[1] عاصی، پوزغون، ظالئم شهرئن وای حالینا!
[2] سؤزه قولاق آسمیر، عئبرت درسی آلمیر. ربّه بِل باغلامیر، تاریسینا یاخینلاشمیر.
[3] باشچیلاری اونون ائچئنده نَرئلده‌یَن آصلانلارا بَنزه‌یئر، حاکئملری آخشام گَزَن قوردلار کئمی‌دئر کی، سحره قدر بئر شی قویماز.
[4] پیغمبرلری دئکباشدیر، خائن آداملاردیرلار، کاهئنلری موقدّس اولانی نجئسله‌یئب، قانونون معناسینی پوزور.
[5] آمّا شهرئن ائچئنده اولان رب صالح‌دئر، او حاقسیزلیق اِتمَز. هر سحر دورمادان عدالتئنی آشکار اِتدئرَر، لاکئن حاقسیز آدام اوتانماق بئلمز.
[6] رب بله دیئر: «مئلّتلری محو اتمئشم، کونج بورجلری داغیلیب. کوچه‌لرئنی وئران قویموشام، اونلاردان آرتیق گلئب کِچَن یوخدور! شهرلری خارابالیغا دؤنوب، اورادا هچ بئر ساکئن ده قالماییب.
[7] من ددئم: ”یقئن کی، مندن قورخارسینیز، عئبرت درسی آلارسینیز.“ او واخت مسکنلری داغیدیلماز، وردئیئم جزالارین هامیسی اوستلرئنه گلمز، لاکئن اونلار حله ده هر جور پوزغون ائش گؤرمکدن ذؤوق آلدیلار.»
[8] رب بویورور: «بونا گؤره تالان اوچون قالخاجاغیم گونه قدر منی گؤزله‌یئن. چونکی من قرارا آلمیشام کی، مئلّتلری بئر یِره ییغیم، پادشاهلیقلاری بئر یِره توپلاییم. اوستلرئنه قِیضئمی، آلوولانان بوتون قضبئمی تؤکوم. چونکی قِیرَتلی قضبئمئن اودو ائله بوتون یر اوزو تلف اولاجاق.
[9] او زامان من خالقلارین نئطقئنی دَیئشئب، اونلارا تمئز دئل وره‌جیم کی، هامی ربّئن آدینی چاغیرسین، اونا چئیئن-چئیئنه خئدمت اتسئنلر.
[10] قوربَته داغیلمیش، منه سجده ادنلر، کوش چایلارینین او تاییندان منه تقدئملر گتئره‌جکلر.
[11] او گون سن، ای خالقیم، منئم ضئدّئمه عاصئلئک اتدئیئنه گؤره، داها خجالتلی اولمایاجاقسان. چونکی قورورلو، تکبّورلو آداملاری سنئن آراندان اوزاقلاشدیراجاغام، و سن آرتیق موقدّس داغیمدا بئر داها مغرور اولمایاجاقسان.
[12] سئزئن آرانیزدا باشی آشاغی‌لاری، مظلوملاری ساخلایاجاغام، اونلار ربّئن آدینا بِل باغلایاجاقلار.
[13] ائسرایئلدن صاغ قالانلار داها حاقسیزلیق اتمیه‌جکلر! یالان دِمَیه‌جکلر، آغیزلاریندا حئیله تاپیلمایاجاق. چونکی اونلار قارنی توخ یاتاجاقلار، اونلاری قورخودان اولمایاجاق.»
[14] ای صحیون قیزی، ترنّوم ات، ای ائسرایئل، اوجا سَسله چیغیر! ای اورشلئم قیزی، بوتون قَلبئنله سِوئن و فَرَحلَن!
[15] رب سنئن جزانی لغو ادئب، دوشمنلرئنی قوووب! ائسرایئلئن پادشاهی رب سنئن آراندادیر، آرتیق پئسلئکدن قورخمایاجاقسان!
[16] او گون اورشلئمه دیئله‌جک: «قورخما، ای صحیون، قویما اَل‌لرئن طاقتدن دوشسون!
[17] تارین رَب، قووّتلی قورتاریجین سنئن آراندادیر! او سنئن اوچون سِوئنئب شادلاناجاق، سنی محبّتی ائله آرام اده‌جک، سنئن اوچون شادلیق ادئب اوخویاجاق!
[18] بایرام اوچون چکدئیئنئز قوصّه‌لری من سئزئن اوستونوزدن گؤتوره‌جیم؛ اونلارا یوکدورلر، عاییبدیرلار.
[19] باخ، او واخت من سئزه ظولم ادنلرئن هامیسینی جزالاندیرجاغام، شئکَستلری قورتاراجاغام، قووولانلاری ییغاجاغام، چکدئکلری خجالتی بوتون دونیادا شان-شؤهرَته چِوئره‌جیم.
[20] او زامان سئزی ییغیب گری قایتاراجاغام. من سئزی گؤزونوزون قاباغیندا گئنه قاباکی حالینیزا دؤندَرَنده، بوتون دونیا خالقلاری آراسیندا سئزه شان-شؤهرت وره‌جیم.» رب بویورور.