[1] داریوش پادشاهین حاکئمئیّتئنئن ائکئنجی ائلی، آلتینجی آیین بئرئنده، سِعَلتی‌اِل اوغلو یهودا والئسی زِروبّابئله و یِهوصاداق اوغلو باش کاهئن یوشَعه پیغمبر حَجّه‌ی واسئطه‌سی‌ائله ربّئن سؤزو نازئل اولدو:
[2] «قوشونلار ربّی بله دیئر: ”بو خالق دیئر کی، حله ربّئن معبدئنی تزه‌دن قورماق واختی چاتماییب.“»
[3] ربّئن بو سؤزو پیغمبر حَجّه‌ی واسئطه‌سی‌ائله نازئل اولدو:
[4] «بو معبد خارابا قالدیغی حالدا، مگر سئزئن اوچون واختی‌دیر کی، دامی یاراشیقلی اِولرئنئزده اوتوراسینیز؟»
[5] ائندی قوشونلار ربّی بله دیئر: «حیات یوللارینیز حاقّیندا یاخشی دوشونون.
[6] چوخ اَکئبسئنئز، آمّا آز گؤتوروبسونوز. یِیئرسئنئز، آمّا دویمورسونوز. ائچئرسئنئز، آمّا سوسوزلوغونوز یاتمیر. گِیئنئرسئنئز، آمّا پالتارینیز سئزی ائستی ساخلامیر. مَواجئبئنئز جیریق کئسه‌یه قویولور.»
[7] قوشونلار ربّی بله دیئر: «حیات یوللارینیز حاقّیندا یاخشی دوشونون.
[8] داغلارا چیخیب آغاج گتئرئن و معبدی تزه‌دن قورون کی، منئم اوندان خوشوم گلسئن و عئزّتله‌نئم.» بونو دئیَن ربدئر.
[9] «چوخ شی گؤزله‌دئنئز، آمّا باخ، آز اولدو. آز اولانی دا اِوه گتئرنده اونلاری سوووردوم. نه اوچون؟» قوشونلار ربّی بویورور: «منئم معبدئم خارابا قالدیغی حالدا، سئز اؤز اِولرئنئزله مشغولسونوز.
[10] سئزدن اؤتری بونا گؤره گؤیلر شِحئنی، یِر ده محصولونو کَسدی.
[11] یِره، داغلارا، تاخیلا، تزه شرابا، زیتون یاغینا، تورپاغین یتئردئیی هر محصولا، ائنسانا، حیوانا و اَللرئنئزئن بوتون زحمتئنه من قوراقلیق اعلان اتدئم.»
[12] سِعَلتی‌اِل اوغلو زِروبّابئل‌له یِهوصاداق اوغلو باش کاهئن یوشَع و خالقین صاغ قالانلاری اؤزلرئنئن تاریسی ربّئن ددئکلرئندن، یعنی پیغمبر حَجّه‌یئن سؤزوندن ائطاعت اتدئلر. چونکی اونو اونلارین تاریسی رب گؤندَرمئشدی. خالق ربدن قورخدو.
[13] ربّئن اِلچئسی حَجّه‌ی رَبدن آلدیغی وظئفه ائله خالقا بله ددی: «رب دیئر: ”من سئزئنله‌یَم.“»
[14] رب سِعَلتی‌اِل اوغلو یهودا والئسی زِروبّابئلی، یِهوصاداق اوغلو باش کاهئن یوشَعی و خالقین بوتون صاغ قالانلارینی روحلاندیردی. خالق گلدی و اؤزلرئنئن تاریسی اولان قوشونلار ربّئن معبدئنده ائشلَمَیه باشلادی.
[15] بو حادئثه داریوش پادشاهین حاکئمئیّتئنئن ائکئنجی ائلی، آلتینجی آیین ائیئرمی دؤردونده باش وردی.