[1] Pyɔ kajɛnŋɛ wi ma wi to wi nagawa sɛnrɛ ti logo; ɛɛn fɔ pyɔ ŋa wi maa kala lakoo wila yɛrɛwɛ sɛnrɛ logo.
[2] Lejɛnŋɛ wi sɛnyoro ti fanŋga na, wi ma yarijɛndɛ ta tɔnli; ɛɛn fɔ lewɛlɛwɛ kapyere to javafɛnnɛ pe maa jaa mbaa piin.
[3] Lere ŋa wi maa yɔn ki yingiwɛ jɛn, wi maa yɛɛ shɔ; ɛɛn fɔ lere ŋa wi yɛn yɔngbɔgɔwɔ ni, wi maa yɛɛ jɔgɔ.
[4] Tiyanŋa wi yɛgɛ maa yinrigi yaara na, wi se siri ta; ɛɛn fɔ mbele pe maa tunŋgo piin jɛŋgɛ, poro ma yarilɛgɛrɛ ta.
[5] Yagbogowo sɛnrɛ ti ma pye ma lesinŋɛ wi mbɛn; ɛɛn fɔ lepee wi maa sanmbala pe tifaga na fɛrɛ waa pe na.
[6] Lere ŋa wi tangalɔmɔ pi yɛn ma filige, kasinŋge ki maa shɔ; ɛɛn fɔ lepee wi kapege ki maa jɔgɔ pew.
[7] Wa maa yɛɛ pye penjara fɔ, mbe sigi ta yaraga woro wi yeri; wa yɛgɛ maa yɛɛ pye fyɔnwɔ fɔ, mbe sigi ta penjagbɔrɔ yɛn wi yeri.
[8] Wagati wa ni, penjara fɔ wi ma kaa wi penjara ta kan maa yɛɛ go shɔ; ɛɛn fɔ fyɔnwɔ fɔ wo na la fyɛ mbe yo pe yaa wi figiri.
[9] Lesinmbele pe maa yɛngɛlɛ paa yanwa yɛn; lepeele poro yɛn paa fitanla yɛn, ŋa wi yɛn na finri.
[10] Yɛɛ gbɔgɔwɔ pi maa maara kɔɔn; ɛɛn fɔ mbele pe maa yɛrɛwɛ sɛnrɛ nuru, poro yɛn kajɛnmbɛlɛ.
[11] Penjagbɔrɔ nda ti ma ta fyaw, pa ti maa koo na kee fyaw ma; ɛɛn fɔ nda ti maa taa jɛɛnnjɛnri ti ma kaa lɛgɛ.
[12] Sɛnwee wi jigi wi yɛn yaraga ŋga na, na ki ka mɔ mbe toro, wi nawa pi ma tanga wi na; yaraga ŋga ki la yɛn ma na, ki ka kan ma yeri, ki ma yinwege kan ma yeri.
[13] Lere ŋa wi maa sɛnrɛ tifaga, ki fɔgɔ ki ma tɔn wi na; lere ŋa wi maa tanri ŋgasegele ke na, wo yaa tɔnli ta.
[14] Kajɛnŋɛ wi nagawa sɛnrɛ ti maa yinwege kaan lere yeri, ti ma lere shɔ kunwɔ pi yanwa pi kɛɛ.
[15] Tijinliwɛ jɛmbɛ pi ma ti lere kala ma leele pe ndanla; ɛɛn fɔ nambara fɛnnɛ pe konɔ li yɛn ma ŋgban.
[16] Leele mbele fuun pè jilige, pe maa pe kagala ke piin tijinliwɛ ni; ɛɛn fɔ kambajɛnŋɛ wi maa kambajɛnmɛ pi naga lere pyew wi na.
[17] Pitunŋɔ tipee wi ma ti jɔlɔgɔ ma pan; ɛɛn fɔ pitunŋɔ ŋa pè taga wi na, wi ma kotogo sogowo kan lere yeri.
[18] Lere ŋa wi ma je nagawa sɛnrɛ ti na, wi wogo ki yɛn fyɔnwɔ naa fɛrɛ; ɛɛn fɔ ŋa wi ma yɛnlɛ ki na poo jɛrɛgi, wo yaa gbɔgɔwɔ ta.
[19] Ŋga sɛnwee wila jaa, wi kaga ta ki ma tanla wi ni; Kambajɛnmbɛlɛ pe kapege ki yaga, ki ma pe mbɛn.
[20] Lere ŋa wi maa tanri kajɛnmbɛlɛ pe ni, wi ma kala jɛn; ɛɛn fɔ lere ŋa wi ma lembire ti pye wi cɛnyɛɛnlɛ, wi ma tege ta.
[21] Jɔlɔgɔ ko ki ma pye kapere pyefɛnnɛ pe puŋgo na; ɛɛn fɔ kajɛŋgɛ ko ki yɛn lesinmbele pe tɔnli we.
[22] Lere jɛnŋɛ wi ma kɔrɔgɔ yaga wi pishyɛnwoolo pe kan; ɛɛn fɔ kapere pyefɛnnɛ pe kɔrɔgɔ ki yɛn ma tɛgɛ lesinmbele poro kan.
[23] Kɛrɛ nda fyɔnwɔ fɔ wì fali, ti yarilire ti ma yɔn jɛŋgɛ; ɛɛn fɔ lere wa woro ma jɔgɔ wi mbasinmɛ pi kala na.
[24] Lere ŋa wi ma korowo sanwiga ki wa, wi pinambyɔ wi suu ndanla; ɛɛn fɔ lere ŋa wi pinambyɔ wi yɛn maa ndanla, wila la singi mboo koro.
[25] Lesinŋɛ wi ma li ma tin; ɛɛn fɔ lepee wi fuŋgbolo li yaa koro waga.