[1] داورلرئن حؤکم اتدئیی گونلرده، اؤلکه‌ده قیتلیق اولدو. اِله بو واختلاردا یهودانین بیت‌لِحِم شهرئندن بئر کئشی، آروادی و ائکی اوغلو ائله بئرلئکده، موآب تورپاغینا کؤچدو کی، مووَقّتی اورادا یاشاسین.
[2] بو کئشئنئن آدی اِلئمِلِک، آروادینین آدی ناعومی، بئر اوغلونون آدی مَخلون، او بئرئنئن آدی دا کئلیون ائدی. اونلار یهودانین بیت‌لِحِم شهرئندن اولان اِفراتلی‌لار ائدئلر. بو آداملار موآب تورپاغینا گلئب اورادا قالدیلار.
[3] سونرا ناعومئنئن اَری اِلئمِلِک اؤلدو و او، ائکی اوغلو ائله قالدی.
[4] اوغوللاری اؤزلرئنه موآب قیزلاریندان آرواد آلدیلار. بو آروادلارین بئرئنئن آدی عورپا، او بئرئنئن آدی دا روت ائدی. اونلار اون ائله یاخین بو تورپاقدا یاشادیلار.
[5] سونرا مَخلون و کئلیون دا اؤلدو، ناعومی هم اوغولسوز، هم ده اَرسئز قالدی.
[6] بئر گون ناعومی گلئنلری ائله آیاغا قالخدی کی، موآب تورپاغیندان گری قاییتسین. چونکی او، موآب تورپاغیندا اشئتمئشدی کی، رب اؤز خالقینا نظر سالیب اونلارا چؤرک ورئب.
[7] بله‌جه ناعومی یاشادیغی یردن آیریلدی، اونون ائکی گلئنی ده اونونلا ائدئلر؛ گِدئردئلر کی، یهودا اؤلکه‌سئنه قاییتسینلار.
[8] ناعومی هر ائکی گلئنئنه ددی: «گدئن، هر بئرئنئز آنانیزین اِوئنه قاییدین. رب سئزه مهرئبان اولسون، نجه کی، سئز منه و مَرحوملارا مهرئبانلیق اتدئنئز.
[9] رب اِله اتسئن کی، هر بئرئنئز اَر اِوئنده راحاتلیق تاپاسینیز.» سونرا او، گلئنلرئنی اؤپدو و اونلار هؤنکوروب آغلادیلار.
[10] گلئنلری اونا ددئلر: «خیر، بئز ده سنئنله بئرلئکده خالقینین یانینا گدئرئک.»
[11] آمّا ناعومی ددی: «قیزلاریم، قاییدین گدئن. نئیه گرک منئمله گده‌سئنئز؟ مگر بطنئمده گئنه اوغوللاریم وار کی، سئزه اَر اولسونلار؟
[12] قاییدین، قیزلاریم! گدئن. من ائندی اَره گتمک اوچون چوخ یاشلی‌یام. دِسَم کی، اومئدئم وار، حتّا بو گجه اَره گدئب اوغوللار دوغاجاغام،
[13] مگر اونلار بؤیوینه قدر گؤزله‌یَرسئنئز؟ اَره گتمه‌یئب مگر صبر ادرسئنئز؟ یوخ، قیزلاریم! منئم وضعئم سئزئنکئندن داها چتئندئر، چونکی منئم ضئدّئمه قالخان ربّئن اَلئدئر.»
[14] اونلار گئنه ده بَرکدن آغلاشدیلار. عورپا قایین‌آناسینی اؤپوب وئداعلاشدی، آمّا روت اونا ساریلدی.
[15] ناعومی روتا ددی: «باخ، قاینین آروادی اؤز خالقینین و آللاهلارینین یانینا قاییتدی، گل سن ده اونون دالینجا گری قاییت.»
[16] آمّا روت ددی: «مجبور اتمه کی، سنی ترک اِدئم و سنئنله گتمه‌یئم. بئل کی، هارایا گده‌سن، اورایا گده‌جیم، هارادا قالاسان، اورادا قالاجاغام؛ خالقین منئم خالقیم اولاجاق، تارین دا منئم تاریم.
[17] هارادا اؤله‌سن، اورادا اؤله‌رم، اورادا دا باسدیریلارام. اگر اؤلومدن باشقا بئر شی منی سندن آییرسا، قوی رب منه بله‌سئنی و بوندان داها بَتَرئنی اتسئن.»
[18] ناعومی روتون اونونلا گتمک اوچون بله قرارلی اولدوغونو گؤرَ‌نده، آرتیق اونا بئر شی دمه‌دی.
[19] بله‌جه هر ائکئسی بیت‌لِحِمه قدر گدئب اورایا چاتدیلار. بیت‌لِحِمه داخئل اولاندا، دؤنوشلری بوتون شهر اهالئسئنی حرکته گتئردی و ددئلر: «ناعومی بودور؟»
[20] ناعومی اونلارا ددی: «منه ناعومی دمه‌یئن، منه مارا دیئن، چونکی قادئری موطلق حیاتیمی آجی ادئب.
[21] من بورادان دولو چیخدیم، رب منی بوش قایتاردی. ائندی کی، رب منئم ضئدّئمه قالخیب و قادئری موطلق باشیما موصئبت گتئرئب، داها نئیه منی ناعومی چاغیریرسینیز؟»
[22] بله‌جه، ناعومی موآب تورپاغیندان گلئنی موآبلی روتلا برابر گری قاییتدی. اونلار بیت‌لِحِمه آرپا بئچئنی باشلاناندا گلدئلر.