[1] قیزیل نجه ده توتقونلاشیب، صاف قیزیل نجه پاریلتیدان دوشوب. موقدّس داشلار هر کوچه‌نئن باشینا تؤکولوب.
[2] صحیون اؤولادلاری تَره‌زئیه قویولاندا صاف قیزیلدان قئیمتلی ائدی. ائندی آمّا نجه ساخسی قابلار کئمی ساییلیرلار، کوزه‌گرئن اَل ائشئنه برابردئرلر.
[3] چاقّاللار بِله، بالالارینا اَمجک ورئرلر، اونلاری اَمئزدئرئرلر. آمّا خالقیمین قیزی رحمسئز اولوب، صحرانین دَوه‌قوشلارینا اوخشاییر.
[4] سود اَمن کؤرپه‌نئن دئلی، سوسوزلوقدان داماغینا یاپیشیر. اوشاقلار یمک ائسته‌یئرلر، لاکئن ورن یوخدور.
[5] اونلار کی، لذئذ یمکلری یِیئردئلر، ائندی کوچه‌لرده بوراخیلیبلار. اونلار کی، قیرمیزی رنگلی پالتار گِیئب بؤیویَردئلر، ائندی زئبئل‌لئیه بورونورلر.
[6] چونکی خالقیمین قیزینین تقصئری سودومون گوناهیندان داها بؤیوکدور، بو شهر اَل توخونمادان، بئر آندا یِرله بئر اولدو.
[7] نذئره‌لری قاردان دا تمئز ائدئلر، سوددن ده آغ ائدئلر، ووجودلاری یاقوتدان دا قیرمیزی ائدی، ظاهئرَن لاجورد داشینا بَنزه‌یئردئلر.
[8] ائندی آمّا اوزلری کؤمور کئمی قارالیب، کوچه‌لرده هچ بئرئنی تانیماق اولمور، دَرئلری سوموکلرئنه یاپیشیب، سولوب، آغاج کئمی قورویوب.
[9] بختور او آداملار کی، آجلیق قوربانی یوخ، قیلینج قوربانی اولدولار. چونکی بونلار زَمئنئن محصولوندان محروم اولوبلار، جانلاری اَرئیئب گدئب.
[10] حتّا لاپ قَلبی‌یومشاق آروادلار اؤز اَللری ائله بالالارینی پئشئرئردئلر. خالقیمین قیزینین قیریلماسی اوچون بالالاری اونلارا یمک اولدولار.
[11] رب حئدّتئنی بوشالدیب، شئدّتلی قضبئنی یاغدیریب، صَحیوندا بئر آلوو آلیشدیریب کی، اونو پایاسیناجاق یاندیریب یاخیب.
[12] یِر اوزونون هچ بئر پادشاهی ائنانمازدی، دونیانین ساکئنلری ائنانمازدی کی، خصم و دوشمن اورشلئمئن دروازالاریندان ائچه‌ری گئره بئلسئن.
[13] پیغمبرلرئنئن گوناهی اوزوندن، کاهئنلرئنئن تقصئری اوزوندن بو، باش وردی، چونکی اونلار شهرئن اورتاسیندا صالحلرئن قانینی تؤکدولر.
[14] کور کئمی کوچه‌لرده دولانیردیلار، قانلا نجئس ائدئلر، اِله کی، هچ کس اونلارین پالتارلارینا دَیه بئلمئردی.
[15] اونلارا قیشقیریردیلار: «ای نجئسلر، ردّ اولون! ائتئلئن بورادان، بئزه دَیمه‌یئن، ردّ اولون!» اونلار قاچقین، سرگردان دولانارکن آیری مئلّتلر ددئلر: «بونلار بورادا آرتیق بئزئمله قالماسینلار!»
[16] ربّئن حوضورو اونلاری پَرَن-پَرَن سالیب، اونلارا تزه‌دن نظر سالمایاجاق؛ اونلار کاهئنلره حؤرمت اتمه‌دئلر، آغساقّال‌لارا لوطف گؤرسدمه‌دئلر.
[17] آمّا گئنه ده بوش یِره کؤمک گؤزله‌مَکدن گؤزلرئمئز طاقتدن دوشدو، بئزی قورتارا بئلمه‌ین مئلّتی هِی گؤزله‌دئک، گلمه‌دی.
[18] قدم به قدم آرخامیزدان تعقئب اتدئلر، اِله کی، کوچه‌لرده گَزه بئلمئرئک. آخیریمیز چاتدی، گونلرئمئز بئتدی، عاقئبتئمئز آخیرا یِتدی.
[19] بئزی تعقئب ادنلر گؤیلرده‌کی قارتاللاردان سورعتلی ائدئلر؛ داغلاردا بئزی تعقئب اتدئلر، کمئن قوروب صحرادا بئزی گؤزله‌دئلر.
[20] حیات نفسئمئز، ربّئن مسح اتدئیی اونلارین خندقلرئنده یاخالاندی، حال بوکی دیئردئک: «اونون کؤلگه‌سئنده مئلّتلرئن ائچئنده یاشایاجاغیق.»
[21] ای عوص اؤلکه‌سئنده یاشایان اِدوم قیزی، سِوئن، فَرَحلَن! سن ده بو کاسادان ائچه‌جکسن، مست اولوب، اؤزونو چیلپاق اده‌جکسن.
[22] ای صحیون قیزی، تقصئرئنئن جزاسی آخیرا چاتیب، رب سنی بئر داها اسئرلئیه گؤندَ‌رمیه‌جک، لاکئن ای اِدوم قیزی، او، سنئن تقصئرئنی جزاسینا چاتدیراجاق، گوناهلارینی اوزه چیخارداجاق.