[1] Вичкуын веськӧтлісьсянь менам дона Гайлӧ. Ме тэнӧ былись радейта.
[2] Дона мортӧ, ме кейма, ась тэнат быдӧс бура мунӧ. Ась тэнат и вывтырыт ёна вынсялӧ, кыдз и лолыт тэнат вына.
[3] Ме ӧддьӧн гажми, кӧр локтісӧ воннэзным да висьтасисӧ тэ йылісь. Тэ пӧ олан велӧтӧмыс сьӧрті, быляс видзсян.
[4] Менам абу унажык гажыс, кыдз кывны: менам челядьӧ пӧ олӧны быльыс сьӧрті.
[5] Донаӧ, воннэтлӧ да и мӧдіклаись локтӧммеслӧ тэнат бурсӧ керӧмыт мыччалӧ, тэ надейнӧй.
[6] Вичкуын Кристос отир одзын нія висьтасисӧ тэнат радейтӧм йылісь. Бур лоас, тэ кӧ кольлалан нійӧ, кыдз колӧ Енлӧ.
[7] Нія эд туйӧ петісӧ Кристос ним понда и Енсӧ тӧдтӧм отирлісь нем эзӧ босьтӧ.
[8] Миянлӧ колӧ отсавны сэтшӧммеслӧ. Сідз мийӧ вермам отсавны паськӧтны быльсӧ.
[9] Ме вичкуыслӧ гижлі ни, но нылӧн асьсӧ ыджытӧ пуктісь Диотрефыс оз лэдз миянӧс локны.
[10] Сійӧн, верма кӧ локны, висьтася сылісь керӧмсӧ. Сія миян йылісь умӧль кыввезӧн вӧвлытӧмсӧ висьтасьӧ. Оз лэдз локны воннэзнымӧс. Сылӧ сія етша, дак сія и мӧдіккезлӧ оз лэдз рочавны горттэзаныс. Нійӧ нельки вашӧтӧ вичкусис.
[11] Донаӧ, эн кер лёк кериссес моз, кер бурсӧ кериссес моз. Бурсӧ керисьыс Енсянь. Умӧльсӧ керисьыс эз адззыв Енсӧ.
[12] Димитрийыс йылісь быдӧнныс баитӧны бурӧ. Сідз и ачыс быльыс висьталӧ, и мийӧ сідз висьталам. Тійӧ эд тӧдат, мийӧ огӧ бӧбӧтчӧ.
[13] Уна мый эм гижны, но ог понды чернилоӧн да бордтылӧн.
[14] Видзчися чожа адззисьлыны тэкӧт да сёрнитчыны паныт пуксьӧмӧн.
[15] Лӧнь олан тэныт! Пым юӧр тэныт ыстӧны ёрттэт. И тэ миянсянь сет юӧр воннэзнымлӧ, быдыслӧ аслыс. Аминь.