[1] Gokë wär Galilia teem ku lek tç cœl Jeratha.
[2] Kaam wën kææc Jethu piny riäi yic, ke tïñ mony la guåp jakræc, ke bå bei rçñ nhïïm.
[3] Mony kënë ë ye rëër rçñ nhïïm, ku acïn raan ye lëu bï rççk.
[4] Ee ye rççk cök ku cin arak juëc, ku ñot ke tueny, ku dhoñ luåñ kåth yecök. Ee ril apæi, acïn raan ye lëu bï rççk.
[5] Aköl ku wççr thok ëbën, ee ye cool ku ruu kat rçñ nhïïm, ke looi duœœt ku ye rot dææny aleel bï rot nåk.
[6] Wën tïñ yen Jethu tçmec, ke lor ku cuæt rot piny yenhom,
[7] ku lueel Jethu, «Jœñrac, bäär bei ë mony kënë guåp.» Go kiææu looi apæi, «Jethu Wën Madhœl, yeñö wïc ba looi tënë ša? Yïn aläñ ë rin Nhialic duk ša tëm awuåc.»
[9] Go Jethu jäl thiëëc, «Cœl yï ña?» Go bççr, «Šæn aa kut rin šok ajuëc.»
[10] Ku jœl mony kënë Jethu ya låñ bï jakræc cïï cop wei tçden rëër kek thïn.
[11] Ku duut dïr baai ë nyuäth gœt cök ë tçn awën.
[12] Go jakræc Jethu låñ, «Tuœœc šo ë dïrkä gup, ku cœl šo aa lur keyiic.»
[13] Goke puål, ku jœl jakræc bçn bei mony awën guåp ku lek dïr gup. Go duut diëër, kecït tiim karou riñ agör yic, ku thootkë wïïr ku moukë ëbën.
[14] Go röör ke biöök dïr kat, ku lek kë cï rot looi lueel tënë kœc rççr geeu, ku kœc tå bççi yiic. Go kœc ëbën jal wæt bïk kë cï rot looi la tïñ.
[15] Nawën lek šet tënë Jethu, ke yök mony wäär la guåp jakræc ke rççr, ke ceñ alath, ke la nhom cök. Gokë riååc.
[16] Go kœc ke cï kën cï rot looi tënë mony awën ku dïr tïñ, la lçk kœc kåk.
[17] Ku wën piñ kœc baai ë wçt kënë ë ke riåc, ku lek tënë Jethu ku läñkë bï jäl panden.
[18] Tçwën le Jethu riäi yic, go mony wën cï Jethu jœñrac cœl ajiël yeguåp bçn tënë Jethu, ku lçñ bï cath kek ye.
[19] Go Jethu jai, ku lëk ye, «Lœœr baai tënë kacku ku lçk ke käjuëc cï Bçny looi tënë yï, ku tçpuœth cï luåi yï.»
[20] Go jäl ku le panden Dekapolith la yic gæu thiäär. Ku kuæny keyiic ëbën ke ye kœc lçk käk cï Jethu looi tënë ye. Go kœc gäi.
[21] Wën cï Jethu bæn tem riäi bï dhuk Kapernaum, ke kœc juëc apæi bå tënë ye wär yœu.
[22] Kaam wën ke raan cœl Jariöth, bçny tçn amat kœc Itharel bå aya. Nawën tïñ Jethu, ke cuæt rot piny yecök.
[23] Ku lçñ, «Nyandiçn thin koor acï dhal apæi, athou. Bäär ba yïcin la tääu yenhom bï pial.»
[24] Go Jethu gam ku lööny dhöl kek ye. Ku buœth kœc juëc ke, ke cïk kum apæi.
[25] Ku tiñ tuany, cïï thçkde kåu ye tææm ruåån thiäär ku rou, ee tå kœc yiic,
[26] ku yeen ëcï wëëu juëc gäm akïm rin bï tuaanyde ñuççn, ku tuaanyde akëc ñuççn, ëcï rot jal juak.
[27] Ku yeen ëcï käk ye Jethu looi piñ. Go bçn Jethu kåu ku gœœt alanhde,
[28] rin ëcï jam ë rot yepuåu ëlä, «Na gaat alanhde, ke šæn abï pial.»
[29] Kaam thiin awën ke riæm cïï ben kuër, ku yök rot ke cï pial.
[30] Go Jethu yök lœn cïï riæl jäl yeguåp. Go yenhom wel ku thiëëc kœc, «Yeña cä alanhdiç gœœt?»
[31] Go kœcken ye buœœth lçk ye, «Yïn ë kœc juëc tïñ ke cï yï kum ku ye thiëc, Yeña cä gœœt?»
[32] Go Jethu ñot döt kœc bï tïñ yeña cï ye looi.
[33] Wën ñic tiñ awën tuany ye ke tuaany cï jäl yeguåp, go bçn tënë Jethu ke cï riååc, ke læth, ku gut yenhiaal piny Jethu nhom. Ku lëk ye lœn ë yen cï ye gœœt.
[34] Go Jethu lueel tënë ye, «Nyaandiç, gamdu acï kony ba pial, lœœr, kek dåår.»
[35] Kaam wën jiææm Jethu, ke kœc rïñ pan Jariöth ku lëkkë ye, «Nyaandu acï šet wei, duk raan piööc ben rääm nhom.»
[36] Ku Jethu ë këc kë cïk lueel kuççc nhom, ku lçk ye, «Duk riåc, dææt yïpuåu ku gam wçt yic.»
[37] Ku ë cïn kœc juëc cïï puål bïk cath kek ye, ee Pïtær ku Jemith ku Joon kepçc.
[38] Tçwën šeet kek pan Jariöth ke Jethu yök kœc ke näk röt, ke dhiau apæi.
[39] Ku ler šöt ku lëk ke, «Yeñö nçk wek röt? Ye dhiëndïït ñö kënë? Meth akëc thou, anin.»
[40] Gokë dœl guåp. Go Jethu ke cœl ala ašeer, ku cœœl wun meth kek man meth ku kœcken awën kadiäk, ku lek šöt tçwën cï meth tääc thïn.
[41] Ku dœm cin ku lëk ye, «Nyan thiin, alçk yï, jœt rot!»
[42] Go rot jœt nyin yic ku ciæth. Go kœc awën tå šööt kek Jethu gäi apæi wën tïñ kek kë cï rot looi (ë ye run thiäär ku rou.)
[43] Ku thœn Jethu ke bïk cïï lëk kœc kåk. Ku lëk ke bïk yiëk miëth.