[1] จ เกม๊า กแช่ แยว้ ดี๊ กแช่ เยซู คริ้ พี่ ม ต้ะเซ๊ง โพล้ง ซี๊ง ดี๊ โพล้ง ม๊า นอ เก เอะ จ พีงนยาง พี่ จ โล้ เอะ แน้ ท ล แพ อี้ง. กแช่ เยซู คริ้ ม เฌ๊ ไท้ เก จ๊าวแพเดง ยู่แคว่ เท่อ. ท บี่ นอ จ อวีงซ้ะชู้ แน้ บี่ อี้ง
[2] เกม๊า น โล้ ล้าง กแช่ แยว้ อ ลู่ง อ แท๊ เฌาโละ แม้-อ้ะ เมาน่าง พี่ อ ช๊า อ โท่ โอ ฌี้ ล โอ แบ ฌี้. ไจ้ะ โพล้ง พี่ อ แม้ เท่อ ล แบ แบ ฌ้อง โล้ เอะ-อ้ะ เมาน่าง ~ดี๊ แม้ ชอง ทาง อ เซิง อ ซ้ะ. พี่ น ซอง ท ล แพ อี้ง นอ ซอง-อ้ะ ดี๊ ท เอ้า เซิง เอ้า ซ้ะ ครึ~ๆ.
[3] อ ช๊า อ โท่ ม โอ โคะ พี่ โพล้ง ล คุ้ช๊องแน ท ซอง ท ซ๊าง ลู่ง อ แบ นอ แบ. แบ เด้าะ อ ซื๊ง เว๊ ม อางฆื๊ง คู แอ ทาง แอ ทาง พี่ ม ซอง เอะ อ เท่อ ลู่ง อ แบ ซ้ะ คุ้ช๊องแน เว๊.
[4] อ ซื๊ง เว๊ ล เกม๊า ท เมะ ท โต้ นึ อ แน่ พ้า ล้า แบ แบ เด้าะ คุ้ช๊องแน ก้ะ ท อางโล๊ไท้ ชู้ ล เม้ง แบ ล เม้ง.
[5] เมะ นี๊ แด นอ น แบ โอ เฌิ่ง โอ ค๊า ครึ~ๆ โอ โก้ง ท น้ะ ท โน๊ง แม้ เท่อ บี่ ซุ้~โพล้ง~โล้ ล้าง ท ฌี้ อ ไฌ่ อ ท ไพ้ะ ท แม้ แม้ ท กุ้ อ เม้ง ท้อง อ ชิ้เทา พี่ กแช่ แยว้ อางกี ล้าง เว๊ เกม๊า น แม้.
[6] เมะ ยี๊ แด นอ ท้อง อ ช๊า อ โท่ เย้า พี่ จ แบ เทว๊ ล้าง จ ซ้ะ บี่ ซุ้ เก ท ลื่ง ทาง กแช่ แยว้. ท้อง อ ช๊า อ โท่ จ แบ ไท้ เย้า.
[7] ลู่ง~ท ซยู๊ แท้ โละ ซ้ะ พี่ อ ฌี้ นอ จ ซยู๊ เลา ไฌ่ เลา แบ้ จ ซยู๊ ท้อง ท อางกี ล้าง เว้ เว๊ เย้า ดี๊ จ โต้ จ ล้อง ดี๊ จ ท ชู่ง ท นะ ครึ~ๆ.
[8] ท บี่ นอ กแช่ แยว้ อางกี เว้ เอะ แย้ คูคล้าง เก รางวาง พี่ อ ม เกล๊าง เอะ โพล้ง ลู่ง อ แบ กแช่ แยว้ อ ซ้ะ. กแช่ เยซู คริ้ พี่ อ เก โพล้ง ต้ะเซ๊ง เท่อ ลู่ง อ เกิ้ง อ แบ ล แฌ้ นอ ม เกล๊าง เอะ จ รางวาง อี้ง ลู่ง มื่ง นี้ง พี่ อ ม~ต้ะเซ๊ง เท่อ โคะ ล เมะ เกล๊าง ที่ แย้ ล แฌ้ แบ แบ เด้าะ ม เกล๊าง เอะ โพล้ง กุ้ อ แฌ้ พี่ อ เซิง มึ ซ้ะ มึ ลู่ง อ คุ้แท๊ กแช่ เยซู คริ้ ม เฌ๊ ไท้ โคะ.
[9] เฌาโละ เฌ๊ แด โละ ซ้ะ ดี๊ แย้ เมะ เพล ไช้ะ
[10] เมะ เว๊ เดมา พลึ้ อ ซ้ะ เอ ฌางคู โคล๊ง คู ล ชู้ อี้ง ฌ้อง นย๊อง ไฆวะ แย้ ลี้ ก้ะ ลู่ง เว่ง เทซาโลนีเก. เกเซ ลี้ ลู่ง ค่าง กาลาเต. ทีโต ลี้ ลู่ง ค่าง ดามาเต.
[11] ลูกา ล แฌ้ ล้อ โอ ก้ะ ดี๊ แย้. เกม๊า น ลี้ ช่อง นี่ มาร้ะกู ฌ้อง เฌ๊ ฌ้า-อ้ะ ไช้ะ อ ไฌ่ บี่ อี้ง อ เว๊ แม้ช้า แย้ ฌี้ มะ.
[12] จ โซ๊ง ทีคีโค ลี้ ลู่ง เว่ง เอเฟโซ เย้า.
[13] พี่~น~เฌ๊ นอ เฌ๊ โชะ ดี๊ จ ไช๊แค่ พ้ะโท๊ ลู่ง จ อางกี โท่-อ้ะ ดี๊ คาโป ลู่ง เฌง โตอา นอ ไช้ะ. เฌ๊ โชะ ดี๊ ไละ ปะ เท่อ ลู่ง อ ล้างเปิ่ง ทึ นอ เมะ เว๊ ไละ พี่ กวิ้ ลู่ง ท ไพ้ะ ล้อง.
[14] อาเลซางโด พี่ อ เก ซแล้ ไน๊ ท่องโฌ้ ล แฌ้ นอ แม้ น้ะ แม้ โน๊ง แย้ น้ะ มะ. กแช่ แยว้ ม แม้ เตา แม้ แต๊-อ้ะ ท้อง อ เกิ้ง ดี๊ อ ท ไพ้ะ ท แม้ นอ ล้อ.
[15] น แบ ปโล่ ล้าง ซ้ะ ดี๊-อ้ะ เมะ ฌี้ อ ไฌ่ บี่ อี้ง อ เว๊ แม้ ไทะทะ ก ท โล้ ล้าง น้ะ มะ.
[16] พี่~จ ไคล้ คว่าง อ ต้องคู ล พ๊า นอ โพล้ง ล โอ ฆู๊ง ดี๊ แย้ น่าง แฌ้ แบ โพล้ง ไจ แด แย้ กุ้ อ แฌ้. เกม๊า กแช่ แยว้ ล แม้ เตา แม้ แต๊-อ้ะ แบ.
[17] แบ~เด้าะ กแช่ เยซู คริ้ แม้ช้า แย้ ดี๊ เกม๊า จ โอ ดี๊ จ ไฌ่ จ แบ้ ลู่ง จ โล้ ล้าง~กแช่~แยว้ อ ลู่ง อ แท๊ ซี เมาน่าง บี่ ซุ้ เกม๊า โพล้ง ล เมะ เก ยู แบ แอ แฌ้ แน่ฌ๊า เว๊. ท บี่ นอ จ พ้อง พลิ้ ไฆวะ ดี๊ คี๊ยื่ง อ นุ้.
[18] กแช่ เยซู คริ้ ม แม้ พ้อง พลิ้ แย้ ดี๊ ท อ้า ท ซ๊าง กุ้ อ เม้ง ดี๊ ม ลี้ ฌ้า แย้ นึ ลู่ง กแช่ แยว้ อ มื่ง อ บ้าง ซี. เกม๊า ท อ ฆี๊ง อ แล้ อ โฌ่ง อ พ้าง โอ เว๊ ดี๊ กแช่ แยว้ ครึ~ๆ อาเมง.
[19] จ ท ยื่ง ซ้ะ ดี๊ น่าง ปรีซาคา ดี๊ อาคีลา ดี๊ โพล้ง โอ ลู่ง โอเนซีโฟ อ เด้า นอ ปะ.
[20] เอราโต โอ ก้ะ ลู่ง เว่ง โคเรง ได้ะ. ท่อง จ ไจ พ้ะ ไฆวะ โตฟีมา ลู่ง เว่ง มีเลโต นอ อ เว๊ ช๊องไก้ ได้ะ.
[21] น แบ เฌาโละ เฌ๊ ท่อง อ ท้อง วี่ง ท ฌ่อง แค๊. เอโบโล ปูแด ลีโน น่าง เกล้าดีง ดี๊ ด๊างพื่งวี่ อ แฌ้แพ กุ้ อ แฌ้ ท ยื่ง ซ้ะ ดี๊ แน้.
[22] เกม๊า~กแช่ เยซู คริ้ โอ ดี๊ แน้. เกม๊า กแช่ แยว้ อ โก้ง อ โบ้ง อ บลึ้ อ บลาง โอ ดี๊ น ซื๊ง กุ้ อ แฌ้ นอ ล้อ.