐦᑭᔭᐤ ᐊᓂᒪ ᐁ ᐃᓯ ᑭᑭᐢᑲᒧᐃᐁᐧᐟ ᑭᓭᒪᓂᑐ, ᑭᑕ ᑭ ᓇᑳᐢᑲᒣᐠ ᒪᒑᔨᐃᐧ ᑭᓯᑳᑭ, ᐁᑯᓯ ᑲᐦᑭᔭᐤ ᐁ ᑭ ᐃᑐᑕᒣᐠ ᑭᑕ ᓂᐸᐃᐧᔦᐠ.
[14] ᓂᐸᐃᐧᐠ ᒫᑲ ᐁ ᐸᑲᐧᑌᐦᐅᑐᑕᒣᐠ ᑖᐯᐧᐃᐧᐣ, ᒥᓇ ᐁ ᑭ ᐳᓯᐢᑲᒣᐠ ᑲᐧᔭᐢᑭᑖᑎᓯᐃᐧᓂ ᒫᐢᑭᑲᓈᐱᐢᐠ,
[15] ᒥᓇ ᑭᓯᑎᐋᐧᕽ ᐁ ᑭ ᐳᐢᑕᐢᑭᓯᓀᔦᐠ ᐁ ᐃᓯ ᑲᐧᔮᑕᕽ ᐯᔭᑕᑫᔨᒧᐃᐧᓂ ᒥᔮᐧᒋᒧᐃᐧᐣ;
[16] ᑕᑯᐦᐨ ᒫᑲ ᐁ ᐅᑎᓇᒣᐠ ᑖᐯᐧᔦᔨᑕᒧᐃᐧ ᓇᑳᐃᑲᐣ, ᐁᑯᑕ ᑭᑕ ᑭ ᐅᐦᒋ ᐋᐢᑕᐁᐧᐊᒣᐠ ᑳ ᐃᐢᑯᑌᐊᐧᓂᔨᑭ ᐅ ᐸᐱᒧᐁᐧᐃᐧᓇ ᐊᓇ ᒪᒑᔭ.
[17] ᐅᑎᓇᒧᐠ ᒫᑲ ᐱᒫᒋᐦᐃᐁᐧᐃᐧᓂ ᐊᐢᑐᑎᐣ, ᒥᓇ ᐅᐟ ᐃᓴᐁᐧᐢᐠ ᐊᐦᒑᕽ, ᐁᐊᐧᑯ ᑭᓭᒪᓂᑐ ᐅᐟ ᐃᑌᐧᐃᐧᐣ:
[18] ᒥᓯᐁᐧ ᐊᔭᒥᐦᐋᐃᐧᐣ ᒥᓇ ᒪᐃᐧᒧᐢᒋᑫᐃᐧᐣ ᐁ ᐋᐸᒋᑖᔦᐠ ᑕᐦᑭ ᐁ ᐊᔭᒥᐦᐋᔦᐠ ᐊᐦᒑᐦᑯᕽ, ᒥᓇ ᐁ ᐊᓴᐋᐧᐱᔦᐠ ᐁᑯᑕ ᐃᓯ ᑖᐱᑕᐁᐧᔨᑕᒧᐃᐧᓂᕽ ᒥᓇ ᐁ ᒪᐃᐧᒧᐢᒋᑫᐢᑕᒪᐋᐧᔦᑯᐠ ᑲᐦᑭᔭᐤ ᐅᑲᓈᑎᓯᐊᐧᐠ,
[19] ᒥᓇ ᓂᔭ, ᐱᑭᐢᑫᐧᐃᐧᐣ ᑭᑕ ᒥᔨᑲᐃᐧᔮᐣ ᐁ ᐸᐢᐱᑐᓀᔨᔮᐣ, ᓱᑫᔨᒧᐃᐧᓂᕽ ᑭᑕ ᑭᐢᑫᔨᑕᒧᐃᐁᐧᔮᐣ ᑳ ᐊᐧᓂᒧᑌᔨᑖᑲᐧᕽ ᒥᔮᐧᒋᒧᐃᐧᐣ,
[20] ᑳ ᐃᑌᐧᐊᐧᐃᑲᐃᐧᔮᐣ ᒪᒫᒋᑳᐧᐱᐢᑲᐅᑯᐃᐧᓂᕽ; ᐁᐊᐧᑯ ᓱᑫᔨᒧᐃᐧᓂᕽ ᑭᑕ ᐱᑭᐢᑳᐧᑕᒫᐣ, ᐃᐧᔭ ᐁᑯᓯ ᑭᑕ ᑭ ᐃᑐᑕᒫᐣ.
[21] ᒫᑲ ᑭᑕ ᑭᐢᑫᔨᑕᒣᐠ ᑳ ᐊᔨᑎᔮᐣ, ᒥᓇ ᐁᓯ ᐊᔮᔮᐣ, ᑎᑭᑲᐢ, ᑳ ᓵᑭᐃᐦᐟ ᐅᒋᐋᐧᒥᒫᐤ ᒥᓇ ᐅᐸᒥᐢᑖᑫᐤ ᑳ ᐊᔮᑳᐧᒥᓯᐢᑕᐋᐧᐟ ᑳ ᑎᐯᔨᐦᒋᑫᔨᐟ, ᑭ ᑲ ᑭᐢᑫᔨᑕᒧᐃᑯᐋᐧᐤ ᑲᐦᑭᔭᐤ ᑫᑲᐧᐩ:
[22] ᐁᐊᐧᑯ ᑭᐟ ᐃᓯᑎᓴᐊᒫᑎᓈᐋᐧᐤ ᐅᒪ ᐅᐦᒋ, ᑭᑕ ᑭᐢᑫᔨᑕᒣᐠ ᓂᐟ ᐃᓯ ᐊᔮᐃᐧᓂᓈᐣ, ᐁᑯᓯ ᑭᑕ ᑭ ᒥᔪᑌᐁᐃᑯᔦᐠ.
[23] ᐯᔭᑕᑫᔨᒧᐃᐧᐣ ᑭᑕ ᐃᐧ ᐊᔮᐊᐧᐠ ᐅᒋᐋᐧᒥᒫᐊᐧᐠ, ᒥᓇ ᓵᑭᐦᐃᐁᐧᐃᐧᐣ ᑭᑭ ᑖᐯᐧᔦᔨᑕᒧᐃᐧᐣ, ᐁ ᐅᐦᒋᐢᑕᒫᑯᔦᐠ ᑭᓭᒪᓂᑐ ᐁᐧᔪᑖᐃᐧᕽ ᒥᓇ ᑳ ᑌᐯᔨᐦᒋᑫᐟ ᒋᓴᐢ ᙭.
[24] ᑭᓭᐋᐧᑐᑖᑯᐃᐧᐣ ᑭᑕ ᐃᐧ ᐊᔮᐊᐧᐠ ᑲᐦᑭᔭᐤ ᐊᓂᑭ ᑖᐯᐧ ᑳ ᓵᑭᐋᒋᐠ ᑳ ᑎᐯᔨᒥᑯᐊᐧᕽ ᒋᓴᐢ ᙭.