[1] पौलुस दन्न से जे मसीह यीसु के कइदी हे, आउर भाइ तीमुथिायुस दन्न से हमनी ज उरे काम करवैया फिलेमोन,
[2] आउर बहिन अप फपि फया, आउर हमनी के संगी सि पाही अरखिप्पुस आउ फिलेमोन के घर के कलीसिया के नाँवे:
[3] हमनी के पिता परमेसर आउर परभु यीसु मसीह दन्न से किरपा आउर सानि्त तोहनी के मिलइत रहे।
[4] हम हरमेसा परमेसर के ध् न्न वाद करऽ ही, आउर अप्पन परारथानो में तोरा इयाद करऽ हियो,
[5] काहेकि हम तोहर ऊ परेम आउर बिसवास के चरचा सुनऽ हियो, जे सब स न्त लोग के जोरे आउर परभु यीसु पर हे।
[6] हम परारथाना करऽ ही कि बिसवास में तोहर हिस्सेदार होनाय, तोहर सँउसे भलाइ के पहचान में, मसीह लागी बेसी परभाव होय।
[7] काहेकि हे भाइ, हमरा तोहर परेम से ढेर खुसी आउर सानि्त मिलल हे, एहिसे कि तोरा दिया स न्त लोग के मन हरिया गेल हइ।
[8] एहिसे हलांकि हमरा मसीह में ढेर हियाव हे कि जे बात सही हे, ओकर आग्यां तोरा दिअई।
[9] तइयो हम बूढ़ पौलुस के जे अब मसीह यीसु लागी कइदी हे, ई आउरो अच्छा जान पड़लय कि परेम से बिनती करिअइ।
[10] हम अप्पण लइका उनेसि मुस लागी, जे हमरा से हमर कइद में ज लमल हे, तोरा से बिनती करऽ हियो।
[11] ऊ त पहिले तोहर कोइ काम के नञ हल, बाकि अब तोहर आउर हम्मर दोनों के बड़ काम के हइ।
[12] ओकरे माने जे हमर करेजा के टुकड़ा हइ, हम तोरा भीरी लउटा देली हे।
[13] ओकरा हम अपनही भीरी रखे चाहऽ हली कि ऊ तोरा दन्न से ई कइद में जे सुभसमाचार के ओज ह से हइ, हमर सेवा करय।
[14] बाकि हम बिना तोहर हिच्छा कुच्छो नञ करे चाहली, कि तोहर ई किरपा मज बूरी से नञ बाकि खुसी से होय।
[15] काहेकि का जाने ऊ तोरा से कुछ बखत तकले ईहे मारे अलग होलइ कि हरमेसा तोरा नगीच रहय।
[16] बाकि अखनी से दास नियर नञ बलुक दासो से उति्तम, माने भाय नियन रहे, जे हमर त खास दुलरवा हइए हे, बाकि अब देह में आउर परभुओ में, तोरो खास दुलरवा होय।
[17] ईसे जे तूँ हमरा अप्पण हिस्सेदार स मझऽ हु, त ओकरा अइसे स कारऽ जइसे हमरा।
[18] जे ऊ तोहर कुछ नोकसान कय लक हे, चाहे ओकरा पर तोहर कुछ करजा हे, त हमर नाँव पर लिख लऽ।
[19] हम पौलुस अप्पण हाँथा से लिखऽ हियो कि हम अपने भर देवई आउर एकरा कहे के जरू रत नञ कि हमर रिन जे तोरा पर हे ऊ तूँही हे।
[20] हे भाइ, ई खुसी परभु में तोरा दन्न से मिलय। मसीह में हमर करजा जी हरिया दे।
[21] हम तोरा आंग्याकारी होवे के भरोसे तोरा लिखऽ ही, आउर ई जानऽ ही कि जे कुछ हम कह ही, तूँ ओकरा से कहीं बढ़के करबऽ।
[22] आउर ईहो कि हमरा लागी ठहरे के जगह तइयार रखऽ। हमरा आसा हे कि तोहर परारथाना के ज रिए हम तोरा दे देल जयबई।
[23] इप प्रफास, जे मसीह यीसु में हमरा जोरे कइदी हे,
[24] आउर मरकुस आउर अरिस्तर्खुस आउ देमास आउर लूका जे हमरा जोरे काम करे वाला हथ, इनकी तोरा नमस्ते।
[25] हमर परभु यीसु मसीह के किरपा तोहर आतमा पर होइत रहे। आमीन।