[1] Mga belag, no sa kanyo apo ngiitan agpangwat daet, na kailangan kamo in mga sakop sa Abyan Diyos, kamo in agpatoldo sa kansiyo matang siyo agbait wakay. Kamay mabait pag agpatoldo. Osai agingat, karam kamo din batay tiyokso.
[2] Kamo maytolongan no apo agkaidapan. Kataw ina in agpangwat in bilin Kiristo.
[3] No apo mangyan agpakalakonaw, kamay siyo kalakoyte, na piyagpadaya waget in kansiyo remrem.
[4] Remremen in baatte mangyan sa kansiyo mga piyagpangwat no maalen no yewed. No atawanan maalen, na agkaanggay wa kansiyo remrem, Idwa kailangan agpangkit sa roma piyagpangwat.
[5] Angkataw in baatte mangyan kailangan agpangwat in kansiyo wa daan panawen.
[6] In agpatoldo in Maal pag Barita, kailangan in kansiyo mga agadar agpakan sa kansiyo in boo kansiro abaloyan.
[7] Ayaw agpabaribiden in kanyo remrem. In Diyos yewed apadaya kamayba nakay. No nakay in yaasik in mangyan, na ina daan dogayan in kansiyo batay yaani.
[8] No in mangyan agasik in mga daet piyagkabeet kansiyo bilog, na kansiyo batay yaani katayan. Dayem in agasik in mga piyagkabeet in Abyan, na kansiyo batay yaani in boway idapo kalobosan.
[9] In kitam agpangwat maal ayaw mabyat in remrem. Angkataw paka rateng wa in kabetek kitam batay ngani agani no kitam yewed aglimbang.
[10] Ayaw agsidaen in kabetek kitam agpangwat maal sa boo mangyan, labi kay no kantam belag sa agpasandig kay Isos.
[11] Amba, kanyo pangkiten anda pag mga solat mga lakonaw. Anda kangay wa daan bakwaw in agsolat sa kanyo.
[12] In mga agpakalakonaw sa piyangwat sa kansiro bilog, siro in mga agpilTt kamo din patoli. Kaya kansiro piyagpangwat ina matang siro idbatay wa piyagpaidapan panawen sa agbarita in katayan Kiristo sa kodos.
[13] Kamayba in mga agpatoli siro yewed din agpaniwala sa mga Batas. Beet waget siro agpakalakonaw in kamo kansiro apilit agpatoli.
[14] Kamay no sa kangay, ako idapono batay piyagpakalakonaw no yewed in IsoKiristo kantam Kapwan matay sa kodos. In mga ogali piyagpakalakonaw in roma mangyan, na panawen sa kodos ina pag ogali sa kangay matay wa. Ako idwa sakop asin pag mga ogali.
[15] Kamayba tiyoli, kamayba yewed tiyoli idapo kabolowan, dayem in apo kabolowan in kitam bayo wakay piyangwat Diyos.
[16] Sa boo mga agpaniwala kataw ina sa boo mga bodang Diyos, in kangay pandalangin siro kansiyo pakanen apyaan pag remrem osai pakayawteen.
[17] Ibat ngona ako ayaw agpaidapanen kamayba wa nakay pag mangyan. Angkataw in mga golatowan sa kangay bilog, ina in mga tanda ako sogowan Isos.
[18] Kamo pakayawteen IsoKiristo kantam Kapwan, mga belag. Ina wa ngani.