[1] ربّئن سؤزو یونوسا ائکئنجی دفه نازئل اولدو:
[2] «قالخ، نِینَوایا، او بؤیوک شهره گت و سنه دئیه‌جیئم سؤزلری اونلارا جار چک.»
[3] یونوس ربّئن سؤزونه موطابئق قالخیب نِینَوایا گتدی. نِینَوا تارینین نظرئنده بؤیوک شهر ائدی. اورانی اوچ گونه گَزئب دولاشماق اولاردی.
[4] یونوس شهری گَزمیه باشلاییب بئر گونلوک یول گتدی و جار چکه‌رک ددی: «قیرخ گوندن سونرا نِینَوا آلت-اوست اولاجاق!»
[5] نِینَوالی‌لار تارییا ائناندیلار، اوروج اعلان ادئب بؤیوکدن کئچئیه قدر هامی چول گِیئندی.
[6] بو خبر نِینَوا پادشاهینا چاتاندا، او، تختئندن قالخیب شاهلیق شئنِلئنی اَینئندن چیخارتدی و چول گِیئنئب کولون اوستونده اوتوردو.
[7] پادشاه نِینَوادا بئر اعلان صادئر اتدی کی، دیئردی: «پادشاهین و اونون اصئلزاده‌لرئنئن حؤکمونه موطابئق: نه ائنسانلار، نه حیوانلار، نه ناخیرلار، نه ده سورولر هچ نه یِمه‌سئنلر. اوتلاغا گتمه‌سئنلر و سو ائچمه‌سئنلر.
[8] هم ائنسانلار، هم ده حیوانلار چول گِیئنسئنلر و قووّتله تارییا فریاد اتسئنلر. هر کس اؤز پئس یولوندان و اَللرئنئن قدّارلیغیندان دؤنسون.
[9] کئم بئلئر، بلکه تاری فئکئرئنی دَیئشدئرئب رحمه گلر، آلوولانان قضبئنی بئزدن دؤندَ‌رَر و بئز محو اولماریق.»
[10] او زامان کی، تاری اونلارین پئس یولدان دؤندوکلری عمل‌لری گؤردو، اونلارا رحمی گلدی و گؤندَ‌ره‌جیئنی ددئیی بلانی اونلارین اوستونه گؤندَ‌رمه‌دی. تاری بلانی گؤندَ‌رمه‌دی.