[1] ᒫᑲ ᑭᔭ ᐱᑭᐢᑳᐧᑕ ᐊᓂᐦᐃ ᑳ ᓇᐃᐢᑲᒧᒪᑲᑭ ᑳ ᐱᒫᑎᓯᐢᑳᑫᐠ ᑲᑫᐢᑫᐧᐃᐧᐣ;
[2] ᐁ ᑭᓭᔨᓂᐃᐧᒋᐠ ᓈᐯᐊᐧᐠ ᑭᑕ ᓇᐃᔨᑯᑲᐧᑎᓯᒋᐠ, ᑭᑕ ᐊᔮᑳᐧᒥᓯᒋᐠ, ᑭᑕ ᐯᔭᑕᑭ ᒥᑐᓀᔨᒋᑲᓀᒋᐠ, ᑲᐧᔭᐢᐠ ᐁ ᐃᓯ ᐊᔮᒋᐠ ᑖᐯᐧᔦᔨᑕᒧᐃᐧᓂᕽ, ᒥᓇ ᓵᑭᐦᐃᐁᐧᐃᐧᓂᕽ, ᒥᓇ ᓯᐯᔨᑕᒧᐃᐧᓂᕽ;
[3] ᑭᓭᐃᐢᑫᐧᐊᐧᐠ ᒥᓇ ᐁ ᐅᑯᓯᑫᐧᔨᑕᒧᐃᐧᓂᒋᐠ ᑭᑕ ᐃᑖᐸᒥᓈᑯᓯᒋᐠ, ᐁᑳ ᑭᑕ ᐸᑯᓄᒥᐁᐧᐢᑭᒋᐠ ᐊᐦᐳ ᑭᑕ ᒥᓂᑫᐧᐢᑭᒋᐠ ᓱᒥᓈᐳ, ᑭᑕ ᑭᐢᑭᓄᐦᐊᒫᑫᒋᐠ ᐊᓂᒪ ᑳ ᒥᔮᐧᓯᐠ;
[4] ᑭᑕ ᑭᐢᑭᓄᐦᐊᒪᐋᐧᒋᐠ ᐅᐢᑭ ᐃᐢᑫᐧᐊᐧ ᑭᑕ ᓵᑭᐋᔨᐟ ᐅ ᓈᐯᒥᔨᐊᐧ ᑭᑕ ᓵᑭᐋᔨᐟ ᐅᐟ ᐊᐋᐧᓯᒥᓯᔨᐊᐧ,
[5] ᑭᑕ ᐯᔭᑕᑭ ᒥᑐᓀᔨᒋᑲᓀᔨᐟ, ᑭᑕ ᑲᓇᐁᐧᔨᒥᓱᔨᐟ, ᑭᑕ ᐊᑐᐢᑫᔨᐟ ᐃᐧᑭᔨᕽ, ᑭᑕ ᑭᓭᐋᐧᑎᓯᔨᐟ, ᑭᑕ ᓇᓇᐃᑕᐋᐧᔨᐟ ᐅ ᓈᐯᒥᔨᐊᐧ, ᐅᐟ ᐃᑌᐧᐃᐧᐣ ᑭᓭᒪᓂᑐ ᐁᑳ ᑭᑕ ᐹᐢᑖᒧᐃᐧ ᑭᓵᐧᑕᒥᕽ;
[6] ᐅᐢᑭᓂᑭᐊᐧᐠ ᒥᓇ ᓯᑭᒥᐠ ᑭᑕ ᐯᔭᑕᑭ ᒥᑐᓀᔨᒋᑲᓀᒋᐠ;
[7] ᑲᐦᑭᔭᐤ ᑫᑲᐧᐩ ᐁ ᐃᓯ ᑭᐢᑭᓇᐋᐧᐸᐦᑕᐃᐁᐧᔭᐣ ᒥᔪ ᐊᑐᐢᑫᐃᐧᓇ; ᑭ ᑭᐢᑭᓄᐦᐊᒫᑫᐃᐧᓂᕽ ᐁ ᐋᐧᐸᐦᑕᐦᐃᐁᐧᔭᐣ ᐁᑳ ᑳ ᓂᓯᐊᐧᓈᒋᐦᐃᐁᐧᐠ, ᒥᓇ ᐊᔮᑳᐧᒥᓯᐃᐧᐣ,
[8] ᑳ ᒪᒥᑐᓂᒪᑲᕽ ᐱᑭᐢᑫᐧᐃᐧᐣ ᐁᑳ ᑭᑕ ᑭ ᐋᑕᐁᐧᔨᑕᒥᕽ; ᐊᓇ ᒫᑲ ᓇᐢᐹᐨ ᑳ ᐃᓯ ᐊᔮᐟ ᑭᑕ ᓇᓀᐯᐃᐧᓯᐟ ᐁᑳ ᐊᔮᒋ ᒪᒋ ᑫᑲᐧᐩ ᑭᑕ ᑭ ᐃᑎᑯᔭᕽ.
[9] ᓯᑭᒥᐠ ᐊᑐᐢᑫᔮᑲᓇᐠ ᑭᑕ ᓇᓇᐃᑕᐋᐧᒋᐠ ᐅᐟ ᐅᑭᒫᒥᐋᐧᐊᐧ ᒥᓇ ᑭᑕ ᓇᐦᐃᔭᐁᐧᐋᒋᐠ ᒥᓯᐁᐧ ᐃᓯ; ᐁᑳ ᑭᑕ ᓇᓈᐢᑫᐧᐊᐧᓯᐋᒋᐠ;
[10] ᐁᑳ ᑭᑕ ᑭᒧᑎᒋᐠ, ᒫᑲ ᑭᑕ ᐋᐧᐸᐦᑕᐦᐃᐁᐧᒋᐠ ᑲᐦᑭᔭᐤ ᒥᔪ ᐊᔮᑳᐧᒥᓯᐃᐧᐣ; ᑭᑕ ᒥᔪᓈᑯᑖᐋᐧᒋᐠ ᐅ ᑭᐢᑭᓄᐦᐊᒫᑫᐃᐧᓂᔨᐤ ᑭᓭᒪᓂᑐᐊᐧ ᑯᐱᒫᒋᐦᐃᐁᐧᒥᓇᐤ ᒥᓯᐁᐧ ᐃᓯ.
[11] ᒋᑫᒪ ᐅ ᑭᓭᐋᐧᑎᓯᐃᐧᐣ ᑭᓭᒪᓂᑐ ᑭ ᓄᑲᐧᓂᔨᐤ, ᐁ ᐯᑕᒫᑯᒋᐠ ᐱᒫᒋᐦᐃᐁᐧᐃᐧᐣ ᑲᐦᑭᔭᐤ ᐊᔨᓯᔨᓂᐊᐧᐠ,
[12] ᐁ ᑭᐢᑭᓄᐦᐊᒫᑯᔭᕽ ᐊᓂᒪ ᐁ ᐋᓀᐧᑕᒪᕽ ᒪᒑᔨᐃᐧᐃᐧᐣ ᒥᓇ ᐊᐢᑭᐃᐧ ᒧᐢᑕᐁᐧᔨᑕᒧᐃᐧᓇ, ᑭᑕ ᐱᒫᑎᓯᔭᕽ ᐯᔭᑕᑳᑎᓯᐃᐧᓂᕽ ᒥᓇ ᑳᐧᔭᐢᑲᐧᑎᓯᐃᐧᓂᕽ ᒥᓇ ᐊᔭᒥᐦᐋᐋᐧᑎᓯᐃᐧᓂᕽ ᐅᒪ ᐱᒫᑎᓯᐃᐧᓂᕽ;
[13] ᐁ ᐊᓴᐋᐧᐸᐦᑕᒪᕽ ᐊᓂᒪ ᒥᔪ ᐸᑯᓭᔨᒧᐃᐧᐣ ᒥᓇ ᐅᓄᑯᓯᐃᐧᐣ ᑭ ᑭᐦᒋ ᑭᓭᒪᓂᑐᒥᓇᐤ ᒥᓇ ᑯᐱᒫᒋᐦᐃᐁᐧᒥᓇᐤ ᒋᓴᐢ ᙭;
[14] ᑳ ᑭ ᐸᑭᑎᓂᓱᐟ ᑭᔮᓇᐤ ᐅᐦᒋ, ᑭᑕ ᑭ ᐸᐢᐱᐃᑯᔭᕽ ᑲᐦᑭᔭᐤ ᒪᒋᐃᑎᐃᐧᓂᕽ ᐅᐦᒋ, ᒥᓇ ᑭᑕ ᐯᑭᑕᒫᓱ ᐃᐧᔭ ᑭᑕ ᐅᐟ ᐃᔨᓂᒥᐟ ᐁ ᐋᑲᒣᔨᒧᑐᑕᒥᔨᐟ ᒥᔪ ᐊᑐᐢᑫᐃᐧᓇ.
[15] ᐁᐊᐧᑯᓂ ᐅᐦᐃ ᐃᐧᐦᑕ ᒥᓇ ᓯᑭᑫᒧ ᒥᓇ ᑲᑫᑕᐊᒪᑫ ᒥᓯᐁᐧ ᑎᐯᔨᐦᒋᑫᐃᐧᐣ ᐅᐦᒋ, ᐁᑳᐃᐧᔭ ᐊᐃᐧᔭᐠ ᐊᔨᓯᔨᓂᐤ ᑭ ᑲ ᒫᔦᔨᒥᐠ.