[1] Kœc cïn puåth pan Galatia! Yeña cï we wel puåth? Ku thon Jethu Krïtho tim cï rïïu kåu acäk piñ.
[2] Lçkkë ša tööñ kënë, we yök Wëi Nhialic rin cï wek löñ thæær theek, aye rin cï wek Wçt Puœth Yam gam?
[3] Yeñö jœl wek ciçn puåth këlä, bäk jœœk Wëi Nhialic, wiëckë ëmën bäk thöl nhom riældun ë röt?
[4] Cïn kë cï kuat käril cäk ke yök waar wegup? Ee yic aala kë cï dhiæl looi.
[5] Ye Nhialic kë dït kœc gåi looi kamkun, ku gçm we wçike rin theek löñ Mothith, ku aye rin cï wek ke Wçt Puœth Yam piñ ku gamkë?
[6] Tiçñkë wädït Abaram, acï lueel athör thæær wël Nhialic yic, «Lœn cï yen Nhialic gam, ku rin cï yen wçt Nhialic gam acï Nhialic bçn looi bï la cök yenhom.»
[7] Alçukë bäk deet yic lœn mïth Abaram ayic, aa kœc cï wçt Nhialic gam cïmën wäär cï Abaram ye gam.
[8] Acï gåt athör thæær wël Nhialic yic lœn Nhialic abï kœc cie kœc Itharel looi bïk la cök yenhom, rin gam cï kek wçtde gam. Ke yen athör thæær acï Wçt Puœth Yam nyuåth Abaram ëlä, «Riænku, Nhialic abï raan wut ëbën dœœc.»
[9] Abaram acï wçt Nhialic gam, go Nhialic dœœc. Ku yen tçde ëbën, kuat raan cï Nhialic gam aye dœœc cïmën Abaram.
[10] Kœc lui löñ thæær, aciææn rac añoot panden. Rin acï lueel athör thæær wël Nhialic yic ëlä, «Kuat raan cie kë cï lueel löñ yic theek ëbën, atå aciææn rac yic.»
[11] Ëmën acï rot nyuœœth lœn acïn raan bï la cök Nhialic nhom rin löñ thæær, rin acï athör thæær wël Nhialic lueel ëlä, «Ee raan cï Nhialic gam ë rot yen abï pïr la cök yök Nhialic nhom.»
[12] Ku löñ thæær acïn yic gam, tçcït tç cï athör thæær wël Nhialic ye luææl thïn ëlä, «Raan ye looi kë cï löñ lueel ëbën yen abï pïr.»
[13] Rin cï Jethu thou riænkua, acï šok wççr bei thou yic, thon yen ye löñ lueel, rin aye athör thæær wël Nhialic lueel, «Raan cï nåk ku nök tim nhom ë raan cï Nhialic tçm awuåc.»
[14] Acï Jethu looi këya, ku bï dåc Nhialic wäär cï lueel ka bï gäm Abaram, bï gäm kœc cie kœc Itharel aya rin Jethu. Ku rin gamda yen abï šo cœl aa yök Wëi Nhialic wäär cï thœn yen Nhialic.
[15] Miçthakäi cï gam, ee kën rot looi akölaköl yen aba thååñ, tç cï kœc karou nyuc ku gamkë wçt tök ku gätkë athör ku thænykë yic, ka cïn raan ben kë wën dhoñ kåu, nadë ke juæk thok dçt këc ë mat.
[16] Nhialic acï athånde lçk Abaram ku tënë manhde. Acïï athör thæær wël Nhialic ye lueel, «Ka miçthke,» Ku wçtde yic kœc juëc, aye lueel, «Manh tök,» Ku manh kënë yen ë Raan cï lœc ku dœc.
[17] Kë wiëc ba lueel ë kënë yic, ee lœn nadë ke Nhialic acï mat kek Abaram, ku yeen acï bçn muk nhom apath. Löñ wäär gæm ruåån buœt kañuan ku thiärdiäk cök, acïï kë cï Nhialic gam kek Abaram bï bçn dhoñ kåu.
[18] Na miåc Nhialic ye gam rin löñ, ka cïï ben a kë cï thœn yen lui. Këya, ee rin wçt wäär cï Nhialic thån wädït Abaram yen agæm Nhialic kënë tënë ye.
[19] Ke yeen, yeñö kë looi löñ? Löñ aa mæt Nhialic thïn, rin bï käræc röt looi aa nyuœœth. Ku bï rëër thïn šet tç bï manh bï låk dhiëëth kuat Abaram yic bçn, raan wäär cï Nhialic wçt thån Abaram ë riænke. Löñ atuuc ë Nhialic kek aake bïï ye piny, ku gçmkë raan cï jäl bçn.
[20] Ku na ye akut tök, ke raan tå kam kœc acïï ben wïc, Nhialic ë tök.
[21] Cï löñ käk cï Nhialic thœn dhål yiic? Acie këya rin na kœc pinynhom cï löñ yök, löñ bï pïr akölriëëc ëbën bççi, diçt raan ëbën acï la cök Nhialic nhom rin theek yen löñ kënë.
[22] Ku acï gåt athör thæær wël Nhialic yic lœn pinynhom ëbën arççr riæl jœñrac yic, ke yen wçt wäär cï Nhialic lueel ka bï gäm kœc rin Jethu, acï gäm kœc cï wçt Jethu raan cï lœc ku dœc, gam.
[23] Ke gam kënë këc šëët, löñ acï šo looi buk ciçt kœc cï mac, šet tçwäär jœl wçt puœth yam rin gam war kœc nyuœœth.
[24] Ku ë löñ yen ë muk kœc šet tç bï Raan cï lœc ku dœc bçn bï šo bçn cåk piny Nhialic nhom, rin cï šok wçtde gam.
[25] Ëmën cï wçt Jethu bçn ku gamku, löñ acie yen ben šo mac.
[26] Ee gam yen ë we cœl aaye mïth Nhialic ë tök kek Jethu raan cï lœc ku dœc.
[27] Wek cï muœœc nhïïm bäk aa tök kek Jethu. Wek aa cieñ alanh pïr kek Jethu guåp.
[28] Këya kœc Itharel ku kœc cie kœc Itharel, alony ku raan cie alony, tik ku moc aa thöñ ëbën, week ëbën wek aa tök, wek cï mat kek Jethu raan cï lœc ku dœc.
[29] Na yakë kœc Raan cï lœc ku dœc, ke wek aa mïth Abaram, ku wek aabï këwäär cï Nhialic thån Abaram yök.