[1] ناعومئنئن اَری طایفاسیندان بوعَز آدلی وارلی بئر قوحومو وار ائدی کی، اِلئمِلِکئن طایفاسیندان ائدی.
[2] بئر گون موآبلی روت ناعومئیه ددی: «ائجازه ور، زمئیه گدئم. کئمئن گؤزونده لوطف تاپسام، اونون دالینجا باشاق ییغیم.» ناعومی اونا ددی: «گت، قیزیم.»
[3] روت گتدی و بئر زمئیه گئرئب بئچئنچئلرئن دالینجا باشاق ییغماغا باشلادی؛ روت تصادوفَن او ساحه‌یه گئرمئشدی کی، اِلئمِلِکئن طایفاسیندان اولا‌ن بوعَزئنکی ائدی.
[4] بو واخت بوعَز بیت‌لِحِمدن گلدی و بئچئنچئلره ددی: «رب سئزئنله اولسون!» بئچئنچئلر جاواب وردئلر: «رب سنه برکت ورسئن.»
[5] بوعَز بئچئنچئلره نظارت ادن نؤکرئنه ددی: «بس بو جاوان آرواد کئمئندئر؟»
[6] بئچئنچئلره نظارت ادن نؤکر جاواب وردی: «بو، او جاوان موآبلی آرواددیر کی، ناعومی ائله بورایا موآب تورپاغیندان گلئب.
[7] منه ددی: ”خاهئش ادئرم، قوی بئچئنچئلرئن دالینجا دوشَن باشاقلاری دَرزلرئن آراسیندان ییغیم.“ سحردن گلئب، ائندئیه‌جک بورادادیر، تالوار آلتیندا دا لاپ آز دئنجَلئب.»
[8] او واخت بوعَز روتا ددی: «منه قولاق آس، قیزیم! باشاق ییغماق اوچون آیری زمئیه گتمه. بورادان گتمه، منئم کنئز قیزلاریملا قال.
[9] گؤزونو بئچئنچئلرئن بئچدئیی بو زمئیه دئک و قیزلارین دالینجا گت. نؤکرلره امر اتمئشم کی، هچ کئمئن سنئنله ائشی اولماسین. سوسوز اولاندا، سو قابلارینین یانینا گت و نؤکرلرئن چکدئیی سودان ائچ.»
[10] روت باشینی اَیئب یره‌جک تعظئم اتدی و ددی: «نه‌یه گؤره من گؤزلرئنده لوطف تاپدیم کی، منئم قیدئمه قالاسان. من کی، بئر قرئبم؟»
[11] بوعَز اونا جاواب وردی: «اَرئن اؤلَندن سونرا قایین‌آنانا اتدئیئن هر شیی اشئتمئشم. سن آتانی، آنانی، دوغما تورپاغینی آتیب، تانیمادیغین بئر خالقین یانینا گلئبسن.
[12] بو ائشئنئن عوضئنی، قوی رب ورسئن! قوی ائسرایئلئن تاریسی رب کی، اونون قانادی آلتینا سیغینماق اوچون گلئبسن، سنه بول عوض ورسئن!»
[13] روت ددی: «قوی سنئن گؤزونده تاپدیغیم بو لوطف اَسکئلمه‌سئن. نجه ده منه تسلّی وردئن. سنئن کنئزلرئنه تای اولمادیغیم حالدا، بو کنئزئنه مهرئبان سؤزلر ددئن.»
[14] یمک زامانی بوعَز روتا ددی: «بورایا گل، سن ده چؤرکدن یِه، تئکه‌نی سئرکه-شئره‌یه باتیر.» بله‌جه آرواد گلئب بئچئنچئلرئن یانیندا اَیلَشدی. بوعَز اونا قووورغا اوزاتدی. آرواد یِیئب دویدو و یِمه‌یئندن آرتیق دا قالدی.
[15] روت باشاق ییغماق اوچون آیاغا قالخاندا، بوعَز نؤکرلرئنه امر ادئب ددی: «قویون او حتّا دَرزلردن ده باشاق ییغسین، اونو ائنجئتمه‌یئن.
[16] دَرزلر آراسیندان چکئب اونون اوچون ده آتین کی، او دا ییغسین. اونو قینامایین.»
[17] روت آخشاما قدر زَمئده باشاق ییغدی و ییغدیغی باشاغی دؤیوب بئر اِفایا یاخین آرپا چیخارتدی.
[18] سونرا اونو گؤتوروب شهره گلدی. قایین‌آناسی اونون نه قدر باشاق ییغدیغینی گؤردو. روت ناهاردا دویاندان سونرا آرتیق قالان یِمه‌یئنی قایین‌آناسینا وردی.
[19] قایین‌آناسی اونا ددی: «بو گون هارادا باشاق ییغدین؟ هارادا ائشله‌دئن؟ سنه حؤرمت ادن قوی برکت آلسین!» روت یانیندا ائشله‌دئیی آدام حاقّیندا قایین‌آناسینا دا‌نیشیب ددی: «بو گون یانیندا ائشله‌دئیئم آدامین آدی بوعَزدئر.»
[20] ناعومی گلئنئنه ددی: «دئرئلردن و اؤلولردن اؤز مهرئبانلیغینی قییمایان رب، قوی اونا برکت ورسئن!» ناعومی گئنه روتا ددی: «او کئشی یاخین قوحوملاریمیزدان بئری‌دئر. او بئزی قورتاراجاق قَیّومدور»
[21] موآبلی روت ددی: «بئر ده او منه ددی کی، ”منئم بئچئنئم قورتارانا قدر ائشچئلرئمله بئرلئکده ائشله.“»
[22] ناعومی گلئنئنه ددی: «قیزیم، اونون کنئز قیزلاری ائله ائشلَمه‌یئن چوخ یاخشی‌دیر، یوخسا آیری زَمئلرده سنی ائنجئدَرلر.»
[23] بله‌جه، روت آرپا و بوغدا بئچئنلری قورتارانا قدر، بوعَزئن کنئز قیزلارینین یانیندا باشاق ییغدی و قایین‌آناسی ائله بئرلئکده یاشادی.