[1] ᐁᑳᐃᐧᔭ ᑭᓯᐃᐧ ᑭᑐᐢ ᑭᓭᔨᓂᐤ ᒫᑲ ᑳᑭᓯᒧᑐᑕᐤ ᑖᐱᐢᑯᐨ ᐁ ᐅᔪᑖᐃᐧᔭᐣ; ᐅᐢᑭᓂᑭᐊᐧᐠ ᑖᐱᐢᑯᐨ ᐁ ᐅᒋᐋᐧᒥᔭᐣ;
[2] ᑭᓭᐃᐢᑫᐧᐊᐧᐠ ᑖᐱᐢᑯᐨ ᐁ ᐅᔪᑳᐃᐧᔭᐣ; ᐅᐢᑭᓂᑭᐢᑫᐧᐊᐧᐠ ᑖᐱᐢᑯᐨ ᐁ ᐅᑕᐁᐧᒫᔭᐣ ᒥᓯᐁᐧ ᐯᑳᑎᓯᐃᐧᓂᕽ.
[3] ᑭᐢᑌᔨᒥᐠ ᓯᑳᐃᐧᐢᑫᐧᐊᐧᐠ ᑖᐯᐧ ᑳ ᓯᑳᐃᐧᐢᑫᐧᐃᐧᒋᐠ
[4] ᒫᑲ ᑭᐢᐱᐣ ᓯᑳᐃᐧᐢᑫᐧᐤ ᐅᐟ ᐊᐋᐧᓯᒥᓯᒋ ᐊᐦᐳ ᐅᓯᓯᒥᒋ ᑭᔮᑦ ᓂᑳᐣ ᑭᑕ ᑭᐢᑭᓄᐦᐊᒫᒫᐊᐧ ᑭᑕ ᐋᐧᐸᐦᑕᐦᐃᐁᐧᔨᐟ ᑭᓭᐋᐧᑎᓯᐃᐧᐣ ᑎᐱᔭᐤ ᐃᐧᑭᐋᐧᕽ ᒥᓇ ᑭᑕ ᐸᒥᐦᐋᒋᐠ ᐅ ᓂᑭᐃᑯᐋᐧᐊᐧ; ᒋᑫᒫ ᐁᐊᐧᑯ ᐅᒪ ᒥᔮᐧᐱᓯᒥᐠ ᑭᓭᒪᓂᑐ.
[5] ᐊᓇ ᒫᑲ ᑖᐯᐧ ᑳ ᓯᑳᐃᐧᐢᑫᐧᐃᐧᐟ ᒥᓇ ᑳ ᐯᔭᑯᐟ ᐊᐢᐯᔨᒧᑐᑕᐁᐧᐤ ᑭᓭᒪᓂᑐᐊᐧ ᒥᓇ ᑕᐦᑭ ᒪᐃᐧᒧᐢᒋᑫᐤ ᒥᓇ ᐊᔭᒥᐦᐋᐤ ᐁ ᑎᐱᐢᑲᔨᐠ ᒥᓇ ᐁ ᑭᓯᑳᔨᐠ.
[6] ᒫᑲ ᐊᓇ ᑳ ᐸᑭᑎᓂᓱᐟ ᒥᔭᐋᐧᑎᑲᐧᑲᒥᑭᓯᐃᐧᓂᕽ ᓂᐱᐤ ᐁ ᒣᑳᐧ ᐱᒫᑎᓯᐟ.
[7] ᐁᐊᐧᑯᓂ ᐅᐦᐃ ᒥᓇ ᐃᑕᓱᐁᐧ ᐁᑳ ᑭᑕ ᐋᓀᐧᔨᑖᑯᓯᒋᐠ.
[8] ᒫᑲ ᑭᐢᐱᐣ ᐊᐃᐧᔭᐠ ᐁᑳ ᐅᐦᑎᓇᒪᐋᐧᒋ ᐃᐧᔭ ᑳ ᐊᔮᐋᐧᐟ ᐅᓵᑦ ᒫᑲ ᐊᓂᐦᐃ ᐃᐧᑭᕽ ᑳ ᐊᔮᔨᐟ ᑭ ᐋᓀᐧᑕᑦ ᑖᐯᐧᔦᔨᑕᒧᐃᐧᐣ ᒥᓇ ᐊᐊᐧᓯᒣ ᒪᒑᔨᐃᐧᐤ ᐃᔨᑯᕽ ᐊᓇ ᐁᑳ ᑳ ᑖᐯᐧᑕᕽ.
[9] ᐁᑳᐃᐧᔭ ᐊᐃᐧᔭᐠ ᑭᑕ ᐊᓯᑕᑭᒫᐤ ᓯᑳᐃᐧᐢᑫᐧᐊᐧ ᓄᑕᐤ ᐁ ᐃᐢᐱᑎᓯᐟ ᐃᔨᑯᕽ ᓂᑯᑖᐧᓱᒥᑕᓇᐤ ᐁ ᐃᑕᑐᐱᐳᓀᐧᐟ, ᐯᔭᐠ ᓈᐯᐊᐧ ᐁ ᑭ ᐃᐧᒉᐋᐧᐟ,
[10] ᐁ ᒥᔮᐧᒋᒥᐦᐟ ᒥᔪ ᐊᑐᐢᑫᐃᐧᓇ ᐅᐦᒋ; ᑭᐢᐱᐣ ᑳ ᐅᐱᑭᐋᑫᐧ ᐊᐋᐧᓯᓴ, ᑭᐢᐱᐣ ᑳ ᐱᑐᑲᐋᑫᐧ ᒫᓂᑌᐊᐧ, ᑭᐢᐱᐣ ᑳ ᑭᓯᐯᑭᓯᑌᓈᑫᐧ ᐅᑲᓈᑎᓯᐊᐧ, ᑭᐢᐱᐣ ᑳ ᐃᐧᒋᐋᑫᐧ ᑳ ᑯᑕᑭᑖᔨᐟ, ᑭᐢᐱᐣ ᑳ ᐋᑲᒣᔨᒧᐃᐧ ᐱᒥᑎᓴᐦᐊᒧᑫᐧ ᑲᐦᑭᔭᐤ ᒥᔪ ᐊᑐᐢᑫᐃᐧᓇ.
[11] ᒫᑲ ᐁ ᐅᐢᑳᑎᓯᒋᐠ ᓯᑳᐃᐧᐢᑫᐧᐊᐧᐠ ᐋᓀᐧᑕᐃᐧᐠ; ᒋᑫᒫ ᓯᐯᐧ ᐊᐧᓂᑐᑕᐋᐧᑖᐧᐃᐧ ᙭ᐊ ᓄᑌ ᐅᓈᐯᒥᐊᐧᐠ;
[12] ᐁ ᐊᔮᒋᐠ ᓈᓂᐳᒥᑯᐃᐧᐣ ᒋᑫᒫ ᐁ ᑭ ᐋᑕᐁᐧᔨᑕᐦᑭᐠ ᓂᐢᑕᑦ ᐅ ᑖᐯᐧᔦᔨᑕᒧᐃᐧᓂᐋᐧᐤ.
[13] ᐁᑯᑕ ᒫᑲ ᐅᐦᒋ ᒫᒋ ᑭᑎᒥᐊᐧᐠ ᐁ ᑳᑭᔪᑫᐢᑭᒋᐠ; ᓇᒪᐃᐧᔭ ᒫᑲ ᐱᑯ ᐁ ᑭᑎᒥᒋᐠ ᒫᑲ ᐁ ᐅᓵᒥᑐᓂᒋᐠ ᒥᓇ ᐁ ᒥᑯᐢᑳᑕᑲᒥᑭᓯᒋᐠ ᐁᑳ ᐊᔨᑌᔨᑖᑳᐧᐨ ᐁ ᐃᓯ ᐱᑭᐢᑫᐧᒋᐠ.
[14] ᓂ ᓇᑕᐁᐧᔨᑌᐣ ᒫᑲ ᑳ ᐅᐢᑳᑎᓯᒋᐠ ᓯᑳᐃᐧᐢᑫᐧᐊᐧᐠ ᑭᑕ ᐃᐧᑭᑐᒋᐠ ᑭᑕ ᐅᐟ ᐊᐋᐧᓯᒥᓯᒋᐠ ᑭᑕ ᐸᒥᑖᒋᐠ ᐃᐧᑭᐋᐧᐊᐧ ᐁᑳ ᑭᑕ ᑭ ᐅᐦᑎᓇᒥᔨᐟ ᐅᐸᑳᐧᓯᐁᐊᐧ ᓈᐣᑖᐤ ᑭᑕ ᑭ ᒫᔨ ᐃᑌᐧᔨᐟ;
[15] ᒋᑫᒫ ᓵᓴᐩ ᐋᑎᐦᐟ ᑭ ᐸᐢᑫᐊᐧᐠ ᐁ ᐱᒥᑎᓴᐋᐧᒋᐠ ᓭᑕᓇ.
[16] ᑭᐢᐱᐣ ᒫᑲ ᓈᐣᑕᐤ ᐃᐢᑫᐧᐤ ᑳ ᑖᐯᐧᑕᕽ ᐊᔮᐋᐧᒋ ᓯᑳᐃᐧᐢᑫᐧᐊᐧ ᑭᔮᑦ ᑭᑕ ᐅᐦᑎᓇᒪᐁᐧᐤ ᐁᑳ ᒫᑲ ᐊᔭᒥᐦᐁᐃᐧᑲᒥᑯᕽ ᑭᑕ ᐅᐦᒋ ᒣᐢᑎᓂᑫᕽ; ᑭᑕ ᑭ ᐃᐧᒋᐃᐦᒋᐠ ᐊᓂᑭ ᑖᐯᐧ ᑳ ᓯᑳᐃᐧᐢᑫᐧᐃᐧᒋᐠ.
[17] ᐊᓂᑭ ᑳ ᓂᑳᓀᔨᑖᑯᓯᒋᐠ ᑲᐧᔭᐢᐠ ᑳ ᐃᓯ ᐅᔭᓱᐁᐧᒋᐠ ᓂᓵᐧᐤ ᐃᔨᑯᕽ ᑭᑕ ᐃᐧ ᑭᐢᑌᔨᒫᐊᐧᐠ ᐅᓵᑦ ᐅᑎ ᐊᓂᑭ ᑳ ᐊᑐᐢᑫᒋᐠ ᐃᑌᐧᐃᐧᓂᕽ ᒥᓇ ᑭᐢᑭᓄᐦᐊᒫᑫᐃᐧᓂᕽ.
[18] ᒋᑫᒫ ᑭᐦᒋ ᒪᓯᓇᐦᐃᑫᐃᐧᐣ ᐃᑌᐧᒪᑲᐣ, ᓇᒪᐃᐧᔭ ᑭ ᑲ ᑭᐳᑐᓀᐱᑖᐤ ᒧᐢᑐᐢ ᑳ ᐸᐃᐧᐢᑲᐋᐧᐟ ᐸᑫᐧᓯᑲᓂᑳᓇ. ᐁᑯᓯ ᒥᓇ, ᐅᑕᑐᐢᑫᐤ ᑲᐢᑭᑕᒫᓱ ᐅ ᑎᐸᐦᐊᒫᑯᐃᐧᐣ.
[19] ᑳ ᓂᑳᓀᔨᑖᑯᓯᐟ ᐁ ᒪᒥᓯᒥᐦᐟ ᐁᑳᐃᐧᔭ ᐅᑎᓇᒧᐠ ᐱᑯ ᑭᐢᐱᐣ ᓂᓯᑖᐧᐃᐧ ᐊᐦᐳ ᓂᐢᑎᑖᐧᐃᐧ ᐅᑖᒋᒧᐊᐧᐠ.
[20] ᐊᓂᑭ ᑳ ᒪᒋ ᑐᑕᐦᑭᐠ ᑭᑕᐦᐊᒪᐃᐧᐠ ᑲᐦᑭᔭᐤ ᐁ ᐋᐧᐸᐦᑕᐦᑭᐠ, ᑯᑕᑲᐠ ᒥᓇ ᑭᑕ ᐊᐢᑖᓯᒋᐠ.
[21] ᑭᐟ ᐊᔮᑳᐧᒥᒥᑎᐣ ᐁ ᑲᓇᐋᐧᐸᒥᑯᔭᕽ ᑭᓭᒪᓂᑐ ᒥᓇ ᙭ ᒋᓴᐢ ᒥᓇ ᓇᐊᐧᓱ ᐅᑭᓯᑯᐊᐧᐠ, ᑭᑕ ᓈᑲᑌᔨᑕᒪᐣ ᐅᐦᐃ ᐁᑳ ᐁ ᐱᒪᐢᑌᐠ ᑭ ᒫᒥᑐᓀᔨᒋᑲᐣ ᐁᑳ ᑫᑲᐧᐩ ᐁ ᐃᑐᑕᒪᐣ ᑲᑫᑭᓂᑫᐃᐧᓂᕽ.
[22] ᐁᑳᐃᐧᔭ ᐁᓴ ᓭᒫᐠ ᓴᓵᒥᐣ ᐊᐃᐧᔭᐠ ᐊᔨᓯᔨᓂᐤ ᒥᓇ ᐁᑳᐃᐧᔭ ᐃᐧᒋᐃᐠ ᑯᑕᑲᐠ ᐊᔨᓯᔨᓂᐊᐧᐠ ᐅ ᒪᒋ ᑐᑕᒧᐃᐧᓂᐋᐧᐊᐧ; ᐯᑭᓯᐃᐧᓂᕽ ᑲᓇᐁᐧᔨᒥᓱ.
[23] ᐁᑳᐃᐧᔭ ᐱᓯᓯᐠ ᓂᐱ ᒥᓂᑫᐧ ᒫᑲ ᐊᐱᓯᐢ ᓱᒥᓈᐳ ᐋᐸᒋᑖ ᑲᑖᕽ ᑭᑕ ᒥᔪᐢᑳᑯᔭᐣ ᒥᓇ ᒥᒉᑖᐧᐤ ᑳ ᓇᔦᑖᐊᐧᒪᒋᐅᔭᐣ.
[24] ᐋᑎᐦᐟ ᐊᔨᓯᔨᓂᐊᐧᐠ ᐅ ᒪᒋᐃᑎᐃᐧᓂᐋᐧᐊᐧ ᓄᑳᐧᓂᔨᐊᐧ ᐁ ᓂᑳᓄᑖᑯᒋᐠ ᐅᔭᓱᐁᐧᐃᐧᓂᕽ; ᐋᑎᐦᐟ ᒫᑲ ᐊᔨᓯᔨᓂᐊᐧᐠ ᐱᒥᑎᓴᐅᑲᐧᐠ.
[25] ᐁᑯᓯ ᐃᓯ ᒫᑲ ᒥᓇ ᐃᑕᑲᐧᓇᐧ ᒥᔪ ᐊᑐᐢᑫᐃᐧᓇ ᐁ ᓄᑲᐧᑭ; ᐊᓂᐦᐃ ᒫᑲ ᐱᑐᐢ ᑳ ᐃᓯ ᐊᔮᑭ ᓇᒪᐃᐧᔭ ᑭᑕ ᑭ ᑳᑖᓂᐊᐧᐦᑭ.