[1] Ku aköl töñ awën, ke Jethu jiël baai ku ler wär Galilia yœu ku nyuuc, ku piööc.
[2] Ku gööm kœc juëc apæi, go la riäi yic ku nyuuc thïn, ku kääc thän awën ë pïu thook ašeer.
[3] Ku jœl Jethu kçñ aa lueel bï yen kœc piååc käjuëc. Ku lëk ke, «Raan puår ëcï la dom bï la pur.
[4] Tçwën yen rap wæær dom, ke kåth abçk lööny dhël yic. Go diæt bçn ku tetkë ke.
[5] Ku lööny kåth kåk alæl nhom, tç koor tiœp thïn. Gokë guœ cil rin tiœp ëcïï dït thïn.
[6] Nawën la akål ruæl apæi ke rap awën yuœm, ku riææukë rin këc mæiken šet piny.
[7] Ku lööny kåth abçk tç ye yuååt lac dït thïn, nawën la yuååt dït ke näk rap.
[8] Ku lööny kåth kåk ë tiœm path yic, ku lokkë apath, kåk ke dït nhïïm ku kåk ke thööñ röt ku kåk ke thoi nhïïm!»
[9] Ku wit Jethu wçtde ëlä, «Piæñkë tç le wek yïth!»
[10] Nawën ke kœcken ye buœœth bå tënë ye ku thiëckë, «Yeñö ye yïn jam ë waal tënë ke?»
[11] Go dhuk nhom ku lueel, «Ñiççc käk bääny Nhialic acï gäm we ku akëc gäm ke.
[12] Rin raan la këdäñ abï bæn muœœc bï käkke juëc apæi, ku raan cïn këdäñ, ke këthiin ye tak lœn tå yen tënë ye, abï nyaai aya.
[13] Kënë ye šæn jam waal tënë ke, rin keek aa daai ku acïn kë yekë tïñ, aa piñ ku aa cïn kë yekë piñ, tçdë ke detkë yic.
[14] Këya, wçt cï Ithaya raan käk Nhialic tïñ lueel wäthæær ë riænken ëlä atiiñ yenhom, ‹Na cœk alœn ye kœckä wçt piñ ku benkë piñ, ka cïk bï deet yic, na cœk alœn ye kœckä daai, ku cockë keek ka cïï käñ bï tïñ,
[15] rin cï kek kepuåth wæl wei, ku aacï keyïth cuåk bïk cïï ye piñ ku niinkë kenyïn. Na këckë looi këya, ñuåt aa daai ku pïñkë, ku detkë käñ yiic, ku ñuåt aacï röt thån Nhialic, ku kony keek.›
[16] «Ku wekkä, wek aa mit gup, rin wek aa daai ku piçñkë.
[17] Ku alçk we, acï kœc juëc käk Nhialic tïñ, ku kœc path ñic Nhialic wïc bïk tïñ käk yakë tïñ, ku aa këckë tïñ, acïk wïc bïk piñ käk yakë piñ, ku aa këckë piñ.»
[18] Go Jethu lueel, «Ëmën piæñkë tç teet šæn kääñ kënë yic thïn.
[19] Kœc ë wçt bääny Nhialic piñ ku cïk det yic, aa cït kåth cï lööny dhël yic. Jœñrac ë bçn ku nyææi wçt awën kepuåth.
[20] Kåth cï lööny alæl nhom aa cït kœc wçt Nhialic gam nyin yic ku mitkë puåth.
[21] Ku aacie kepuåth ye dææt, aa löñ Nhialic guœ wai wei tç looi aliääp rot, ku tç nçk ke rin wçt Nhialic.
[22] Kåth cï lööny tç ye yuååt lac dït thïn, aa cït kœc ë wçt Nhialic piñ, ku käjuëc ke diir rin pïr pinynhom, ku nhiçr jiææk aa bçn thïn, ku ræckë löñ Nhialic kepuåth.
[23] Ku kåth cï puur tiœm path yic, aa cït kœc ë wçt Nhialic piñ ku detkë yic apath, ku käjuëc aye yök tënë ke, cïmën rap cï ñiæc luœk ke dït nhïïm, ku rap kåk thööñ kenhïïm ku kåk ke thoi nhïïm.»
[24] Ku ben Jethu ke lçk kääñ dçt, «Bääny Nhialic acït raan cï kåth path com duœmde.
[25] Našœn akåu ke raan ëbën nin, ke raan atærde bå ku weer abaar rap cök ku jiël.
[26] Nawën la rap cil ke abaar cil aya.
[27] Go raan lui dom yic bçn tënë wun dom ku lueel, ‹Bçny, wäär pur yïn, cie rap path kek ca wæær dom yic? Na ye këya ka abaar kënë cil këdë dom yic?›
[28] Go bççr, ‹Ee raan man ša yen acï kënë looi,› Go raan ë luœi lueel, ‹Wïc buk abaar nyuän wei dom yic?›
[29] Go wun dom bççr, acie tçde, ‹Rin tç nyuçn yïn abaar, ke yïn amæt rap wei ke ke.
[30] Cœl rap ku abaar aa dït kedhie agut tç bï kek luœk, ku aba lçk kœc tëm ëlä, kañkë abaar nyuån ku duåtkë ke bï ke yœœt, ku jälkë rap tem ku tääukë ke kändiç yic.›»
[31] Ku benke lçk kääñ dçt ëlä, «Bääny Nhialic acït käu koor nyin cï raan com duœmde.
[32] Yeen akoor nyin apæi kam kåth ëbën. Ku na le dït ka wär tiim ëbën, ee la nhial ke loi kërdït apæi abï diæt šååtken aa yïk thïn.»
[33] Ku ben lueel, «Bääny Nhialic acït luœu cï tik puœr ayumdït tet yic, na lä ke piäär ëbën.»
[34] Këya, Jethu ë ye kçñ lueel ku bï yen kœc lçk wçlke ëbën, acïn kë ye lueel ke cïï kääñ thåth.
[35] Ee ye looi këya rin bï wçt cï raan käk Nhialic tïñ lueel thæær yenhom tiææñ, «Šæn abï jam kçñ tënë week, bï šæn ke käk kuc tçwäär ciæk nhial ku piny teet yiic.»
[36] Go Jethu kœc nyääñ ašeer ku ler šöt, go kœcken ye buœœth bçn tënë ye ku luelkë, «Tçt šo kääñ abaar yic.»
[37] Go bççr, «Raan ë puår cï kåth path wæær dom, ee Manh Raan.
[38] Dom ë pinynhom, ku kåth path aa kœc ñic Nhialic, ye bääny Nhialic këden, ku abaar aa kœc ë jakræc,
[39] ku raan cä abaar mat dom yic ë jœñrac. Ku tëmtëm ë thök ë piny, ku kœc tëm atuuc Nhialic.
[40] Këya, cïmën ye abaar nyuän wei dom yic ku yœt, yen abï ya tçde aköl thöök piny.
[41] Manh Raan abä atuuc Nhialic tooc, ku aabï kœc ræc ë kœc šäth kärac yiic, ku kœc luui käræc tçt bei kœc path yiic,
[42] ku cuæt ke many dçp cï löklök apæi, bï kek aa dhiau thïn ke ñæny kelec akölriëëc ëbën.
[43] Ku kœc path aabï ruæl cïmën akål bääny Wunden yic nhial.» Ku wit låñde ëlä, «Piæñkë tç le wek yïth!»
[44] Ku thåth Jethu kääñ dçt ëlä, «Bääny Nhialic acït jiææk cï wæc piny dom yic. Go raandä yök ku nyiææi ku ben thiaan ku jiël ke cï puåu miæt apæi, ku le käkke šaac ëbën, ku šœœc dom wën, rin nhiæær yen jiææk kënë apæi.»
[45] Ku ben Jethu lueel, «Bääny Nhialic acït raan šöc, wïc käpath apæi,
[46] nawën yök këtööñ path apæi ke la käkke šaac wei ëbën ku šœœc kënë awën.»
[47] «Bääny Nhialic aya, acït buœn cï cuat wïïr ku dœm kuat ë rçc ëbën.
[48] Tç cï yen thiäñ, ke miit amçi agör nhom ku nyuuckë bïk rec kuany yiic, ku tççukë rec path gäc yic, ku cuætkë rec cïï path wei.
[49] Kënë, yen ë tç bï yen rot luœœi thïn aköldä thöök piny. Atuuc Nhialic aabï tuål ku kuënykë kœc ræc bei ë kœc yiic,
[50] ku cuætkë ke pan mac tç bï kek dhiau thïn ke ñæny kelec akölriëëc ëbën.»
[51] Ku thiëc Jethu ke, «Cäk wëlkä deet yiic apath?» Gokë gam.
[52] Go lçk ke, «Na ye këya, ke raan piööc ë lööñ cï piååc käk bääny Nhialic, acït raan baai käkken yam ku käthæær bççi ašeer ëbën paande.»
[53] Wën cï Jethu thök luæl ë kçñkä, ke jiël,
[54] ku dhuk gænden. Ku piööc kœc tçn amat, piööc cï kœc ke tå thïn bçn gåi ëbën ku luelkë, «Cï mony kënë käñ bçn aa ñic næn, ku yök riæl ë yen käk jäñ gåi looi tçnæn?
[55] Kënë, cie wën raan dhie ë guañ? Ku man cie tiñ dhie cœl Maria, ku yeen cie mçnh ë Jemith ku Jothep ku Thaimon ku Judath?
[56] Ku nyiçrakën aya, cïk tåu ë tçn kek šo? Yök käkkä ëbën tçnæn?»
[57] Ku kueeckë ë ye. Go Jethu lueel tënë ke, «Raan cï Nhialic lööny yeguåp aye baai ëbën theek, ka kœc gænden ku kœc ruääi kek ye, kek aacie ye ye theek.»
[58] Ku akëc käjuëc jäñ gåi looi tçnë rin cïn kek gam.