[1] Burwo sallammin jama samma nangaro Alaa caworo, moduwa cado, lowoja, wusejaro tayia lowokki,
[2] koro maiya-a am kǝnduwoa samma-a nangaro Alaa caworo, naptu nanlewaye fandiyo, nanmumin-a bǝrsǝm-a sammalan dǝgaiyoro.
[3] Adǝ ngǝla ye, fuwu Ala Njǝkkayimandeyen awo ardiduye ye,
[4] ti duwon am samma njǝkkawo cawando, jire ye nojaro cǝraanadǝ.
[5] Awoa Aladǝ fal, katte Ala-a am-ayen solomadǝ ye fal, kamdǝ tima Isa Almasiwudǝ wo,
[6] ti duwon am sammaa merujoro kǝlanju cinadǝ. Adǝma sheda sanju kalkallan isǝnadǝ wo,
[7] koro adǝma nangaro Ala wua mawoduma ye, kǝngayam yero galaseno, kattuwu gǝni, jire wullǝkki, koro kǝla kambǝrse-a jire-ayen malǝm kǝrdiyaye yero galaseno.
[8] Adǝ nangaro ndaran yaye kongwawa mukko tayir sapkadaa gǝrgadu bi kambiwu bawoaro moduwa cadiya, raakko.
[9] Jiɍi adǝgainin kamuwa ye kajǝmu candǝna bǝrsǝmgadaa kǝlanja caɍiwiaro luja, jawu so, kare dinarre so, mursam so, kajǝmu jauro tamanna solan gǝni,
[10] amma kǝndo ngǝlalan, kamuwa tayi Ala ridawuro bayindanadǝ gai.
[11] Kamudǝ curo kǝnga sammayen kǝdǝk napco alamdu kǝrǝnjo.
[12] Kamudǝro alamdu bi kongwaa nodo amargǝkkǝni, biya gǝm napco.
[13] Awoa Ala burwon Adamba alakkeno, daji Auwa yea alakkeno.
[14] Koro Adamba gǝni, kamudǝmaa Yiwulis jambaje biwumaro walyeno.
[15] Amma kambǝrse-a kǝrawo-a nantayir-alan kǝlanju cǝɍiwiaro fuwu juwuia, kǝnjambiyen njǝkkawo cuwandi.