Listen to this chapter
[1] phir bildad sūḳhī ne jawāb de kar kahā,
[2] “allāh kī hukūmat dahshatnāk hai. wuhī apnī bulandiyoṅ par salāmatī qāim rakhtā hai.
[3] kyā koī us ke dastoṅ kī tādād gin saktā hai? us kā nūr kis par nahīṅ chamaktā?
[4] to phir insān allāh ke sāmne kis tarah rāstbāz ṭhahar saktā hai? jo aurat se paidā huā wuh kis tarah pāk-sāf sābit ho saktā hai?
[5] us kī nazar meṅ na chāṅd purnūr hai, na sitāre pāk haiṅ.
[6] to phir insān kis tarah pāk ṭhahar saktā hai jo kīṛā hī hai? ādamzād to makoṛā hī hai.”