[1] Аwа әз һиви дькьм, бәри һәр тьшти бона һ’әму мәрьва дӧа бькьн, р’әща кьн, лава кьн, р’азибуне бьдьн,
[2] ӧса жи бона п’адша у һ’әму сәрwера, wәки әм жийинәкә ә’дьл у сәqьр’и дәрбаз кьн, бь т’әмамийа хwәденасийе у маqулийе.
[3] Ль бәр Хwәдейе Хьлазкьре мә әв ә qәнщ у ль Wи хwәш,
[4] кӧ дьхwазә һ’әму мәрьв хьлаз бьн у р’астийе нас кьн .
[5] Чьмки Хwәдек һәйә у нава Хwәде у мәрьвада жи навчетик, Мәсиһ Исайе Мәрьв,
[6] кӧ Хwә жь бәр к’ьр’ина гьшкава да. Әв йәк р’аст wәхтда бу избати, кӧ Хwәде дьхwазә һ’әму хьлаз бьн.
[7] У бона ве йәке әз даннасинкьр у шанди һатьмә к’ьфшкьрьне, (әз р’аст дьбежьм, дәрәwа накьм), нәщьһуйар’а бумә дәрсдаре баwәрийе у р’астийе.
[8] Аwа әз дьхwазьм кӧ мер һәр дәра дәстед хwәйә һ’әлал бьльнд кьн, бе һерс у бе шәр’-дә’w дӧа бькьн.
[9] Ӧса жи бьра к’ӧлфәт бь к’ьнщед лайиq, шәрме у бәрбьһерийе хwә бьхәмьлиньн, нә кӧ бь гӧли-гӧжанга, йан зер’, йан бь дӧр’а, йан жи бь к’ьнщед бьһа ,
[10] ле бь кьред qәнщ, чаwа ль wан к’ӧлфәта дьк’әвә, йед кӧ наве хwәденасийе һьлданә сәр хwә.
[11] Бьра к’ӧлфәт кәр’ һин бә, бь т’әмамийа гӧһдарийе.
[12] Әз изьне надьмә к’ӧлфәт, кӧ һин бькә, нә жи һ’ӧкӧми сәр мер бькә, ле бьра дәнг нәкә.
[13] Чьмки пешийе Адәм хӧльqи, паше Һеwа
[14] у Адәм нәхапийа, ле жьн хапийа у нәһәqи кьр.
[15] Ле жьн һ’але зар’анинеда жи wе хьлаз бә , һәгәр бь бәрбьһерийе нава баwәрийе, һ’ьзкьрьне у паqьжайийеда бьминьн.