[1] Wa fi batun al-huutaay, Yuunus gamma yisalli le Allah Ilaahah.
[2] Wa gaal : «Ya Allah ! Fi taʼabi, ana bakeet leek wa inta najjeetni. Wa fi l-moot, ana sarakht leek wa inta simiʼt hissi.
[3] Wakit inta zagaltini fi lubb al-bahar, fi l-almi al-khariig, al-challaal tammasaani wa l-mooj zarataani.
[4] Wa ana hasabt nafsi matruud baʼiid minnak, ya Rabb, wa laakin battaan namchi nichiif beetak al-mukhaddas.
[5] Wa l-bahar zarataani wa almi al-khariig akalaani wa l-gechch lawlaw leyi fi raasi.
[6] Wa ana nazalt fi gaʼar al-hajar, ansajant fi l-sijin al-baabah ansadda foogi // ila l-abad. Laakin, ya Allah Ilaahi, inta maragtini min almi al-khariig wa najjeet hayaati min al-moot.
[7] Wa wakit ruuhi tidoor tamrug, ana alfakkartak, inta Allah. Wa salaati al-wajjahtaha leek wislat leek fi beetak al-mukhaddas.
[8] Wa laakin al-naas al-yaʼabudu al-asnaam ma yalgo rahma minnak.
[9] Wa kan leyi ana, nachkurak wa nigaddim leek dahiiye wa nitimm nazri al-aahadtak beyah. Ya Allah ! Inta bas al-tinajji al-naas.»
[10] Wa khalaas, Allah amar al-huutaay achaan tigaddif Yuunus wa hi gaddafatah fi khachum al-bahar.