[1] ᑭᔭ ᒫᑲ ᓂᑯᓭ, ᑭ ᑲ ᐃᐧ ᒪᐢᑲᐃᐧᓯᐃᑲᐃᐧᐣ ᐊᓂᒪ ᑭᓭᐋᐧᑎᓯᐃᐧᓂᕽ ᑳ ᐊᔮᐟ ᙭ ᒋᓴᐢ,
[2] ᐊᓂᐦᐃ ᒫᑲ ᑳ ᑭ ᐯᑕᐃᐧᔭᐣ ᐁ ᐃᐧᐦᑕᒫᐣ ᐃᑕ ᒥᐦᒉᐟ ᐅᑖᒋᒧᐊᐧᐠ ᐁ ᐊᔮᒋᐠ ᐁᐊᐧᑯᓂ ᐸᑭᑎᓇᒪᐃᐧᐠ ᐁ ᐊᔮᑳᐧᒥᓯᒋᐠ ᐊᔨᓯᔨᓂᐊᐧᐠ ᐁ ᑲᐢᑭᑖᒋᐠ ᑯᑕᑲ ᒥᓇ ᑭᑕ ᐊᑎ ᑭᐢᑭᓄᐦᐊᒪᐋᐧᒋᐠ.
[3] ᑭᔭ ᒫᑲ ᓯᐯᔨᑕ ᐋᔨᒥᓯᐃᐧᐣ ᐁ ᐃᐧᒉᐃᐧᔭᐣ, ᑖᐱᐢᑯᐨ ᐁ ᒥᔪᓯᔨᐟ ᐅ ᓯᒫᑲᓂᓯᒪ ᙭ ᒋᓴᐢ.
[4] ᓇᒪᐃᐧᔭ ᐊᐃᐧᔭᐠ ᓯᒫᑲᓂᐢ ᐁ ᒣᑳᐧ ᓇᑐᐸᔨᐟ ᐅᑕᒥᔪ ᓇᓈᑐᕽ ᑫᑲᐧᐩ ᐅᒪ ᐱᒫᑎᓯᐃᐧᓂᕽ; ᑭᑕ ᑭ ᓇᐦᐃᔭᐁᐧᐋᐟ ᐊᓂᐦᐃ ᑳ ᑭ ᒪᓯᓇᐦᐃᑫᐃᑯᐟ ᑭᑕ ᓯᒫᑲᓂᓯᐃᐧᐟ.
[5] ᑭᐢᐱᐣ ᒥᓇ ᐊᔨᓯᔨᓂᐤ ᑲᑫᐧ ᐸᐢᑭᔮᑫᒋ ᒣᑕᐁᐧᐃᐧᓂᕽ ᓇᒪᐃᐧᔭ ᐳᐢᑕᐢᑐᑎᓇᐋᐤ ᐹᑎᒫ ᐱᑯ ᑳ ᐸᐢᑭᔮᑫᒋ ᐁ ᐃᑕᐢᑌᐠ ᐅᔭᓱᐁᐧᐃᐧᐣ.
[6] ᐅᑭᐢᑎᑫᐤ ᑳ ᐊᑐᐢᑫᐟ ᐱᑯ ᐃᐧᔭ ᓂᑳᐣ ᑭᑕ ᐅᐦᑎᓂᑫᐟ ᑳ ᐅᐱᑭᓂᔨᑭ.
[7] ᒫᒥᑐᓀᔨᑕ ᑳ ᐃᑌᐧᔮᐣ; ᒋᑫᒫ ᑳ ᑎᐯᔨᐦᒋᑫᐟ ᑭ ᑲ ᒥᔨᐠ ᑭᑕ ᓂᓯᑐᐦᑕᒪᐣ ᑲᐦᑭᔭᐤ ᑫᑲᐧᐩ.
[8] ᑭᐢᑭᓯᑐᑕᐤ ᒋᓴᐢ ᙭ ᑳ ᑭ ᐊᐧᓂᐢᑳᐟ ᓂᐳᐃᐧᓂᕽ ᐅᐦᒋ, ᐅ ᓂᐦᑖᐃᐧᑭᐋᑲᓇ ᑌᐱᐟ ᐁ ᐅᐦᒋᐟ ᑳ ᐃᑕᐢᑌᐠ ᓂ ᒥᔮᐧᒋᒧᐃᐧᐣ;
[9] ᑳ ᐅᐦᒋ ᑯᑕᑭᑖᔮᐣ ᐁ ᒪᒫᒋᑲᐧᐱᑎᑲᐃᐧᔮᐣ ᑖᐱᐢᑯᐨ ᐊᐃᐧᔭᐠ ᐁ ᑭ ᒪᒋᑐᑕᕽ; ᒫᑲ ᐅᐟ ᐃᑌᐧᐃᐧᐣ ᑭᓭᒪᓂᑐ ᓇᒪᐃᐧᔭ ᒪᒫᒋᑲᐧᐱᑌᐤ.
[10] ᐁᐊᐧᑯ ᐅᐦᒋ ᑲᐦᑭᔭᐤ ᑫᑲᐧᐩ ᓂ ᓯᐯᔨᑌᐣ ᐊᓂᑭ ᐅᐦᒋ ᑳ ᑭ ᓇᐊᐧᓱᓂᐦᒋᐠ ᐃᐧᔭᐋᐧᐤ ᒥᓇ ᑭᑕ ᑭ ᐊᔮᒋᐠ ᐊᓂᒪ ᐱᒫᒋᐦᐃᐁᐧᐃᐧᐣ ᑳ ᑭᑭᐢᑳᑯᐟ ᙭ ᒋᓴᐢ ᑭᑭ ᑳᑭᑫ ᑭᐢᑌᔨᑖᑯᓯᐃᐧᐣ.
[11] ᑖᐯᐧᒪᑲᐣ ᐅᒪ ᐃᑌᐧᐃᐧᐣ; ᒋᑫᒫ ᑭᐢᐱᐣ ᑭ ᐃᐧᒉᐋᐧᓇᐤ ᐁ ᓂᐱᐟ ᑭ ᑲ ᐃᐧᒉᐋᐧᓇᐤ ᒥᓇ ᐁ ᐱᒫᑎᓯᐟ;
[12] ᑭᐢᐱᐣ ᑭ ᓯᐯᔨᑌᓈᓇᐤ ᑭ ᑲ ᐃᐧᒉᐋᐧᓇᐤ ᒥᓇ ᑭᐦᒋ ᐅᑭᒫᐃᐧᐃᐧᓂᕽ; ᑭᐢᐱᐣ ᐋᓀᐧᑕᐋᐧᔭᑭ ᐃᐧᐢᑕ ᑭ ᑲ ᐋᓀᐧᑖᑯᓇᐤ;
[13] ᑭᐢᐱᐣ ᓇᒪᐃᐧᔭ ᑭ ᑖᐸᐧᓈᓇᐤ ᐃᐧᔭ ᑫᔮᐱᐨ ᑖᐯᐧᐤ; ᒋᑫᒫ ᓇᒪᐃᐧᔭ ᑭᑕ ᑭ ᐋᓀᐧᑖᓱ.
[14] ᐁᐊᐧᑯᓂ ᐅᐦᐃ ᒥᐢᑲᐋᐧᓱᒥᐠ ᐁ ᐊᔮᑳᐧᒥᒪᒋᐠ ᐁ ᐃᓯ ᑭᑖᐸᑫᐟ ᑳ ᑎᐯᔨᐦᒋᑫᐟ ᐁᑳ ᑭᑕ ᑲᑫᐧ ᐸᐢᑭᔮᑫᒋᐠ ᐃᑌᐧᐃᐧᓇ ᐅᐦᒋ ᐁᑳ ᓈᐣᑕᐤ ᑳ ᐃᑖᐸᑕᑭ, ᑭᑕ ᐊᐧᓈᐃᑯᒋᐠ ᐊᓂᑭ ᑳ ᐯᐦᑕᐦᑭᐠ.
[15] ᐋᑲᒣᔨᒧ ᑭᑕ ᐃᓯ ᐋᐧᐸᐦᑕᐦᐃᐁᐧᔭᐣ ᐁ ᓇᐁᔨᒥᐢᐠ ᑭᓭᒪᓂᑐ, ᐅᑕᑐᐢᑫᐤ ᐁᑳ ᐁ ᓇᓀᐯᐃᐧᓈᑯᒋᑫᐟ ᑲᐧᔭᐢᐠ ᐁ ᐸᒥᓇᒪᐣ ᑖᐯᐧᐃᐧᓂ ᐃᑌᐧᐃᐧᐣ.
[16] ᒫᑲ ᐊᔮᑳᐧᒥᓯᐢᑕ ᒪᒋ ᐅᓵᒥᑐᓂᐃᐧᓇ; ᒋᑫᒫ ᐊᑐᐢᑲᑦ ᑭᑕ ᔭᑯᑌᐃᐁᐧᐊᐧ ᒪᒑᔨᐃᐧᓂᕽ,
[17] ᐁᑯᓯ ᐁ ᐃᑌᐧᒪᑲᑭ ᑭᑕ ᐊᑎ ᒥᓯᑌᐸᔨᐊᐧ ᑖᐱᐢᑯᐨ ᐱᑯᐸᔨᐃᐧᐣ; ᐁᑯ ᑐᐃᐧᕽ ᑳ ᐃᐧᒋᐃᐁᐧᒋᐠ ᐦᐋᐃᒥᓂᔭᐢ ᒥᓇ ᐹᐃᓬᐃᑕᐢ;
[18] ᐁᐊᐧᑯᓂᐠ ᐊᔨᓯᔨᓂᐊᐧᐠ ᑳ ᑭ ᐊᐧᓂᑖᒋᐠ ᑖᐯᐧᐃᐧᐣ ᐁ ᐃᑌᐧᒋᐠ ᓵᓴᐩ ᑭ ᒥᔮᐢᑲᒧᐸᔨᐤ ᐋᐱᓯᓯᓄᐃᐧᐣ ᐁᑯᓯ ᐁ ᐊᐧᓈᑖᐋᐧᒋᐠ ᐅ ᑖᐯᐧᔦᔨᑕᒧᐃᐧᓂᔨᐤ ᐋᑎᐦᐟ.
[19] ᒫᑲ ᓵᑯᐨ ᑳ ᑭ ᐃᓯ ᐋᔮᒋ ᐅᔭᐢᒋᑫᐟ ᑭᓭᒪᓂᑐ ᓂᐸᐃᐧᒪᑲᓂᔨᐤ ᐅᒪ ᐁ ᐅᐦᒋ ᑭᐢᑭᓇᐋᐧᑌᔨᑖᑲᐧᕽ, ᑳ ᑎᐯᔨᐦᒋᑫᐟ ᑭᐢᑫᔨᒣᐤ ᐊᓂᐦᐃ ᑳ ᐅᐟ ᐃᔨᓂᒥᐟ; ᐁᑯᓯ ᒥᓇ, ᑭᔮᑦ ᑲᐦᑭᔭᐤ ᐊᐃᐧᔭᐠ ᑳ ᐃᐧᐦᑕᕽ ᐅ ᐃᐧᔪᐃᐧᓂᔨᐤ ᑳ ᑎᐯᔨᐦᒋᑫᔨᐟ ᑭᑕ ᓇᑲᑕᑦ ᒪᒑᔨᐃᐧᐣ.
[20] ᒫᑲ ᐁ ᒥᓵᐠ ᐋᐧᐢᑳᐃᑲᐣ ᐁᑯᑕ ᐊᔮᐊᐧ ᐊᓯᐊᐧᒋᑲᓇ ᓇᒪᐃᐧᔭ ᐱᑯ ᐅᓴᐃᐧᓱᓂᔮᐤ ᒥᓇ ᐋᐧᐱᐢᑭᓱᓂᔮᐤ ᐁ ᐅᐦᒋ ᐅᓯᒋᑳᑌᑭ, ᒫᑲ ᒥᓇ ᒥᐢᑎᐠ ᒥᓇ ᐊᓯᐢᑭ; ᐁᑯᓯ ᐋᑎᐦᐟ ᐁ ᑭᐢᑖᐸᑕᑭ ᒥᓇ ᐊᑎᐦᐟ ᐁᑳ ᐁ ᑭᐢᑖᐸᑕᑭ.
[21] ᑭᐢᐱᐣ ᒫᑲ ᐊᔨᓯᔨᓂᐤ ᐯᑭᐃᓱᒋ ᐅᐦᐃ ᐅᐦᒋ, ᐊᓯᐊᐧᒋᑲᐣ ᑳ ᑭᐢᑖᐸᑕᕽ ᑭᑕ ᐃᑕᑭᒋᑳᓱ ᑳ ᑲᓈᑕᕽ ᑳ ᑲᐧᔮᑕᕽ ᐁᐧᑭᒫᑲᑕᕽ ᑭᑕ ᐋᐸᒋᑖᐟ, ᐁ ᐊᐧᐁᐧᔨᑖᕽ ᑲᐦᑭᔭᐤ ᒥᔪ ᐊᑐᐢᑫᐃᐧᓂᕽ.
[22] ᒫᑲ ᑕᐸᓯᑖ ᐅᐢᑭᓂᑭᐃᐧ ᒪᒋ ᐊᑳᐋᐧᑕᒧᐃᐧᓂ ᒥᓇ ᐱᒥᑎᓴᐦᐊ ᑲᐧᔭᐢᑳᐧᑎᓯᐃᐧᐣ ᑖᐯᐧᔦᔨᑕᒧᐃᐧᐣ ᓵᑭᐦᐃᐁᐧᐃᐧᐣ ᐯᔭᑕᑫᔨᒧᐃᐧᐣ ᐁ ᐃᐧᒉᐊᐧᒋᐠ ᐊᓂᑭ ᑳ ᒪᐃᐧᒧᐢᑕᐋᐧᒋᐠ ᑳ ᑎᐯᔨᐦᒋᑫᔨᐟ ᐯᑭᑌᐁᐃᐧᓂᕽ ᐅᐦᒋ.
[23] ᒫᑲ ᐱᑯᓇᑕ ᒥᓇ ᑲᑫᐹᒋ ᑲᑫᐧᒋᑐᐃᐧᓇ ᐋᑕᐁᐧᔨᑕ ᐁ ᑭᐢᑫᔨᑕᒪᐣ ᐁᑯᑕ ᐁ ᐅᐦᒋᐸᔨᑭ ᓄᑎᓂᑐᐃᐧᓇ.
[24] ᐃᑕᐢᑌᐤ ᒫᑲ ᑳ ᑎᐯᔨᐦᒋᑫᐟ ᐅᐟ ᐊᑐᐢᑫᔮᑲᓇ ᐁᑳ ᑭᑕ ᓄᑎᓂᑫᔨᐟ ᒫᑲ ᑭᑕ ᔪᐢᐱᓯᑲᑕᐋᐧᐟ ᑲᐦᑭᔭᐤ ᐊᐃᐧᔭ ᐁ ᓂᐦᑖ ᑭᐢᑭᓄᐦᐊᒫᑫᐟ ᐁ ᓯᐱᔭᐁᐧᓯᐢᑖᑫᐟ,
[25] ᔪᐢᑳᑎᓯᐃᐧᓂᕽ ᐁ ᒫᒥᓄᒫᐟ ᐊᓂᐦᐃ ᑳ ᐋᓀᐧᑕᒥᔨᐟ; ᑭᐢᐱᐣ ᓈᐣᑕᐤ ᐃᓯ ᑭᓭᒪᓂᑐᐊᐧ ᑭᑕ ᒥᔨᑯᔨᐟ ᑫᐧᐢᑳᑎᓯᐃᐧᐣ ᑭᑕ ᑭᐢᑫᔨᑕᒥᔨᐟ ᑖᐯᐧᐃᐧᐣ,
[26] ᒥᓇ ᑭᑕ ᑭ ᐸᐢᐱᒋᐠ ᐅ ᓇᑳᐧᓯᐁᐧᐃᐧᓂᔨᐠ ᒪᒑᔭ, ᐁ ᑭ ᐅᑎᓂᑯᒋᐠ ᑳ ᑎᐯᔨᐦᒋᑫᔨᐟ ᐅᐟ ᐊᑐᐢᑫᔮᑲᓇ ᐁ ᐃᑌᔨᑕᒥᔨᐟ ᑭᓭᒪᓂᑐᐊᐧ.