[1] چونکی ائسته‌یئرم بئله‌سئنئز کی، سئزئن، لاودئکئیه‌ده اولانلارین و اوزومو شخصن گؤرمه‌ینلرئن هامیسی حاقّیندا نه بؤیوک بئر موبارئزه ادئرم.
[2] اِله کی، اونلارین محبّتده بئرلشمئش اورَکلری تسلّی تاپسین کی، کامئل اعتئمادین درکئندن گلن هامی دؤولتلئیه یتئشسئنلر کی، تاری سئرّئنئن حقئقی بئر معرئفتئنی ثمره ورئر، یعنی مسئحئن اؤزونو.
[3] کی، اوندا حئکمت و معرئفتئن بوتون خزئنه‌لری گئزله‌دئلئب.
[4] بونو اونا گؤره دیئرم کی، هچ کس سئزی قانع ادن موباحئثه‌لرله یولدان چیخارتماسین.
[5] چونکی جئسمن قایئب اولسام دا، روحن سئزئن یانینیزدایام و سئزئن یاخشی ائنضئباط و مسئحه اولان ائمانینیزین مؤحکملئیئنی گؤرمکدن کف ادئرم.
[6] بله‌جه، رب مسئح عئسانی نجه قبول ادئبسئنئز، اِله‌جه ده اوندا رفتار ادئن.
[7] اوندا کؤک سالیب و بئنا اولونوب اؤیر‌ندئیئنئز کئمی، ائماندا مؤحکمله‌نئن و شوکرانلارلا دولوب داشین.
[8] دئقّتلی اولون کی، هچ کس سئزی مسئحه اساسن یوخ، بوش حئیله و فلسفه‌یه، ائنسانلارین حدئثلرئنه، و دونیانین ائبتئدائی اوصوللارینا اساسن اسئر آلماسین.
[9] چونکی مسئحده اولوهئیّتئن بوتون دولولوغو بدنجه ساکئندئر.
[10] سئز ده اوندا کامئل اولوبسونوز و او، هر ریاست و ائقتئدارین باشی‌دیر.
[11] و اوندا اَل‌له اولمایان ختنه ائله ختنه‌لَندئنئز، یعنی مسئحئن ختنه‌سی ائله جئسمانی طبئعتئن بدنئنی اؤزونوزدن آییردینیز.
[12] و تعمئدده اونونلا برابر باسدیریلدینیز و اونو اؤلولردن دئرئلدن تارینین ائشئنه ائمان گتئرمکله اونونلا برابر ده دئرئلدئنئز.
[13] و تقصئرلرئنئزده و جئسمئنئزئن ختنه‌سئزلئیئنده اؤلو اولدوغونوز زامان، تاری سئزی اونونلا برابر دئرئلتدی و بوتون گوناهلاریمیزی بئزه باغیشلاییب.
[14] و امرلره اساسن ضئدّئمئزه اولان و بئزئمله دوشمنچئلئک ادن بورجون سندئنی لغو اتدی و اونو آرادان قالدیریب چارمیخا میخلادی.
[15] ریاستلر و‌ائقتئدار صاحئبلرئنی سئلاحلاریندان سویوب، مسئحئن واسئطه‌سی‌ائله اونلارا قالئب گله‌رک، اونلاری آچیقجا روسوای اتدی.
[16] بونا گؤره، قویمایین هچ کئم یمک و یا ائچمک اوزوندن، و یا بایرام و یا هئلال و یا سبّت گونو اوزوندن سئزه حؤکم اتسئن.
[17] بونلار گله‌جک شیلرئن کؤلگه‌سی‌دئر، لاکئن بدن مسئحه عاییددیر.
[18] قویمایین هچ کس تواضؤعکارلیق و مَلَکپرستلئکدن شؤوق آلیب، سئزی جایئزه‌نئزدن محروم اتسئن. بو بله آدام، گؤردویو ر‌ؤیالاری دانیب، سببسئز اؤز جئسمانی عاغلی ائله شئشر
[19] و باشا مؤحکم یاپیشماز کی، بوتون بدنئن احتئیاجینی ورئب، مفصللر و بندلر واسئطه‌سی‌ائله بدنی بئرلئکده ساخلاییر و تارینین وردئیی بؤیومکله بؤیویور.
[20] اگر سئز مسئحله اؤلوب، دونیانین ائبتئدائی اوصوللاریندان قورتولوبسونوز، بس نه اوچون دونیایا عایید اولان کئمی یاشاییب، اؤزونوزو اِله امرلره موطئع ادئرسئنئز کی، دیئر:
[21] «توخونما، دادما، دَیمه.»
[22] (کی، هامیسی دا ائستئفاده اِتمکله آرادان گدن شیلردئر) - ائنسانلارین احکاملار و تعلئملرئنه گؤره؟
[23] قاییرما دئندارلیق، تواضؤعکارلیق و بدنه اذئیّت ورمک باخیمیندان بونلار ظاهئرَن حئکمتلی گؤرونورلر، لاکئن نفسئن تنپرورلئیئنئن ضئدّئنه هچ بئر فایداسی یوخدور.