[1] ᐃᐢᑳᐧᔮᐨ ᒫᑲ ᓂᒋᐋᐧᒥᑎᐠ, ᐊᔭᒥᐦᐁᐢᑕᒪᐃᐧᓈᐣ ᐅᐟ ᐃᑌᐧᐃᐧᐣ ᑭᓭᒪᓂᑐ ᑭᑕ ᑭᓯᐸᔨᐠ ᒥᓇ ᑭᑕ ᑭᐢᑌᔨᑖᑲᐧᕽ, ᑖᐱᐢᑯᐨ ᑳ ᐃᑭᕽ ᐃᑕ ᑭᔭᐋᐧᐤ ᑳ ᐊᔮᔦᐠ;
[2] ᐁᑯᓯ ᑭᑕ ᐸᐢᐱᐃᑲᐃᐧᔮᕽ ᐁᑳ ᑳ ᐅᒥᑐᓀᔨᒋᑲᓂᒋᐠ ᒥᓇ ᑳ ᒪᒑᔨᐃᐧᒋᐠ ᐊᔨᓯᔨᓂᐊᐧᐠ; ᒋᑫᒫ ᓇᒪᐃᐧᔭ ᑲᐦᑭᔭᐤ ᐅ ᑖᐯᐧᔦᔨᑕᒧᐃᐧᓂᐊᐧ.
[3] ᒫᑲ ᑳ ᑎᐯᔨᐦᒋᑫᐟ ᑖᐯᐧᐤ, ᐁᐊᐧᑯ ᑭ ᑲ ᐋᔮᒋᐃᑯᐋᐧᐤ ᒥᓇ ᑭ ᑲ ᒥᑖᑫᐧᓇᒫᑯᐋᐧᐤ ᒪᒑᔭ.
[4] ᓂ ᒪᐢᑲᐃᐧ ᐊᐢᐯᔨᒧᑐᑕᐋᐧᓈᐣ ᒫᑲ ᑳ ᑎᐯᔨᐦᒋᑫᐟ ᑭᔭᐋᐧᐤ ᐅᐦᒋ, ᐁ ᐃᑐᑕᒣᐠ ᒥᓇ ᑭᑕ ᐃᑐᑕᒣᐠ ᐊᓂᐦᐃ ᑳ ᐃᑕᓱᐁᐧᔮᕽ.
[5] ᐁᑯᓯ ᑳ ᑎᐯᔨᐦᒋᑫᐟ ᑭᑕ ᐃᐧ ᐃᑕᐢᑖᐤ ᑭᑌᐦᐃᐋᐧᐊᐧ ᐅ ᓵᑭᐦᐃᐁᐧᐃᐧᓂᔨᕽ ᑭᓭᒪᓂᑐᐊᐧ ᒥᓇ ᐅ ᓯᐯᔨᑕᒧᐃᐧᓂᕽ ᙭.
[6] ᐁᑲᐧ ᒫᑲ ᑭᐟ ᐃᑕᓱᐋᐧᑎᑎᓈᐣ ᓂᒋᐋᐧᒥᑎᐠ, ᐅ ᐃᐧᔪᐃᐧᓂᕽ ᑳ ᑎᐯᔨᒥᑯᔭᕽ ᒋᓴᐢ ᙭, ᑭᑕ ᓇᑲᑖᔦᐠ ᑕᐦᑐ ᐅᒋᐋᐧᒥᒫᐤ ᒫᔨ ᐃᓯᐦᒋᑫᐃᐧᓂᕽ ᑳ ᐃᓯ ᐱᒧᐦᑌᐠ, ᓇᒪᐃᐧᔭ ᒫᑲ ᑖᐱᐢᑯᐨ ᑲᑫᐢᑫᐧᐃᐧᐣ ᑳ ᑭ ᒥᔨᑖᕽ.
[7] ᑭᔭᐋᐧᐤ ᒫᑲ ᑭ ᑭᐢᑫᔨᑌᓈᐋᐧᐤ ᑭᑕ ᑭ ᐃᓯ ᑭᐢᑭᓇᐋᐧᐸᒥᔮᕽ; ᒋᑫᒫ ᓇᒪᐃᐧᔭ ᓂᔭᓈᐣ ᒫᔨ ᐃᓯᐦᒋᑫᐃᐧᐣ ᑯᐦᒋ ᐋᐧᐸᐦᑕᐃᑎᓈᐣ;
[8] ᒥᓇ ᓇᒪᐃᐧᔭ ᐱᑯᓇᑕ ᓄᐦᒋ ᒧᐃᐧᒫᓈᓇ ᐊᐃᐧᔭᐠ ᐊᔨᓯᔨᓂᐤ ᐅ ᐸᑫᐧᓯᑲᓂᒪ, ᒫᑲ ᓯᒋᐃᐧᓂᕽ ᒥᓇ ᑯᑕᑭᑖᐃᐧᓂᕽ ᓂ ᑭ ᐊᑐᐢᑳᓈᐣ ᐁ ᑭᓯᑳᐠ ᒥᓇ ᐁ ᑎᐱᐢᑳᐠ ᐁᑳ ᐊᐃᐧᔭᐠ ᑭᔭᐋᐧᐤ ᑭᑕ ᒣᐢᑎᓂᑫᐃᑖᕽ;
[9] ᓇᒪᐃᐧᔭ ᒫᑲ ᐁᑳ ᐁ ᐃᑕᐢᑌᐠ ᑭᑕ ᐃᑐᑕᐃᐧᔮᕽ, ᒫᑲ ᑭᑕ ᐃᓯ ᐋᐧᐸᐦᑕᐦᐃᑖᕽ ᑭᑕ ᑭ ᑭᐢᑭᓇᐋᐧᐸᒥᔮᕽ.
[10] ᒋᑫᒫ ᒣᑳᐧᐨ ᐁ ᐃᐧᒋ ᐊᔮᒥᑖᕽ ᐅᒪ ᑭ ᑭ ᐃᑕᓱᐋᐧᑎᑎᓈᐣ, ᑭᐢᐱᐣ ᐊᐃᐧᔭᐠ ᐁᑳ ᐃᐧ ᐊᑐᐢᑫᒋ ᑭᔮᒼ ᒥᓇ ᓇᒪᐃᐧᔭ ᑭᑕ ᒥᒋᓱ.
[11] ᒋᑫᒫ ᓂ ᐯᑌᓈᐣ ᐋᑎᐦᐟ ᑭᔭᐋᐧᐤ ᒫᔨ ᐃᓯᐦᒋᑫᐃᐧᓂᕽ ᐁ ᐃᓯ ᐱᒧᐦᑌᒋᐠ ᐁᑳ ᐁ ᐊᑐᐢᑫᒋᐠ ᒫᑲ ᐁ ᒥᑯᐢᑲᑎᓯᒋᐠ.
[12] ᐊᓂᑭ ᒫᑲ ᐁᑯᓯ ᑳ ᐃᑖᑎᓯᒋᐠ ᓂᐟ ᐃᑕᓱᐋᐧᑖᓈᓇᐠ ᒥᓇ ᓂ ᓯᑭᒫᓈᓇᐠ ᑳ ᑎᐯᔨᐦᒋᑫᐟ ᒋᓴᐢ ᙭ ᐃᓯ, ᑭᔮᒣᐃᐧᓯᐃᐧᓂᕽ ᑭᑕ ᐊᑐᐢᑫᒋᐠ ᒥᓇ ᑭᑕ ᒧᐋᐧᒋᐠ ᐃᐧᔭᐋᐧᐤ ᐅ ᐸᑫᐧᓯᑲᓂᒥᐋᐧᐊᐧ.
[13] ᒫᑲ ᑭᔭᐋᐧᐤ ᓂᒋᐋᐧᒥᑎᐠ, ᐁᑳᐃᐧᔭ ᐃᑫᔨᑕᒧᐠ ᐁ ᒥᔪᑐᑕᒣᐠ.
[14] ᑭᐢᐱᐣ ᒫᑲ ᐊᐃᐧᔭᐠ ᐊᔨᓯᔨᓂᐤ ᐁᑳ ᓇᑐᐦᑕᐦᑭ ᓂᐟ ᐃᑌᐧᐃᐧᓂᓈᐣ ᐅᒪ ᑳ ᒪᓯᓇᐦᐊᒫᑖᕽ, ᑭᐢᑭᓇᐋᐧᑌᔨᒥᕽ ᐁᐊᐧᑯ ᐊᔨᓯᔨᓂᐤ, ᐁᑳ ᑭᑕ ᐅ ᐃᐧᒉᐋᐧᑲᓂᔦᐠ ᑭᑕ ᓇᓀᐯᐃᐧᓯᐟ.
[15] ᒫᑲ ᐁᑳᐃᐧᔭ ᑖᐱᐢᑯᐨ ᐊᐃᐧᔭᐠ ᑳ ᐸᑳᐧᑎᐦᐟ ᐃᑕᑭᒥᕽ, ᒫᑲ ᑲᑫᐢᑭᒥᕽ ᑖᐱᐢᑯᐨ ᑭᒋᐋᐧᒥᐋᐧᐤ.
[16] ᐁᑲᐧ ᒫᑲ ᑳ ᑎᐯᔨᑕᕽ ᐯᔭᑕᑫᔨᒧᐃᐧᐣ ᐃᐧᔭ ᑫᐦᒋᐋᐧᐠ ᑭ ᑲ ᐃᐧ ᒥᔨᑯᐋᐧᐤ ᐯᔭᑕᑫᔨᒧᐃᐧᐣ ᒧᓴᐠ ᒥᓯᐁᐧ ᐃᓯ. ᑳ ᑎᐯᔦᒋᑫᐟ ᑭ ᑲ ᐃᐧ ᐃᐧᒉᐃᐧᑯᐋᐧᐤ ᑲᐦᑭᔭᐤ.
[17] ᓂᐟ ᐊᑕᒥᐢᑳᑫᐃᐧᐣ ᓂᔭ ᐹᓬ ᑫᐦᒋᐋᐧᐠ ᓂᒋᐦᒋ ᐅᐦᒋ ᑳ ᐃᓯ ᑭᐢᑭᓇᐋᐧᒋᒋᑳᑌᑭ ᑲᐦᑭᔭᐤ ᒪᓯᓇᐦᐊᒫᑫᐃᐧᓇ; ᐁᑯᓯ ᐁᓯ ᒪᓯᓇᐦᐊᒫᐣ.
[18] ᐅ ᑭᓭᐋᐧᑎᓯᐃᐧᐣ ᑳ ᑎᐯᔨᒥᑯᔭᕽ ᒋᓴᐢ ᙭ ᑭ ᑲ ᐃᐧ ᐃᐧᒉᐃᐧᑯᓈᐋᐧᐤ ᑲᐦᑭᔭᐤ.