[1] بله‌جه، هر کس بئزی، مسئحئن خئدمتچئلری و تارینین سئرّلرئنئن وکئل‌لری کئمی سایسین.
[2] بوندان علاوه، وکئل‌لردن طلب اولونور کی، هر بئری امئن اولسون.
[3] منه چوخ کئچئک بئر زاددیر کی، سئزئن طرفئنئزدن و یا ائنسانلارین محکمه‌سئنده موحاکئمه‌یه چکئلئم. حتّا من اؤزوم بله، اؤزومو موحاکئمه‌یه چکمئرم.
[4] گرچی من اؤزومده بئر قوصور گؤرمورم، لاکئن بو منی تبرعه اتمز، منی موحاکئمه ادن ربدئر.
[5] بونا گؤره ده تعیئن اولونموش واختدان ائره‌لی، هچ بئر شی حاقّیندا حؤکم اتمه‌یئن. لاکئن ربّئن گلئشئنه قدر گؤزله‌یئن کی، قارانلیقدا گئزله‌نن شیلری ائشیقلاندیراجاق و اورَکلرئن نئیّتلرئنی آشکار اده‌جک و او زامان هر کسئن تحسئنی تاریدان گله‌جک.
[6] قارداشلار، سئزه گؤره بو شیلری اؤزومون و اَپولّوسون حاقّیندا تمثئل کئمی بیان اتدئم کی، بئزدن اؤیره‌نئب، یازیلمیش حدّئندن آرتیق اؤزونوزو گومان اتمه‌یه‌سئنئز. بله‌جه ده هچ بئرئنئز او بئرئنئن قاباغیندا تکبّورلو اولماسین.
[7] چونکی سئزی کئم اوستون توتور؟ نه‌یئنئز وار کی، آلماییبسینیز؟ و اگر آلیبسینیز، نه اوچون بس آلمامیش کئمی فخر ساتیرسینیز؟
[8] سئز آرتیق توخسونوز؛ سئز آرتیق وارلیسینیز؛ سئز بئزسئز پادشاهلار اولوبسونوز؛ کاش کی، سئز حقئقتن پادشاهلار اولایدینیز کی، بئزده سئزئنله بئر یرده پادشاهلیق ادک.
[9] چونکی من اله دوشونورم کی، تاری بئز حوارئلری اؤلومه محکوم اولانلار کئمی آخیردا صحنه‌یه چیخارتدی؛ چونکی بئز دونیانین، ملکلرئن و ائنسانلارین تاماشاسی اولموشوق.
[10] بئز مسئحئن خاطئری اوچون عاغیلسیزیق، آمّا سئز مسئحده عاغیلّیسینیز. بئز ضعئفئک، آمّا سئز گوجلوسونوز. سئز عئزّتلئسئنئز، آمّا بئز حؤرمتسئزئک.
[11] بو ساعاتا کئمی هم آج هم ده سوسوزوق، لوتوک، دؤیولوروک، بی‌خانومانیق.
[12] اَللرئمئزله ائشله‌یئب، زحمت چکئرئک. بئزی سؤیورلر، بئز خیئر-دوعا ورئرئک. بئزه عذاب ورئرلر، بئز تاب گتئرئرئک.
[13] بئزه ائفتئرا آتیرلار، بئز یومشاق جاواب ورئرئک. حتّا ائندئیه کئمی ده دونیانین توفاله‌سی و هر شیئن زئبئلی اولموشوق.
[14] بونلاری یازمیرام کی، سئزی اوتاندیریم. من سئزه سوگئلی اوشاقلاریم کئمی نصئحت ورئرم.
[15] چونکی اگر مسئحده مئنلرجه موعلّئمئنئز اولسا بله، آتالارینیز آزدیر. عئسا مسئحده من ائنجئلئن واسئطه‌‌سی‌ائله سئزه آتا اولدوم.
[16] بونا گؤره یالواریرام سئزه: مندن نومونه گؤتورون.
[17] بو سببدن ربده سوگئلی و امئن اولان اوغلوم تئموتاعوسو یانینیزا گؤندَ‌رمئشم و او، مسئحده اولان یوللاریمی سئزه خاطیرلاداجاق، نجه کی، هر یرده و هر کئلئسادا تعلئم ورئرم.
[18] ائندی بعضئلر مغرور اولوبلار، اله بئل کی، من سئزئن یانینیزا گلمه‌یه‌جه‌یم.
[19] لاکئن اگر رب ائسته‌سه، تزلئکله یانینیزا گله‌جه‌یم و مغرور اولانلارین سؤزونو یوخ، گوجلرئنی بئله‌جه‌یم.
[20] چونکی تارینین پادشاهلیغی سؤزده یوخ، گوجده‌دئر.
[21] نه ائسته‌یئرسئنئز؟ یانینیزا دَیَنَکله گلئم، یوخسا محبّت و مولایئم بئر روحلا؟