[1] بو، عوبَدیایا ظاهئر اولان رؤیادیر. پروردئگار رب اِدوم باره‌سئنده بله دیئر: بئز ربدن بئر خبر اشئتدئک، مئلّتلر آراسینا بئر قاصئد گؤندَ‌رئلئب کی، دسئن: «قالخین، گلئن اِدومون ضئدّئنه قالخیب اونونلا دؤیوشَک!»
[2] «باخ، من سنی مئلّتلر آراسیندا کئچئک اده‌جیم؛ هامی سنه خور باخاجاق.
[3] ای سن قایا چاتلاقلاریندا مسکن سالان، اِوئنی اوجالاردا قوران! اوره‌یئنئن تکبّورو سنی آلدادیب، قلبئنده دیئرسن: ”منی کئم یِره ییخا بئلر؟“»
[4] رب بویورور: «سن قارتال کئمی یوخاری اوچاسان دا، یووانی اولدوزلار آراسیندا قوراسان دا، من سنی اورادان یِره ییخاجاغام.
[5] اگر گجه یانینا اوغرولار و حرامئلر گلسَیدئلر، نجه هلاک اولاردین! مگر آنجاق اؤز ائسته‌دئکلری قدر اوغورلامازدیلار؟ باغینا اوزوم ییغانلار گلسَیدئلر، مگر بئر نِچه سالخیمی بوراخمازدیلار؟
[6] عئسونون هر شیی نجه تالان ادئله‌جک، گئزلی خزئنه‌لری آشکارا چیخاریلاجاق.
[7] سنئنله عهد باغلایانلارین هامیسی سنی اؤلکَندن قوواجاقلار، موتّفئق‌لرئن سنی آلدادیب مغلوب اده‌جکلر. سنئنله چؤرک یئیَنلر سنه تله قوراجاقلار، هچ کس ده بونو آنلامایاجاق.»
[8] رب بویورور: «مگر او گون اِدومون حئکمتلی آداملارینی، عئسو داغینداکی دوشونجه‌لی‌لری محو اتمیه‌جیم؟
[9] او واخت ای تِیمان، ائگئد آداملارین اِله قورخویا دوشه‌جک کی، عئسو داغلارینین هر ساکئنی قیرغیندا اؤلدوروله‌جک.
[10] قارداشین یعقوبا اتدئیئن قدّارلیغا گؤره سن خجالت ائچئنده قالاجاقسان، ابده کئمی کَسئله‌جکسن.
[11] یاداِللی‌لر اونون ثروتئنی آپاران گون سن اوزاقدا دوروب تاماشا اتدئن. اَجنبی‌لر اونون شهر دروازالاریندان گئرئب اورشلئم اوچون پوشک آتان گون، سن ده اونلاردان بئری کئمی رفتار اتدئن.
[12] قارداشلارینین بدبختلئک گونوندن ذؤوق آلما، یهودا نسلئنئن هلاک اولدوقلاری گون سِوئنمه، اونلارین هلاکتی گونده، اونلارین پرئشانلیغیندا، سن فخر اتمه.
[13] خالقیمین موصئبت گونونده اونلارین شهر دروازالاریندان گئرمه‌یئن، باشلارینا بلا گلن گون اونلارین فلاکتئنی شادلیقلا تاماشا اتمه‌یئن، باشلارینا بلا گلن گون اونلارین مالینا اَل اوزاتمایین!
[14] قاچان یهودا اؤولادلارینی اؤلدورمک اوچون یول آیریجیندا دایانمایین، او عذابلی گون قورتولانلاری دوشمنه تسلئم اتمه‌یئن!
[15] چونکی ربّئن گونو بوتون مئلّتلر اوچون یاخینلاشیر، ای اِدوم، سن نه جور ادئبسن، سنه ده بله ادئله‌جک، عمل‌لرئنئن عوضی اؤز باشینا گله‌جک!
[16] نجه سئز منئم موقدّس داغیمدا ائچدئنئز، بوتون خالقلار دا دورمادان ائچه‌جکلر، ائچئب اوداجاقلار، اِله بئل کی، هچ واخت یوخ ائمئش.
[17] لاکئن قورتولوش تاپانلار صَحیون داغینا ییغیلاجاقلار، او داغ موقدّس اولاجاق. یعقوب نسلی اؤز مولکونه صاحئب اولاجاق!
[18] او واخت یعقوب نسلی اود، یوسئف نسلی آلوو، لاکئن عئسو نسلی کولَش اولاجاق، اونلار عئسو نسلئنی یاندیریب محو اده‌جکلر. عئسو نسلئندن قورتولان اولمایاجاق. چونکی رب بله دیئب.
[19] نِگِب ساکئنلری عئسو داغینی، هامار بؤلگه‌ده یاشایانلار فئلئسطلی‌لرئن بؤلگه‌سئنی، اونلار اِفرایئمله سامئره زَمئلرئنی، بِنیامئنلی‌لر ده گئلعادی آلاجاقلار.
[20] اسئر اولان بو ائسرایئل قوشونو کی، صارِفَته قدر کَنَعانلی‌لارین آراسیندادیرلار، اورشلئم اسئرلری کی، صِفارَدده‌دئرلر، نِگِب شهرلرئنی ضبط اده‌جکلر.
[21] خالقی قورتارانلار، صَحیون داغینا چیخیب عئسو داغینا حؤکم اده‌جکلر، و مملکت ربّئن اولاجاقدیر.»