<Nehemías 12

[1] Babilonia markata Salatiel chachan Zorobabel yuqapampi, Josué chachampi kutt'anipkäna uka sacerdotenakana, levitanakana sutinakapax akanakawa: Seraías, Jeremías, Esdras,

[2] Amarías, Maluc, Hatús,

[3] Secanías, Rehúm, Meremot,

[4] Idó, Guinetón, Abías,

[5] Mijamín, Maadías, Bilgá,

[6] Semaías, Joiarib, Jedaías,

[7] Salú, Amoc, Hilquías, Jedaías ukanaka. Josué chachan urunakapanxa, jupanakänwa sacerdotenakan jilïrinakapaxa, ukhamaraki wila masinakapasa.

[8] Levitanakatsti yupaychañ q'uchunak q'uchurinakax pä tamaw utjäna, kutt'anirinakata nayrïr tamankirinakax akanakänwa: Josué, Binuy, Cadmiel, Serebías, Judá, Matanías ukanaka.

[9] Payïr tamankiristi: Bacbuquías, Uní, jupanakax yanapirinakapamp kunaw kutt'anipxarakïna.

[10] Josué yanapirin nayra awkinakapax Joacín, Eliasib, Joiadá,

[11] Johanán, Jadúa uka chachanakänwa.

[12] Joacín chachan urunakapansti sacerdotenakan wila masinakapan jilïr irpirinakapax akanakänwa: Seraías wila masitxa, jilïr irpiripax Meraías chachänwa; Jeremías wila masitxa, Hananías;

[13] Esdras wila masitxa, Mesulam; Amarías wila masitxa, Johanán;

[14] Melicú wila masitxa, Jonatán; Sebanías wila masitxa, José;

[15] Harim wila masitxa, Adná; Meraiot wila masitxa, Helcai;

[16] Idó wila masitxa, Zacarías; Guinetón wila masitxa, Mesulam;

[17] Abías wila masitxa, Zicrí; Miniamín, ukhamarak Moadías wila masitxa, Piltai;

[18] Bilgá wila masitxa, Samúa; Semaías wila masitxa, Jonatán;

[19] Joiarib wila masitxa, Matenai; Jedaías wila masitxa, Uzí;

[20] Salai wila masitxa, Calai; Amoc wila masitxa, Éber;

[21] Hilquías wila masitxa, Hasabías; Jedaías wila masitxa, Natanael ukarakïnwa.

[22] Eliasib, Joiadá, Johanán, Jadúa ukanakan urunakapana, ukhamaraki Persankiri Darío reyin marka apnaqäwip urunakkamaxa, levitanakasa, sacerdotenakasa wila masinakan jilïripäkaspas ukham qillqatäpxänwa.

[23] Levitanakan wila masipankir jilïr irpirinakapax crónicas qillqatan qillqantatäpxänwa, Eliasib chachan Johanán allchhipan urunakapkama.

[24] Levitanakan jilïri irpirinakapasti akanakänwa: Hasabías, Serebías, Josué, Binuy, Cadmiel, jilanakapampi kuna; jupanakax Diosar luqtäwi katuyatarjamaw jach'añchañ q'uchunak q'uchupxäna, yuspagarapxarakïna, kunjämtix David reyix lurapxañapatak arsuwaykatayna ukhamarjama.

[25] Mantañäki uka punkunak uñjirinakasti akanakänwa: Matanías, Bacbuquías, Abdías, Mesulam, Talmón, Acub, ukanaka.

[26] Uka chachanakax Josué chachan Joacín yuqapan urunakapan jakapxäna. Kunapachatix Nehemiasax marka apnaqkän uka urunakana, yatichiri Esdras sacerdoten urunakapana.

[27] Jerusalén pirqa luqtañ urux purinxän ukkhasti, levitanakarux kawkha chiqanakantix jakapkäna ukkhanakat jawsayanipxäna, ukatsti Jerusalenaruw irpanipxäna, jupanakan kusisiñampi yupaychasin, q'uchunakampi, platillonakampi, arpanakampi, liranakamp chika Jerusalén pirqa Tatitur katuyapxañapataki.

[28] Q'uchuri levitanakasti Jerusalén marka thiyanakatpach jutapxäna, ukhamarak Netofá uka jisk'a markatsa,

[29] Guilgal chiqan utjkis uka utanakata, Gueba, Azmávet uka uraqinakata; q'uchurinakax Jerusalén thiyanakan jisk'a markanak lurasipxatayna uka layku.

[30] Ukapachasti sacerdotenakampi, levitanakampix q'umachasipxänwa. Ukatsti markankir jaqinakaru, markan punkunakapa, pirqanakap q'umachapxarakïna.

[31] Ukatxa pirqa patxaruw Judá marka apnaqir jilïrinakar makhatayta, ukatsti pä jach'a tama q'uchurinak wakt'ayarakta. Nayrïri tama q'uchurinakasti pirqa patanjam kupi tuqiruw sarapxäna, T'unanaka Warañ sat punkükis uksa tuqiru.

[32] Q'uchurinakan qhipapsti Hosaías chachaw saräna, Judá uraqinkiri chikat jilïrinakampi,

[33] ukanakasti: Azarías, Esdras, Mesulam,

[34] Judá, Benjamín, Semaías, Jeremías ukanakänwa.

[35] Sacerdotenakatsti khitinakatix trompeta phust'asisa sarapkän ukanakasti akanakänwa: Jonatán chachan Zacarías yuqapa, jupan nayra awkinakapax akanakänwa: Semaías, Matanías, Micaías, Zacur, Asaf;

[36] ukhamarak Semaías, Azarel, Milalai, Guilalai, Maai, Natanael, Judá, Hananí uka wila masinakapa, jupanakasti Tatitun munat Davidan instrumentonakap toct'apxäna. Jupanak nayraqatsti yatichiri Esdrasaw sararakïna.

[37] Uma Jalsu punku satäki ukkhar purisasti, pirqa patanjam sarasipkakïnwa, Jerusalén markan patillpatillapanjam makhatasinxa, Davidan jach'a utap chiq sarakipawayapxäna, ukatsti inti jalsu tuqinkir Uma Punku sat mantañäkis ukakamarakiw puripxäna.

[38] Payïri tama q'uchurinakasti ch'iqa tuqinjam sarapxarakïna. Nayasti q'uchurinakan qhipap mä chikat jaqinakampiw sarta, Hornonakan torrepa satäkis ukkhata, wali thuru pirqäkis ukkhakama,

[39] Efrainan punkup chiq sarakipawayapxta, ukatsti: Jesaná punku chiqa, Chawllanak sat punku chiqa, Hananel torre chiqa, Patak torre chiqa, Ovejanakan mantañ punkupkama; Guardia sat punkükis ukkharuw sayt'apxta.

[40] Ukatxa paypach q'uchur tamanakax Tatitun utapan jupanakatak wakt'ayat chiqaruw puripxäna; nayasa, ukhamarak nayamp chikäpkän uka chikat jilïri irpirinakasa.

[41] Trompeta phust'ir sacerdotenakasti akanakänwa: Eliaquim, Maaseías, Miniamín, Micaías, Elioenai, Zacarías, Hananías,

[42] Maaseías, Semaías, Eleazar, Uzí, Johanán, Malquías, Elam, Éser. Izrahías chachan sarayat q'uchurinakasti taqiniw mayaki q'uchupxäna.

[43] Ukürusti walja wilañchanaka luqtasïna, jaqinakasti walpun kusisipxäna, Tatituw jupanakar jach'a kusisiñamp phuqt'äna. Warminakasa, wawanakasa wali kusisitäpxarakïnwa, Jerusalenan utjkän uka kusisiñax jayatpach ist'asïna.

[44] Khaya urunakansti utt'ayasipxänwa kawkïr chachanakatix qullqi imaña pirwanaka, waxt'äwinaka, nayrïri achunaka, sapa tunkat may churäwinak uchañanak uñjapxañapäki ukanakaru, kamachinakarjam phuqhasa, kunanakatix sacerdotenakataki, levitanakataki sapa markan uraqinakapat purinkän ukanak ukarkam imapxañapataki; Judänkir jaqinakasti sacerdotenakana, levitanakana luräwinakapampix kusisitäpxänwa.

[45] Diosaru yupaychäwina, q'umachasiñ luräwinsa, jupanakaw luqtäwinak katuyapxirïna, ukhamarak q'uchurinakasa, punkunak uñjirinakasa kunjämtix Davidampi, Salomón yuqapampix iwxawaykatayna ukhamarjama.

[46] Nayrapachaxa, David, Asaf chachanakan urunakapanxa, q'uchurinakan sarayiripaw utjäna, uka urunakansti yupaychañ q'uchunaka, ukhamarak Tatitur yuspagarañ q'uchuñanak q'uchupxirïna.

[47] Ukhamasti, Zorobabel, Nehemías chachanakan urunakapanxa, israelitanakax taqiniw q'uchurinakaru, punku uñjirinakaru sapüru manq'añanak churapxirïna; levitanakarux kunatix wakt'ki ukanak churapxarakirïna, uka levitanakasti Aarón chachat saraqiri wawanakaparuw churapxäna, kunatix wakt'ki ukhamarjama.