[1] بو ائخطار ربّئن مَلاکی واسئطه‌سی‌ائله ائسرایئله ددئیی سؤزدور.
[2] رب دیئر: «سئزی سِودئم.» لاکئن سئز دیئب سوروشورسونوز: «بئزی نجه سِودئن؟» رب ده جاواب ورئر: «عئسو یعقوبون قارداشی مگر دیئلدی؟ آمّا من یعقوبو سِودئم،
[3] عئسودان نئفرت اتدئم. اونون داغلارینی وئران اتدئم، مئراثینی چؤل چاقّاللارینا وردئم.»
[4] اِدوملولار دیئرلر: «بئز اَزئلدئک، آمّا خارابالیقلاری تزه‌دن برپا اده‌جیئک.» آنجاق قوشونلار ربّی بله دیئر: «قوی اونلار قورسون، آمّا من ییخاجاغام. اونلارین اؤلکه‌سی پئسلئک بؤلگه‌سی چاغیریلاجاق، اؤزلری ده همئشه ربّئن قضبلَندئیی خالق اولاراق تانیناجاقلار.»
[5] سئز بونو گؤزلرئنئزله گؤرنده دئیه‌جکسئنئز: «رب ائسرایئل سرحدلرئندن کناردا دا عظمتلئدئر!»
[6] قوشونلار ربّی دیئر: «ای آدیما حؤرمت اتمه‌یَن کاهئنلر! اوغول آتاسینا، قول آغاسینا حؤرمت گؤرسه‌دئر. اگر من آتایام، هانی منه حؤرمتئنئز؟ اگر آغایام، هانی مندن قورخونوز؟ لاکئن سئز ”آدینا نجه حؤرمت اتمه‌دئک؟“ دیئب سوروشورسونوز.
[7] قوربانگاهیمین اوستونده نجئس یمک تقدئم ادئرسئنئز، حله ”سنی نجه نجئس اتدئک؟“ دیئب سوروشورسونوز. ”ربّئن سوفره‌سئنه حؤرمت اتمک لازیم دیئل“ دِمَکله بله ادئرسئنئز.
[8] کور حیوانی قوربان آدیندا گتئرمک مگر پئس ائش دیئل؟ توپال و یا ناخوش حیوان قوربان اتمک مگر پئس ائش دیئل؟ بله بئر حیوانی اؤز والئنه تقدئم ات، گؤر سندن مگر راضی قالیر و یا سنی مگر قبول ادئر؟» قوشونلار ربّی بویورور.
[9] «ائندی بئزه لوطف اتمه‌سی اوچون تارییا یالوارین. سئز بله قوربانلار گتئرَرکَن، او مگر سئزی قبول اِدَر؟» قوشونلار ربّی دیئر.
[10] «کاشکی آرانیزدان بئر نفر معبدئن قاپیلارینی باغلایایدی کی، قوربانگاهیمدا بوش-بوشونا اود یاندیرمایاسینیز! من سئزدن راضی دیئلم، گتئره‌جَیئنئز تقدئملری ده قبول اتمیه‌جیم.» قوشونلار ربّی بویورور.
[11] «گونشئن چیخدیغی یردن باتدیغی یِره قدر، منئم آدیم مئلّتلر آراسیندا عظمتلی اولاجاق. هر یرده آدیما بوخور یاندیریلاجاق، تمئز تقدئملر گتئرئله‌جک. چونکی مئلّتلر آراسیندا آدیم عظمتلی اولاجاق.» قوشونلار ربّی بویورور.
[12] «سئز ”پروردئگارین سوفره‌سی نجئسدئر، چؤره‌یئنه ده حؤرمت اتمک لازیم دیئل“ دئیه‌رَک، آدیمین موقدّسلئیئنی پوزورسونوز.
[13] اوسته‌لئک ”بو نه زحمتدئر“ دیئب منه بورون ساللاییرسینیز.» قوشونلار ربّی بویورور. «سئز قوربان اولاراق اوغورلوق، چولاق، ناخوش حیوان گتئرئرسئنئز، من اونو سئزدن مگر قبول اده‌رم؟» رب دیئب سوروشور.
[14] «لعنت اولسون او فیریلداقچی‌یا کی، سوروسوندن نذر اتدئیی اِرکَک حیوان عوضئنه، ربّه قوصورلو حیوان قوربان ادئر! چونکی من بؤیوک بئر پادشاهام و آدیم مئلّتلر آراسیندا هیبتلی‌دئر.» قوشونلار ربّی بویورور.