[1] เท่อ ลู่ง อ ล้างเปิ่ง ทึ นอ จ อวีงซ้ะชู้ เกม๊า โพล้ง แบ้ แยว้ ชูแพ อางท่าง เท่อ ดี๊ ไจ้ะ บลึ้ กแช่ แยว้ ลู่ง โพล้ง กุ้ แฌ้ อ ฌ่าง.
[2] แบ ชูแพ เท่อ ลู่ง จ๊าวแพเดง ดี๊ โพล้ง กุ้ แฌ้ พี่ อ โอ ดี๊ อ ดู้ง อ ยาง ล แพ นอ อ ฌ่าง บี่ ซุ้ ก ม โอ ซยืง โอ บ้ะ โอ มึ โอ พ้า. ก ม ทื๊ง แบ นะ แบ กแช่ แยว้ เมาน่าง ดี๊ ก ม แม้ ซ้ะ ลู่ง อ เกิ้ง อ แบ.
[3] ชูแพ~เท่อ บี่ อี้ง นอ เก ท อ ฌี้ ดี๊ แบ กแช่ แยว้ ลู่ง อ แม้ พ้อง พลิ้ เฆ้อ ล แฌ้ นอ อ ซ้ะ.
[4] อ เว๊ แบ อ ซ้ะ เกม๊า โพล้ง กุ้ อ แฌ้ นี่ แบ ท พ้อง ท พลิ้ ดี๊ ซีงแฌ๊ ท อ ที๊ง อ โต้.
[5] อ ไฌ่ บี่ อี้ง โอ ที่ กแช่ แยว้ ล แฌ้ ล้อ ดี๊ โอ ที่ ล แฌ้ ล้อ พี่ ม เกม๊า โพล้ง ลี้ ฌู กแช่ แยว้ ซี เมะ เว๊ กแช่ เยซู คริ้ ลู่ง อ แม้ อ ซ้ะ บี่ ซุ้ โพล้ง ฌางคู คู
[6] ดี๊ นย่อง ซี๊ง ล้าง อ ซ้ะ แม้ พ้อง พลิ้ โพล้ง กุ้ อ แฌ้ เก พีงนยาง ลู่ง ท อ ช๊า อ โท่ แบ เมาะ พี่ กแช่ แยว้ แบ ซ้ะ แม้ พ้อง พลิ้ โพล้ง กุ้ อ แฌ้.
[7] ลู่ง ท อี้ง อ กย้อง กแช่ แยว้ เกม๊า จ เก อ เพล่ ดู เมะ เว๊ จ แบ โล้ ล้าง ท ฌี้ อ ไฌ่ เอะ โพล้ง ล เมะ เก ยู แบ ดี๊ ซอง เอะ-อ้ะ ท ชู่ง ท นะ ลู่ง อ ที๊ง อ โต้. จ โล้ เท่อ โต้~ๆ ล้อ ล คีงอูง เท่อ แบ เฆาะ.
[8] ลู่ง ท แบ้ แยว้ อ แค๊ นอ จ แบ ซ้ะ เกม๊า โพล้ง แคว๊ ชูแพ เท่อ ดี๊ ท เซิง ฌี้ ซ้ะ แอว้ กุ้ อ พ๊า ล โอ ดี๊ ท เซิงทาง ซ้ะทาง ดี๊ ท ติ้ โละ ไอ โละ น่าง เม้ง แบ.
[9] บี่ นอ อ ซุ้ กมืง นอ แบ ไต้ อ ซ้ะ เมาะ เว๊ อ เกิ้ง อ แบ ล แบ ซีง คูซู๊ง แบ ล แบ แม้ ฆี๊ง ทาง อ ซ้ะ ดี๊ ท๊อง ดี๊ เลว๊ ดี๊ เพ๊ โฌ่ง ดี๊ ไช๊ช้าง ลู่ง อ ฆวี้ แค้ นอ แบ.
[10] แบ เด้าะ อ ซื๊ง เว๊ แบ แม้ ฆี๊ง ทาง อ ซ้ะ ดี๊ ท แม้ ลู่ง อ ฌี้ บี่ ซุ้ ม เกิ้ง ดี๊ กมืง ลู่ง อ โล้ ล้าง อ ซ้ะ เก โพล้ง แบ้ แยว้ เมาน่าง.
[11] กมืง แบ คุ้ช๊องแน ท ซอง ท ซ๊าง ไก้ไม่ ดี๊ แบ ชาง ล้าง อ ซ้ะ ครึ~ๆ
[12] จ ล เกม๊า กมืง ซอง เท่อ แบ ดี๊ ล เกม๊า อ ดู้ง อ ยาง โอ ดู นี่ กแคว๊ แบ. อ ซื๊ง เว๊ แบ โอ ไก้ไม่.
[13] อ ไฌ่ บี่ อี้ง กแช่ แยว้ ไต้ ล้าง วี่ง อาดาง ฌ้อง ไต้ ล้าง ก้ะ ฮาวา.
[14] อาดาง ล แบ ท อางโล๊ แบ แบ เด้าะ กมืง แบ ท อางโล๊-อ้ะ ดี๊ ลือ ค๊างพะ กแช่ แยว้ อ ลู่ง อ แท๊.
[15] แบ เด้าะ กมืง ม พ้อง พลิ้ ลู่ง อ เก ท อ มู่ เมะ ลู่ง อ เว๊ โอ ดี๊ ท ชู่ง ท นะ ท เอ ท กวี้ง ท ฌี้ ท แอว้ ดี๊ แม้ อ ซ้ะ เมาน่าง ครึ~ๆ.