[1] Song-chú — Van-kiûn ke Ngièn-soi kóng: “Khon â, ke ngit-è voi to lé, voi chhiong sêu-fùng ke fó-lù. Só-yû kiêu-ngau ke ngìn lâu fái-ngìn chhiòn-phu voi chhiong vò-kón; chhai ke-ngit, kì-têu voi thèu-mî sêu-to chhiang-chhiang.
[2] Chúng-he, vi-tó ngì liá-têu kin-vi Ngài ke ngìn, voi yû kûng-ngi ke ngit-thèu chhut-hien; kì ke kông yû yî-chhṳ ke kûng-háu. Ngì-têu voi chhiong koân chhai ngiù-làn piong chhut-lòi ke se-ngiù-è án-ngiòng, chhin-pêu chhin-thiàu.
[3] Chhai Ngài só-thin ke ngit-è, ngì-têu oi chien-tha̍p fái-ngìn; kì-têu voi sàng-cho ngì-têu kiok-hâ ke chhṳ̀n-fôi.” Liá he Song-chú — Van-kiûn ke Ngièn-soi só-kóng ke.
[4] “Ngì-têu oi ki-tet Ngài ke phu̍k-ngìn Mô-sî ke kau-hiun, chhiu-he Ngài chhai Hò-lie̍t-sân vi-tó só-yû Yî-set-lie̍t-ngìn kâu-pûn kì ke kie-min fap-li̍t.
[5] “Khon â, chhai Song-chú chhin-thai chhin tet-ngìn-kiâng ke ngit-è màng-to yî-chhièn, Ngài oi phai siên-tî Yî-li-â to ngì-têu ke-vi hi.
[6] Kì oi sṳ́ yà-ôi ke sîm chón-hiong chṳ́-ńg, chṳ́-ńg ke sîm chón-hiong yà-ôi, miên-tet Ngài lòi yung chu-chú fí-me̍t chhiòn-thi.”