[1] گؤرون آتا بئزه نه بؤیوک بئر محبّت گؤرسه‌دئب کی، تارینین اؤولادلاری آدلاناق! و بئز اله‌یئک ده. دونیا اونو تانیمادیغی اوچون بئزی ده تانیمیر.
[2] سوگئلئلر، ائندی بئز تارینین اؤولادلاری‌ییق، آمّا نه اولاجاغیمیز حله ظاهئر اولونماییب. آنجاق بئلئرئک کی، مسئح ظوهور ادنده بئز اونا بنزه‌یه‌جه‌یئک، چونکی اونو، اولدوغو کئمی گؤره‌جه‌یئک.
[3] اونا بله اومئد باغلایان هرکس اؤزونو پاک ادئر، نجه کی، او پاکدیر.
[4] گوناه ادن هرکس شرئعتی ده آیاق آلتینا قویور و گوناه شرئعته ضئدّ دورماقدیر.
[5] و سئز بئلئرسئنئز کی، او، گوناهلاری آرادان گؤتورمک اوچون ظوهور اتدی و اوندا هچ گوناه یوخدور.
[6] اوندا قالان هرکس گوناه اتمز. گوناه ادن آدام نه اونو گؤروب، نه ده اونو تانی‌ییر.
[7] اؤولادلار، هچ کس سئزی آلداتماسین؛ صالحلئیه عمل ادن صالحدئر، نجه کی، او، صالحدئر.
[8] گوناه ادن ائبلئسدندئر، چونکی باشلانیشدان گوناه ادن ائبلئسدئر. تارینین اوغلو دا بونا گؤره ظوهور اتدی کی، ائبلئسئن عمل‌لرئنی محو اتسئن.
[9] تاریدان دوغولان آدام گوناه اتمز، چونکی تارینین توخومو اوندا یاشاییر. او گوناه اده بئلمز، چونکی تاریدان دوغولوب.
[10] کئمئن تارینین اؤولادی اولدوغو، کئمئن ده ائبلئسئن اؤولادی اولدوغو بوندان بلّی اولور: صالحلئیه عمل اتمه‌ین تاریدان دیئلدئر، قارداشینی سومه‌ین ده اِله‌دئر.
[11] باشلانیشدان بری اشئتدئیئنئز خبر بودور کی، بئربئرئمئزی سِوَک.
[12] شرئردن اولوب، قارداشینی اؤلدورن قاین کئمی اولمایاق. قارداشینی نه اوچون اؤلدوردو؟ اونا گؤره اؤلدوردو کی، اؤز عمل‌لری شر، لاکئن قارداشینین عمل‌لری صالح ائدی.
[13] قارداشلار، اگر دونیا سئزدن نئفرت ادئر، بونا تعجّوب اتمه‌یئن.
[14] بئز بئلئرئک کی، قارداشلاریمیزی سودئیئمئز اوچون اؤلومدن حیاتا کچمئشئک. قارداشینی سومه‌ین اؤلومده قالیر.
[15] قارداشیندان نئفرت ادن هرکس قاتئلدئر. و سئز بئلئرسئنئز کی، هچ بئر قاتئل ابدی حیاتا صاحئب اولا بئلمز.
[16] محبّتئن نه اولدوغونو بئز بوندان بئلئرئک کی، او، اؤز جانینی بئزئم اوچون فدا اتدی. بئز ده اؤز جانیمیزی قارداشلاریمیز اوچون فدا اِتمه‌لی‌یئک.
[17] اگر بئر آدام دونیا مالینا صاحئب اولوب، قارداشینی احتئیاج ائچئنده گؤرسه، لاکئن اونا رحمی گلمه‌سه، اوندا تارینین محبّتی نجه اولا بئلر؟
[18] اؤولادلار، سؤز و دئل‌له یوخ، عمل و حقئقتله سِوَک.
[19] بوندان حقئقته عایید اولدوغوموزو بئله‌جه‌یئک و نه خوصوصدا کی، اوره‌یئمئز بئزی محکوم اتسه، اونون حوضوروندا اوره‌یئمئزی آرخایین اده‌جه‌یئک.
[20] چونکی تاری بئزئم اوره‌یئمئزدن داها بؤیوکدور و هر شیی بئلئر.
[21] سوگئلئلر، اگر اوره‌یئمئز بئزی محکوم اتمئر، او زامان تارینین حوضوروندا آرخایینیق
[22] و اوندان هر نه آرزو ادئرئک، آلیریق، چونکی اونون امرلرئنی یرئنه یتئرئرئک و اونا مقبول اولان ائشلری گؤروروک.
[23] اونون امری بودور کی، بئز اونون اوغلو عئسا مسئحئن آدینا ائمان گتئرک و بئربئرئمئزی اونون بئزه امر اتدئیی کئمی سِوَک.
[24] و اونون امرلرئنی یرئنه یتئرن اوندا، او دا اونلاردا قالیر. روحون وسئله‌سئله بئز بئلئرئک کی، او، بئزده یاشاییر.