[1] او گونلرده یهودا و اورشلئمئن اوّلکی حالینی اونلارا گری قایتاردیغیم زامان،
[2] بوتون مئلّتلری ییغیب یِهوشافاط وادئسئنه اِندئره‌جیم. او واخت اورادا، خالقیم و ائرثئم ائسرایئلدن اؤتری مئلّتلری موحاکئمه اده‌جیم، چونکی خالقیمی مئلّتلر آراسیندا داغیتدیلار، تورپاغیمی دا بؤلدولر.
[3] خالقیم اوچون پوشک آتدیلار، اوغلان اوشاغینی فاحئشه عوضئنه وردئلر، قیزی شرابا ساتدیلار کی، شراب ائچسئنلر.»
[4] «ای صورلولار، صئدونلولار و بوتون فئلئسطلی وئلایتلرئنئن اهالئسی، سئزئن منئمله نه ائشئنئز وار؟ آیا منه عوض ورمه‌یه چالیشیرسینیز؟ اگر منه عوض وره‌سئنئز، تزلئکله هچ یوباتمادان من سئزئن اتدئیئنئزئن عوضئنی اؤز باشینیزا گؤندَ‌ره‌رم.
[5] سئز قیزیلیمی و گوموشومو آلدینیز و قئیمتلی خزئنه‌لرئمی معبدلرئنئزه آپاردینیز،
[6] یهودا و اورشلئم خالقینی یونان خالقینا ساتدینیز کی، اونلاری اؤز وطنلرئندن اوزاقلاشدیراسینیز.
[7] باخین، من اونلاری ساتدیغینیز یردن قالدیراجاغام، اتدئیئنئزئن عوضی اؤز باشینیزا دؤندَره‌جیم.
[8] اوغوللارینیز و قیزلارینیزی یهودا خالقینا ساتاجاغام، یهودا خالقی دا اونلاری اوجقار بئر مئلّته-شِبالی‌لارا ساتاجاقلار.» رب بله دیئب.
[9] «مئلّتلر آراسیندا بونو اعلان ادئن: دؤیوشه حاضیرلاشین، ائگئدلری قالدیرین، بوتون دؤیوشچولر یاخینلاشیب یوخاری چیخسینلار.
[10] کوتانلارینیزی چکوجلا دؤیوب، قیلینج دوزَ‌لدئن، اوراقلارینیزی نئزه دوزَ‌لدئن. قوی ضعئف اولان ”گوجلویَم“ دسئن.
[11] تَله‌سئن، ای هر طرفده‌کی مئلّتلر، گلئن و توپلاشین. یارب، ائگئدلرئنی اورایا اِندئر.
[12] قوی مئلّتلر حرکته گلسئنلر، یِهوشافاط وادئسئنه چیخسینلار، چونکی هر طرفده‌کی بوتون مئلّتلری موحاکئمه اتمک اوچون اورادا اوتوراجاغام.
[13] اوراق سالین، چونکی محصول یِتئشئب. گلئن آیاغینیزلا اَزئن، چونکی اوزوم‌سیخانلار دولودور، تَنَکلر داشیر؛ چونکی اونلارین پئسلئیی بؤیوکدور.»
[14] جاماعاتلار، حؤکم اتمه وادئسئنده اولان جاماعاتلار! چونکی حؤکم اتمه وادئسئنده ربّئن گونو یاخیندیر!
[15] گونش و آی قارالیر، اولدوزلار ائشیقلارینی گئزله‌دئرلر.
[16] رب صَحیوندان گورولداییر، اورشلئمده سَس سالیر، گؤی و یِر تئتره‌یئر. لاکئن رب اؤز خالقی اوچون سیغیناجاق یِر، ائسرایئل اؤولادلاری اوچون قالادیر.
[17] «او زامان بئله‌جکسئنئز کی، موقدّس داغیم اولان صَحیوندا مسکن سالان تارینیز رب منم! اورشلئم موقدّس اولاجاق، یاد اِللی‌لر بئر داها اورادان کچمیه‌جکلر.
[18] او گونده داغلاردان شئرئن شراب داماجاق، تپه‌لردن سود آخاجاق، یهودانین بوتون آرخلاریندا سولار آخاجاق. ربّئن اِوئندن بئر بولاق چیخاجاق کی، شئتّئم وادئسئنی سولاسین.
[19] مئصئر وئرانه‌یه، اِدوم ائزسئز چؤله دؤنه‌جک، چونکی یهودا خالقینا قدّارلیق اتدئلر، معصوم ائنسانلارین قانینی تؤکدولر.
[20] لاکئن یهودا ابده کئمی، اورشلئم ده نسئلدن-نسله یاشایاجاق.
[21] اونلارین تؤکولَن قانینین آلمادیغیم قئصاصینی آلاجاغام، چونکی رب صَحیوندا ساکئندئر.»