[1] قارداشلار، اگر بئر آدام بئر خاطا اوسته توتولسا بله، سئز روحانئلر اونو حلئملئک روحو ائله ائصلاح ادئن. و اؤزونوزه دئقّت ادئن کی، مبادا سئز اؤزونوز ده وسوسه‌یه دوشه‌سئنئز.
[2] بئربئرئنئزئن یوکلرئنی داشی‌یین و بو یوللا مسئحئن شرئعتئنی یرئنه یتئرئن.
[3] چونکی اگر کئمسه، بئر زاد دیئل ائکن، اؤزونو بئر زاد بئلسه، اؤزونو آلدادیر.
[4] قوی هر کس اؤز ائشئنی ائمتاحانا چکسئن. او واخت فخر اتمه‌یی اؤزگه بئر آدامدا یوخ، آنجاق اؤزونده اولاجاق.
[5] چونکی هر کس اؤز یوکونو داشییاجاق.
[6] کلامی تعلئم آلان، بوتون یاخشی شیلرده، کلامی اونا تعلئم وره‌نی شرئک اتسئن.
[7] آلدانمایین، تارییا ائستهزا ادئلمز. چونکی ائنسان نه‌یی اَکسه، اونو دا بئچه‌جکدئر.
[8] چونکی اؤز جئسمی اوچون اَکَن، جئسمدن فسادلیق بئچه‌جک. آمّا روح اوچون اَکَن، روحدان ابدی حیات بئچه‌جکدئر.
[9] یاخشیلیق اتمکده یورولمایاق. چونکی اگر سوستالماساق، واختیندا بئچه‌رئک.
[10] دمه‌لی، نه قدر فورصتئمئز وارسا، هامییا، خوصوصَن ائمانلی‌لار عایئله‌سئنه یاخشیلیق ادک.
[11] گؤرون اؤز اَلئمله نه بؤیوک حرفلرله سئزه یازیرام!
[12] جئسمده یاخشی گؤرونمک ائسته‌ینلر چالیشیرلار کی، سئزی ختنه اتمه‌یه مجبور اتسئنلر. بو ائشی آنجاق اوندان اؤتری ادئرلر کی، مسئحئن چارمیخی اوچون عذابا دوشمه‌سئنلر.
[13] چونکی حتّا ختنه اولونانلارین اؤزلری ده شرئعتی رئعایت اتمئرلر. لاکئن سئزئن ختنه اولونماغینیزی ائسته‌یئرلر کی، سئزئن جئسمئنئزده فخر اتسئنلر.
[14] آمّا مندن ائراق اولسون کی، ربّئمئز عئسا مسئحئن چارمیخیندان باشقا اؤزگه بئر شیده فخر ادئم. او چارمیخین واسئطه‌‌سئله دونیا منئم اوچون چارمیخا چکئلئب، من ده دونیا اوچون.
[15] چونکی نه ختنه‌لئک، نه ده ختنه‌سئزلئک بئر شیدئر، لاکئن تزه خئلقت.
[16] بو قایدا ائله رفتار اِدَنلره و تارینین ائسرایئلئنه باریش و رحمت اولسون.
[17] بوندان سونرا، قوی هچ کئم منه اذئیّت ورمه‌سئن. چونکی من رب عئسانین یارا نئشانه‌لرئنی بدنئمده داشی‌ییرام.
[18] قارداشلار، ربّئمئز عئسا مسئحئن فیضی سئزئن روحونوزلا اولسون. آمئن.